搬得走?!

一個電話過來，就要馬上幫手裝機，
懶理得你手頭上的千萬樣工作，
好，我忍你，死肥婆，
你都唔會再在這惡得幾耐！

全日出出入入，
跟本做唔到自己位d野，
仲話叫我搬走添，
如果係真的話，
我睇你地點死！ (......奸笑.....！)

利用價值

今日有消息話可能我間房要搬走，
其實一直我間房都被人睇實，
無論以前10樓1014室，13樓的1312室，e+的1323室，
搬到邊都被 admin組釘實，
都唔知點解我個組咁乞人僧，
唉......有利用價值時你就係寶，
無利用價值時你連過街老鼠都不如！

強迫妄想症

身邊的人最近患了"強迫妄想症"，
總是將自己的想法強加於別人身上，
不顧及別人的感受，
唉......日哦夜哦，
好煩呀！

死期

一早起身 (都成11點了 :P)，
諗住早d搞定早d返香港啦，
點知比人捉左去打牌，
成班姨媽姑姐總是3句唔埋2句就問我幾時先肯結婚，
又話介紹d比我識，
唔我耍我啦！

佢地總係覺得買樓、結婚、生仔係人生必做的事情，
話就梗係容易，全部都係同錢有關的，
邊有咁多個400萬！

食完午飯都成3點幾，
上返去收拾行裝，
出門時已是4點幾，
諗住如果早的話可以到深圳行下，
點知去到火車站佢話最早班車都要20:27！
唔係 fa，唔好玩啦。
無計，都係買左車票先，
再四周圍行下睇下有無第2d車可以返深圳，
可惜係無的，
結果唯有到附近的「宜家」行下。

好辛苦先消磨到1個鐘，
跟住走左去食左個晚飯先，
再慢慢行去上車，
真係從未試過d時間會咁長咁抵用！

返到屋企都成11:30pm，
成個人散晒，
一日就係咁結束了。



獨立宣言

唱：蘇永康　曲：李偲菘
詞：黃偉文　編：TED LO

習慣共你　緊緊擁抱　讓壯志消耗
沉迷地跳著舞　雙腳怎走路　漸漸不知道
人生　像墜入幸福圈套
背向世界　天荒與地老
從前相當自豪　然而今天擔心太早

＊害怕與你　抱擁中衰老
　柔情蜜意　檔著路途
　何妨讓你共我　都退開一步　面對天下地圖
　從此　獨立但並不孤高
　與你有約　找一晚再共舞
　轉個範圍　再續情愫
　天空海闊　比溺愛好

毋需要一起等天荒地老
人生也不只戀愛這一路
平常在兩個世界各自尋寶
重聚互訴安好
然後為對方拭去塵土

離開與一起感覺一樣好
人生也不只戀愛這一路
情人亦各有各那路途
祝君安好　放開懷抱＊

repeat ＊

人日

人日指每年農曆正月初七，根據中國傳統習俗，當日為眾人的生日。人日亦稱為「人勝節」、「人慶節」、「人口日」及「人七日」。
(Ref: http://zh.wikipedia.org/wiki/%E4%BA%BA%E6%97%A5)

今日一早起身，為的就是上廣州食一餐晚飯。

我阿婆今年82歲，她是年初九生日的，
不過每年都是因為我們要返工的原因，
硬要將她的生日提早來慶祝，
今年也不能例外。

9:00am由香港出發，
一直都非常順利，
可是到達目的地已是1:00pm了。

晚飯時間尚餘很久，
無無聊聊同細路玩下，
裝下機、殺下毒，
終於到左6:00pm。

行左過左近的陶陶居食飯，
到處人山人海，非常熱鬧。

棻式如下(名稱虛構)：

(快高長大哮喘豬)


(青蔥常駐農(藥)蔬菜)


((3日前)生生掹掹游水蝦)


(肶翼雙飛禽流雞)


(孔雀石綠多寶魚)

還有其他的共8餸1湯，
最後還有個生日蛋糕添，
食到飽飽！

食完飯返到去無野做，
結果睇左2個半場的足球比賽，
超無聊，
走左去瞓覺。

精彩年初三

今日友人約了入沙田睇馬仔，
事關佢有貴賓席的門票，
本來約好10時左右到賓景等。
點知我睡過頭，
搞到我要趕地鐵趕火車入去，
火車仲要"有入無出"，
班死pk跟本就唔理你係唔係落車，
一味攝上車，
最後好似打仗咁先落到車。
落車後，突然想起一個怪異的想法，
如果個變壓器...... (唔講啦，實在令人不安)

