好幫手 + 秘密

今日又走左去九龍塘開Workshop，
其實我都唔知去到要做乜，
總之又有我份就一定！ @_@
之前的準備工作好彩有泰王、桑姑同k小姐幫手，
如果唔係都幾大獲，
真係辛苦晒！ ^^

下午回office時，
泰王講左我知一個(已經confirm)的秘密，
雖然係有D吃驚，
不過其實一早就估到(知道)，
所以都真的替他高興！ \(^o^)/

12...

大休2天

成個星期都未停過，
好彩星期六日無乜野搞，
可以靜靜地休息返2日，
不過亦惹來一些不滿的聲音！

米埔之行 (2)

今日又走左去米埔，
行程同上次差唔多，
不過就比上次晒/熱得多了！
再加上今次無乜雀睇，
所以d老師一入雀屋無耐就走返出來！ :P

仲有今次細s 都有出席 (學習？)，
不過由頭到尾都無幫過手，
只係做一個旁觀者！
我睇佢都係無心戀戰多了！

大偵探真係越來越cheap了，
繼昨日唔跟車回office之後，
今日又再次唔跟車，
佢話要比細s做下！
佢仲要cheap到搭左某位老師的私家車去元朗，
唔怪之得佢一直極力主張唔帶咁多野啦！

PS: 原來米埔接待處出面係有間士多的，
仲有餐蛋麵食，下次去就唔駛帶咁多野lu，
不過唔知下次會係幾時呢？ @_@

黑仔日

1. 臨瞓前發現個聖鬥士星矢巨蟹座鎖匙扣爛左；
2. 唔知醒起身；
3. 做埋 workman 搬貨上上落落；
4. 午餐倒瀉左，仲要上身添；
5. 本來可以直接响 KTC 解散，不過都係要搬野返灣仔；

團隊精神?!

連續3日都係安排緊 workshop/seminar 事前事後的資料，
今日就特別忙，
事關明天的大型 seminar 資料到中午前還未 finalize！

午飯後全力做影帝，
細 r 就幫 spm 搞其他 logistic 及 聯絡事宜，
而其他人都要落水，真係辛苦晒！

係唯獨那位老人家沒有幫忙！
仲要唔知係攞景定贈慶，
响人地最忙的時候 (也就是放工的時候)，
打我個手提電話來說：「我走啦，你有無鎖匙？」
我頂你個肺，一 d 團隊精神都無，
仲可以好安心咁走去放工！ >_<

其實都無人叫我幫手，
我都大可以準時走人，
不過我就係好管閒事，
事事睇唔過眼，同衰心軟，
所以有親大獲野次次梗有我份！ @_@

人地話 e+ d 細路一蟹不如一蟹，
我覺得也不盡言，
起碼我覺的佢地 d 團隊精神/分享精神，
比起那些成熟穩重的老人家強得多了！

「種籽」計畫

今日心情極差，
極唔想返工，
本來想著得"四正d"出去，
諗下諗下，為表不滿，
都係求其一件 T-shirt 牛仔褲算了！

去到會場，
眾人好像對我的衣著有意見，
不過又不方便表達。
係，我係知道的，
當我失去理智時，
有時係會做一些任性的事，
請各位多多包涵！ :P

好彩一切順順利利，
無驚無險，又到12點，
下午又唔駛過銅鑼灣工作，
所以就出左黃金行下。

忘記一提的係，
大偵探之前又話 claim 又話唔 claim，
昨天又話我知叫我去 claim。

喂，你諗清楚未架？

米埔之行 (1)

今日去米埔搞 workshop，
好多同事朋友都好羨慕，
其實都唔係想像中咁好玩，
因為去到係有野要做的！

晨咁早 (7:15am) 就要返到 office 集合(做咕哩)，
然後再乘的士去九龍塘的理想酒店......與老師集合，
旅遊巴轉左車又唔通知，
老師自己去米埔(有d唔去)又唔通知，
次次都總係有d阻滯，
再加上大偵探唔想比人知佢個手提電話的no.，
所以打電話聯絡事宜就落在我同細 r 身上！

舟車勞頓，坐左成個鐘車終於去到米埔 (9:20am)，
大家休息左10分鐘左右就開始 workshop 的 presentation。
其間最驚險的就是其中一位嘉賓的超大 ppt (330mb) 開極都開唔到，
要即時上網取回上年o個個檔案，
其他的都是超悶人的理論和解說。

12:40pm，終於放飯了，
因為米埔附近是沒有食的東西賣的，
所以所有人都自備左午餐，各自修行！
(好彩 7-11 是24小時的，如果唔係......要食雀屎喇)

1:30pm，下午的活動又開始了，
先來兩小時的生態遊，
(好彩有樹蔭，如果唔係一定變黑人)
再來小手工製作及 roundup，
已經是 4:20pm 了，
拿拿聲行返出停車場找那架旅遊巴出返市區。

返到 office 已經係 6:00pm 了，
見到新買的"小魚兒"就玩左一陣，
再 check 下 mail，準備明天的工作就已經 7:00pm 了！
(係，無錯，明天星期六都仲要返工！) X_X


以下全部用 Canon Digital IXUS 900 Ti 所拍攝的：






(好可愛的 LEGO 熊貓捐款箱 :D)


(一群黑翅長腳鷸)


(大白鷺)


(小白鷺與黑翅長腳鷸)


(又係一群黑翅長腳鷸)


(大白與小白)


(不知名山菇)

全方塊workshop - 添食篇1 ( = round 16)

大大同不正早上都有去 workshop，
仲有講有笑，果然d EQ, IQ, AQ, .... 乜Q 都好高！

細 r 下午要去覆診，
所以下午就得返我一個人睇檔！
好彩一切順利，萬事大吉！

大偵探被告知唔可以自己換門鎖，
為免麻煩，他願意自己出錢而唔再 claim 返，
真係偉大！ (如果最初唔自己搞就無事啦！)

做到氣咳

今日繼續殺毒，
殺完又再出現第二隻毒，
都唔知個 server 係唔係又响度派毒！

傷風已演變為咳嗽，
都唔知係做到氣咳定係病到咳！ X_X

已經多野做到死，
下午仲要比人拎爆個門鎖，
差d出唔到個門口，
最後仲要自己安拆個門鎖！ ~_~

後來得知不正同大大早上開會，
(當時spm也在場)，
他們竟然罕有地擦出火花，
搞到不正要打信提出一個月通知提早離職，
信是上交了，
不過......，
最後大大 say sorry，事件也就不了了之！

願望成真 = 理想結局?

早上起身，發覺自己中左招，
竟然傷風流鼻水，
too bad!! @_@

返到office，
電話繼續响到爛，
聽唔掂，唔理喇，
離開自己個位，繼續四出殺毒！

下午幫spm搬屋，
成個下午就無左，
最後仲有蛋禚食！ :P

晚上再次玩美少女夢工廠4，
終於是魔法士與劍士之決擇，
結果發現是劍士(力量型)勝了魔法士(智慧型)！
"願望"係達成了，
可是同心目中的結局差了一大節，
更加有 bad ending 的感覺！ ~_~

新同事

今日又多一位新同事，
什麼？ boss？ 一來就做 boss？

一切都未準備好，
枱未有，櫈未有，電腦未有，電話未有，
但是工作就先來了！ :P

事關我早上幫手解毒時，
竟被"諾媽"徵召做臨時 technician，
去了 St. Paul's Convent School 睇場，
所以我就將手頭上的工作就分給了其他同事！ :P
(出左去都好，起碼唔駛聽到個响到爛的電話)
辛苦了他們！唔該晒！ :D