今次係第2次入沙田馬場，
上次都只係入普通席，
貴賓席個門口都特別唔同d。 :D

入到去，剛剛好趕得切睇開幕典禮，
有 Twins，海城高蹺秧歌，紅櫻束女子打擊樂團，
及變臉大師劉智勇的精彩表演，
簡直出神入化，嘆為觀之！

入到去，同人講你無買馬仔我諗都無人會信，
(不過我上次真係無買過wor)
係咁依買左3場，
可以講話係全軍覆沒，
全日損失了14大元！ :P

第4場之後就走了出沙田食tea，
之後再到元朗友人家睇dvd，
食過晚飯後就各自各回家了。
(又食唔到大榮華喇，下次一定要早d先得)

科學家籲聯國防2036年小行星撞地球

(Ref: http://hk.news.yahoo.com/070220/60/221jw.html)

請大家記緊圈著這個日子：2036年4月13日。

當天，人類將會受到嚴重威脅，因為一顆小行星到時會非常接近地球，可能會在地球的旁邊擦過。一群太空人、工程人員和科學家公開呼籲聯合國承擔責任，進行一次太空任務，想辦法化解這場危機，拯救全人類。

據美國傳媒報道，天文學家現正密切監察著那顆名叫「Apophis」的小行星。他們相信，它正面撞擊地球的可能性是4.5萬分之一。

這群太空人、科學家上周末在三藩市出席一個會議，討論小行星對地球的威脅時，發出上述警告，同時討論人類可以採取甚麼方法，避免大災難發生。

1969年3月有份參與「太陽神九號」任務環繞地球運行的前太空人施韋卡特說：「我們不單只監察『Apophis』。地球上每一個國家和地區都要面對危險。我們有必要制訂一套準則，應付這個問題。」



(Ref: http://news.sina.com.hk/cgi-bin/news/show_news.cgi?ct=global&type=global&date=2007-02-21&id=2335718)


　電影《絕世天劫》不再是遙不可及的科幻情節，全球天文學家、工程師、科學家及外交官員雲集三藩市開會並警告：2036年4月13日將爆發世界浩劫，一個名為阿波菲斯（Apophis）的小行星會撞擊地球，摧毀面積大如整個英格蘭。專家要求聯合國正視危機，盡速制訂國際公約及對策，展開太空任務齊心拯救全人類。

　上周六在三藩市召開的美國科學促進協會會議，提醒人類要謹記在月曆上圈出2036年4月13日，屆時小行星阿波菲斯非常接近地球，幸運的話與地球擦身而過，不幸的話會撞擊地球，而它正面撞向地球的可能性高達四萬五千分之一。

　以神話人物命名的阿波菲斯，長約153公尺（460呎），直撞地球的話可摧毀任何國家或地區，受損面積足與整個英格蘭相比。與會的太空人、科學家及外交家，在會議上研究小行星對地球的威脅，及探討可採取甚麼方法阻止這大災難。

　美國華裔太空人盧傑（Ed Lu）表示，最可行之策是派遣太空船「引走」阿波菲斯，即發出引力令它偏離軌道，而這項任務將耗23.4億港元。《絕世天劫》裏的布斯韋利士，同是為了化解殞石撞地球危機，率領隊伍執行太空任務，先發制人將殞石炸毀。

　美國太空總署（NASA）曾評估，阿波菲斯正面撞向地球的機會不高，但國會近期已指令NASA將該危機升級。1969年曾參與「阿波羅九號」任務的前太空人施韋卡特指出：「地球上每個國家及地區都面臨危機。我們不僅要監察阿波菲斯，更有必要制訂一套國際策略、準則及公約應付這問題。」

　施韋卡特表示，聯合國有責任統籌應付今次危機，他下周即向聯合國和平使用外太空委員會呈交建議，要求盡速制訂應付小行星的全球對策藍圖。此外，由前太空人組成的太空探險者協會，亦計劃今年主辦連串高層工作坊，研討對付小行星的新計策，並在2009年向聯合國提交正式建議書。

繼續無聊

繼續喪打 ps2，that's all !!