在途中，起碼有兩次聽到"諾媽"提起佢兩位 AA 的比較，
睇尼佢係有點偏重信任於"成熟"的那位，
而"年青"的那位就事事處於不被信任的情況，可憐！

不過，能者就一定會做到死的，
所以"不被信任"可能是一件好事都未定！ :D



無意中得知「茅小姐」的私人部落，
有興趣就問我 / 泰王拿罷！



事件解決了，原來是一場誤會，
不過那句依然生效，
You will pay for the next dinner！ :P

Shock x3

1. 你竟然用Ｘ智Ｘ對你的方式來對我，
　你好野！李老薇！
　「好！I'll remember this. You will pay！」

2. 小魚兒竟然自動浦返出來找我！奇跡，奇跡！
　上兩次上office竟然找我不在的時間出現，
　我以為我不會再見到/聽到他了！
　(雖然這次也只是為了工事)

3. 早前取得一隻久違多年前的遊戲「美少女夢工廠4」，
　今天取出來試玩，
　什麼製作多年，
　什麼強大聲優陣容，
　什麼天廣直人的人物設定......
　一切都係廢話！
　我只用了差不多3小時就爆了機！
　而且仲要係從前很難做到的"嫁給皇子"，
　真是...... (又有可能512的真是公主命)
　我會再玩多一次，
　重溫當年外出打怪的激烈，
　不竟我覺得女孩子穿著起魔法袍/中古戰鬥服都幾吸引！ :P

13號真係黑色星期五？！

放了多天假後，
今天重返工作間，
人事依舊，
可是面目全非！

"四方城"面積不大，
燈光不好，空氣更加不好，
長時間工作人都會痴線，
祝佢地幾位好運！

一早返到office位都未坐低，
大偵探就叫救命，
我以為佢又亂上網搞到中左毒啦，
點知大S跟著就打電話來，
又係電腦中毒！

諗住打電話上 helpdesk call 佢地落尼搞啦，
打極都無人聽！ 點做野架！

跟住.......我個電話、房間就"熱鬧"非常，
個個知我返左來就向我求救， @_@
大佬啊，比D時間我睇下發生了什麼事先好唔好！

原來，在星期三那天，
部份 officer 開機時已發現有點古怪，
在 login 個 novell server 時，
多了一個 DOS prompt，要手動關閉。
之後更有 officer 打電話上 helpdesk 說明情況！
可惜的是，那班收了錢又唔做野的人，
只是叫個 officer 嘗試重新開機就算了，
完全不負責任！

情況當然只能越來越壞啦！

到了星期四，佢地好似知死了，
終於在午飯時將個 server 作了一次 recover 的動作，
可是 officer D 機又點算呢？
睇尼就係你死你事！！
究竟，用咁多錢買D乜野 service 返來？

就係咁，全日無時停過，
研究怎樣將隻 w32.looked.bk! gen 洗走！
最可惡的是，就算救返部機，
很多 software 都要重新安裝！
簡直就係浪費時間！

無日安寧

樓上裝修，樓下拆屋，
日日係咁嘈，
放幾日假都無日安寧！ >_<

自我空間 (AT 力場)

昨天回程在隧道巴士上，
有位"活在自我空間"的人士坐在上層車頭位置，
他簡直視旁人如無物，
當正自己在架駛電單車般，
巴士左轉佢就左偏，
巴士右轉佢就右偏，
嚇得無人敢坐在他附近！

當時我身後有一位小朋友及他的父母，
小朋友天真的認為"那位人兄"是傻子，
他父親告訴他"那位人兄"只是活在自我空間，
更告訴他只要不打擾、不破壞'那位人兄"的自我空間，
"那位人兄"是不可怕的！

其實諗深一層，
我地唔知幾時開始，
各自擁有自己的"自我空間"，
(在 EVA 來說就是 AT 力場)，
將自己層層保護著。
要解開這個力場，
睇怕只能找到一位"適任架駛者"！

你找到了那位"適任架駛者"未？

廣州長隆遊記3 - 舟車勞累

兩天經驗所得，就算是市內也不要用行的，
所以吃過 brunch 後，就乘車到一得路閒逛。
不知不覺就已經是兩點幾，
又是乘車到流花車站再乘旅遊巴士回深圳。
一直都是塞車塞車又塞車，廣州、深圳也是，
結果要成六點幾先在深圳下車，認真辛苦！

hea下hea下過了關，在上水吃過晚飯及糖水後，
已經是十點左右！
仲有一條長長的火車軌，及海底隧道，
回到家已經是十一點幾，
好似乜都無做過咁，但係就咁就一日喇！


後記：
廣州食野好平 (唔包麥記同KFC)，
交通費就唔少野 (因為去邊都要乘車，實在太遠了)，
仲要留鬆點時間在交通上 (因為隨時隨地都可能塞車)！
百多元的三星酒店都住得過 (係就係唔就腳一D)！ :D

廣州長隆遊記2 - (沒有你)未能盡興

吃過早餐後，乘地鐵到長隆歡樂世界。
估唔到幾個站的地鐵車程都要差不多50分鐘！
出了地鐵站後，找到接駁巴士，
等了十多分鐘，終於出發了！
兩分鐘後，車上大部份的乘客都大叫著，跟著下車，
唔係呀 ma！ 咁快就到了樂園南門的入口！！
真係有點被騙的感覺！ (雖然只是2元)
(再一次証明手上的資料不可盡信)

本來一心想話玩完樂園再去睇大馬戲，
不過可能係復活節多旅行團的關係，
大馬戲竟然被人包了場！

算，就省返一點錢！

全園熱玩的機動遊戲及表演都差不多玩過一次，
係唯獨跳樓機無玩到，
事關佢日光日白走去維修，
夜馬馬先開返，
唔敢用條命仔教飛，
都係留返在香港海洋公園的跳樓機上聽下人地心事仲好！ :P

廣州長隆遊記1 - 出師不利

早上11點幾已過了關，諗住順順利利可以好快到廣州落腳，
點知(深廣)火車嚴重誤點，暫停發售車票，未知幾時再有火車時間！
所以諗住退而求其次改乘巴士喇，
點知一樣要大排長龍，人龍有成十多圈，
排左成個幾鐘先上到巴士！ @_@

去到廣州(廣原客運站)已經係三點幾，
(當時唔知自己在那裡) X_X
人生路不熟，不禁慌了起來，
只好找一架會去目的地附近的巴士就上！

好采可以出到市中心的上九路，
順便行行上下九及吃點小吃(午餐)，
再沿著方向尋找酒店。

我的心目中，一個地鐵站的距離應該是十至二十分鐘的距離，
所以一直行啊行啊，十分鐘，二十分鐘，三十分鐘，四十分鐘，
終於找到了 -- 下一站陳家祠！ -_-

到了陳家祠廣場，找來找去都找不到酒店，
只見一幅爛地，唔係 ma，唔好玩啦，
再去問下人，先知道個酒店不在這附近！
(完全被那不成比例的地圖玩死!!)
再行多二十分鐘，終於發現酒店了！

辦完手續上到房間，成個人散晒！

hea左一陣，越抖越累，
都係出街行下同找食！

無目的的向前走著，
四處的店舖開始關門！ (6:30pm左右) @o@
想話向江邊的酒吧街進發，
點知行來行去都找不到。
又累又餓，結果又係 kfc ........ (無奈)
食完野有返d體力，再出發，
原來酒吧街就在前面不遠處！ :)

不過去到都無入到去，
只係在出面的江邊行了一陣，
吃了點冷風和雨粉，
就乘車回去了。
回酒店前，再買了一個2元的干抄油河吃，
味道還可接受，又有盒又有木筷子，
最緊要係份量夠，吃得飽，簡直就係抵！

第一天就是這樣辛苦的行過了。

結婚=有承諾的男人？

男人的承諾
(ref: http://euniceng2006.mysinablog.com/index.php?op=ViewArticle&articleId=481386)

認識一個不覊男生.
年事33,事業如日方中,晚晚花天酒地.
花天酒地,不一定指亂攪關係(他有沒有我倒沒有深究).
但最少,他熱忱於流連夜店.
"二十多的男人,最喜歡給承諾.
三十多的男人,卻最怕承諾."他摸著紅酒杯道.
我看著他.默然.