無聊年初一

首先 祝 大家新年進步，身體健康，財源廣進，今年更勝舊年！ :D

今年沒有出外拜年，
(因為親戚少，可以在年初一拜年的都不在了)
在家喪打 ps2，
魏蜀吳三國戰得你死我活。
突然，電話嚮起，
一位堂阿哥話會上來拜年，
我阿媽馬上"做工夫"整好個"全盒"，快！ :P

寒暄一番之後 ，已答不上話題，
(一年都見唔到一次面，你話有什麼話題?)
回房繼續打機，任務就留返比阿爸阿媽。 :P

行大運團年飯

夜晚一家人駒車去左沙田食晚飯當係團年，
本來係去火炭工業區食大排檔的，
點知佢地收晒爐，
唯有出返沙田市中心食。

食完返屋企，
點知"又"行錯路，
(因為去程已經錯過了)，
結果行了一個大運先到"目的地"，
果真係新春行大運了。

團年飯

新年前最後一個工作日，
心情應該是很輕鬆的，
不過就被很多濕濕碎碎煩擾著，
d 單又未返晒貨，
搞來搞去，真係比佢煩死！

中午去左大胃王食"團年飯"，
"紅酒燴牛腩"意粉，
where is "牛腩"???
一 d紅酒味都食唔到，
真後悔叫左這個餐， >_<
不過可以一班人熱熱鬧鬧咁食飯，
就食乜都咁開心！ :D

小心意收到了，
雖然係遲左D，
不過都好過無 :P
話時話，雖然個賣相係差左D，
不過勝在有比心機造，
食落會特別好味! :D
期待下次造得更好!!

全方塊workshop - 番外篇2 ( = round 14)

今日 cissy 因病沒有去 workshop，
所以工作大部份就由我同 ricky 分左佢，
都算流暢，
yb 講笑話以後少一個人幫手都可以，
唔好嚇我啦！ @_@

放左工約左一班舊同事食飯，
講講大家近況，
再問下讀書事宜，
(唔)......都係信唔過，
唔鬼理佢喇。

口臭‧情人節

今日早上同泰王講話 d ole slp workshop 已經進入倒數第2場，
終於可以告一段落，
點知2個鐘之後就收到一個惡耗，
大大話又要加開多3場， (fuxk)
個人即刻 down 晒，
大把正經野都未有時間做，
真係無野搵野尼搞！

情人節 - 對我來講可以話是一個沒有意義的名詞，
返正花又唔駛送，
朱古力又無得收，
就像平淡的每天一樣。

"偽"團年飯

今日食飯前大大走了過來同 kb "講數"，
臨走時叫了他去食飯，
本來諗住這樣就一個人去食老麥啦，
自己一個出左去電梯大堂先，
點知等極都無電梯，
結果要等到"一齊"搭，
yb仲叫我一齊食添，
最後都係一齊去左合和飲茶，
全餐食得唔安唔落，
最唔好意思係要 宋sir 比錢找數，
有時有得食都未必係福！

有錢先有"自己人"講

今日好似做左好多野，
不過又好似無做過咁，
因為做極都係d濕濕碎的事情。 ~_~

"學分承認組"今日終於 send 左個 reply 回來，
不過都係o個句，
問左等於無問。
原來"自己人"都要做"學分承認"的申請，
無得自動"過數"，
原因好簡單，
當然係錢作怪啦 (HK$ 3120)！
不過我見到一d事例都放心d，
求其一張 (related) H.D. 都有 60~80 學分，
E+ 只要下定決心，
就會去報名！
良哥，你諗成點架？

超小型生日會 + 人生大道理

通常我細佬生日都係撞正農曆新年，
總是要在大陸過的 (內有另一故事，不作詳細說明)。
今年難得在新年前，
所以同佢在家搞了一個超小型生日會，
原來同日佢已經走了2~3場，
所以回到家時已經食唔落個蛋糕了！ :P

通常這些場景d"老人家"就梗係講下d人生大道理啦，
次次講講下都梗係燒到我度！ v__v

放假一天

今日本來放假去買平野的，
點知貪睡過頭，
算罷.....
改作 PS2 大戰。

OUHK 的"畢業組"回了信給我，
都幾快， ^^
不過內容只是想講，
"修讀額外學分，就可以取得較高學術資格。"
這個我一早就知道啦，
睇尼要等下一封"學分承認組"的電郵，
才可以得到答案。

全方塊workshop - 番外篇1 ( = round 13)

今次連yb 都話個 workshop 非常流暢，
佢話大家已經合作的非常之好。 ^^

中午去 cityu 問學分事宜，
不過去到發現已經是午飯時間，
無可奈何之下走去 student canteen 食飯，
迷途...... @_@
最後都找到了！
臨門一腳差d無飯食，
比個食蕉叔叔在門口查學生證，
好采佢好好人， @_@?!
同佢講話唔記得帶，
佢都比我入去！ :P