或許這能解釋,何以好男人大多早婚.
定性的男人,會開始想成家立室.
置頭家,娶個老婆,二人世界兩三年,再生兩名.
身負千斤重擔,但好男人天生的基因就告訴她,讓女人感到 幸福 - 不是,
應該說,讓她感到他是唯一可以給她幸福的男人,便是一種天生的本能.
然而,當過了最想成家的時候,事業開始有成,口袋有錢,他就發現,外面世界何其大.

"我身邊的朋友都勸我,不要結婚.後悔莫及"他說.
對.犯不著為一棵樹放棄森林.
尤其當獵人在森林自由自在地遊走之際,他遇上一個又一個的私人樹木看更.
看更們總擺出一臉喪家之犬的表情,勸阻這位獵人"別要像我."

聽罷,我依然無語.
因為我知道,如果我是男人,我的選擇或許也是一樣.
最重要是,當獵人一天覺得疲倦,他依然有本錢去選他的那棵樹.
或許,媽媽生我為女兒身,是種錯配.
小女子與生俱來的男性基因,該比女性多.

*************************************************

為何"好男人"總是給人定格為"定性"，"成家立室"，"三年抱兩"，"有家庭觀念"......
莫非"好男人"就是沒有缺點的？
個性獨立，喜愛自由自在生活的是否不可以成為"好男人"？
沒有承諾就不能成為"好男人"？

事實上，我也認識一些朋友為結婚而結婚，
到頭來這場"遊戲"一係"被殺至屍橫遍野"，
一係就"提早買單"！
點解你地結婚前唔係已經想清楚了嗎？
點解唔可以和平相處？

最大可能係大家的心態都變了，
男的變得更愛自由、刺激、要求少了、眼光擴闊了，
女的變得更愛封閉、平淡、要求多了、心胸狹小了，
兩者的差距越大，越易擦出火花！

其實每個人在成長中都會有價值觀的改變，
好似以前我總是覺得女孩子一定要長髮、穿裙、小鳥依人、入得廚房出得廳堂......，
不過長髮、穿裙，唔係每個人都會好睇，
小鳥依人，每事問真煩人， @_@
入廚房請工人都可以啦！
所以，其實最緊要係夾，
什麼事應該都可以解決！

唔知，這位"夾"人e+在那裡呢？期待......

快樂之後的星期一

一連三日的玩樂，帶來無比歡愉之後，
星期一 ...... 又是要回到現實的時候了。

一早起身，發現未熨衫，(死火 。_。........)
拿拿聲熨完走人，
總算剛剛趕得切！ @_@

復活節假快到了，
好多人都已經開始放假了，
而在返工的人都帶著 holiday mood 工作，
連平時食開飯的酒家，午飯時都只有一半客仔！

另外，發現點解細 r 唔比大偵探重用的原因！
最大可能係細 r 不識時務，
竟然打擾大偵探的釣魚時間，
死罪！死罪！

無理頭永安日

「永安日」一詞的由來：
原處出自很久很久以前，永安百貨公司逢星期五、六、日都會減價特賣！
後指某某同事喜歡利用星期五開始放假，並於星期一返回公司！

不過今次所指的「永安日」不是後面那個意思，
而是泛指「五、六、日」。

星期五晚無理頭地過了深水(土步)買野，
之後仲更加無理頭地排了半個鐘食一塊金鳳牛扖！

星期六應 canon 的邀請，
無理頭地出席了它們的試印會，
之後又無理頭地去左西貢食晚飯同糖水！

星期日去左粉嶺拜山，
之後想話去往年必到的餐廳--蒙地卡羅--食午餐，
點知餐廳已經轉左手，
由西餐廳變為港式茶餐廳，
class低了之餘價錢也低了，
不過水準(味道)也低了！ -_-

晚上去左旺角食飯，
之後仲去左玩貓仔，
D貓仔原來細細隻o個陣時都幾 Q，
不過大隻左就 cool 到爆。