做大學生真係幸福，
校園美少女又多，食飯又平，
恨不得馬上成為他們的一份子！ ^^

放工同良哥傾了一會，
佢口口聲聲話想讀，
不過睇佢個樣，
好似我緊張多個佢，
e個"戰友"睇尼都係唔可靠，
都係靠自己罷！

張 cert. 果然走返出來，
原來我放了在家，
嚇得我丫！

失蹤

今日抽了點時間作了篇email 寄去 ouhk 問下再進修的問題，
在作email 期間，需要 refer 返 d cert.，
點知有一張找來找去都找唔到正本，
copy就有一大堆，
死火！ 希望遲d佢會遊返出來！ 希望！ >_<

期望 ouhk 會有個滿意的回覆給我！ :D

明天有時間再去 cityu 問下先！

巧合 + 諗唔通

今晚又出左街食飯，
在office睇完昨晚的爭霸先出門，
點知在過尖沙咀的船上竟然遇到ricky，
真巧合！

飯局中有談及進修事宜，
各人均讚成進修，
但有人提出應考慮更深入的問題，
例如課程的深淺，年期，功課量等等相關問題。
嚇一嚇之下，
回家再細閱資料，
諗唔通，
都係去 cityu 同 ouhk 問下，
睇下邊間著數d。 :P

吃過團年飯@行足一世運?! + 愛得太遲

今晚同班舊同事去左apm唱k + 食團年飯，
真係失禮死人，
d新歌聽都未聽過，
更加唔好話唱兩嘴，
out 到爆！！ @_@
只好坐在一邊食食食同聽歌。

不過今晚d氣紛好似唔係好熱烈，
唔知係唔係有外人的關係呢？！
事關皇后帶了她的朋友仔出來晒。
(真係唔好意思都要講句，只能用鮮花同牛糞來比喻，簡直浪費)
(世事往往就係咁神奇，俊男配醜女，美人配戇男)

自問都唔係什麼俊男，
點解就唔會好似人地咁有個像樣的女孩在身旁呢？！ ;-(

今晚良哥十分低調，
沒有表現得很大的情緒波動，
不過也沒有同皇后好好說過半句話，
希望他能支持得住！

明天同佢再好好傾下！
學業，係學業問題......
如果佢真係讀 cityu 的 BS(Hon) in Computer Studies，
我可能都會過檔一齊讀，
事關有同學仔ma，
讀起上來會開心d！ :P



愛得太遲

歌手：古巨基　作曲：楊鎮邦@宇宙大爆炸
填詞：林夕　編曲：雷頌德

我過去　那死黨　早晚共對
各也紮職以後　沒法暢聚
而終於相約到　但無言共對　疏淡如水

日夜做　見爸爸　剛好想呻
卻霎眼　看出他　多了皺紋
而他的蒼老感　是從來未覺　太內疚擔心

最心痛是　愛是太遲
有些心意　不可等某個日子
盲目地發奮　忙忙忙其實自私
夢中也習慣　有壓力要我得志

最可怕是　愛需要及時
只差一秒　心聲都已變歷史
忙極亦放肆　見我愛見的相知
要抱要吻要怎麼也好
偏要推說等下一次

我也覺　我體質　彷似下降
看了症得到是　別要太忙
而影碟　都掃光　但從來未看　因有事趕

日夜做　儲的錢　都應該夠
到聖誕　正好講　跟我白頭
誰知她開了口　未能挨下去　已恨我很久

錯失太易　愛得太遲
我怎想到　她忍不到那日子
盲目地發奮　忙忙忙從來未知
幸福會掠過　再也沒法說鍾意

愛一個字　也需要及時
只差一秒　心聲都已變歷史
為何未放肆　見我愛見的相知
要抱要吻要怎麼也好
不要相信一切有下次

相擁我所愛又花幾多秒　這幾秒
能夠做到又有多少
未算少　足夠遺憾忘掉

多少抱憾　多少過路人
太懂估計　卻不懂愛錫自身
人人在發奮　想起他朝都興奮
但今晚未過　你要過也很吸引

縱不信運　你不過是人
理想很遠　愛於咫尺卻在等
來日別操心　趁你有能力開心
世界有太多東西發生
不要等到天上俯瞰

拆"禮物"日

昨天sony送了貨過來，
不過被 kb 鎖起了，
未有的玩住。 >_<
不過今天又有新野送來，
就係2部 samsung NP-Q35，

輕巧纖薄，12.1"闊屏幕，
速度快， (比起本組現時的機種)
簡直係愛不釋手！ \(^o^)/

全方塊workshop - 12章之12

今次係咁多次workshop最smooth的一次，
流暢度簡直可以話係100%！ ^_^

中午同 ricky 去o左樂富食飯，
選擇不多，加上車費同時間，
可以話係無著數，
下次都係唔過去 lu。

係啦，workshop仲未完結，
應該仲有3場，
要到3月1日先「大結局」，
真長氣！