12月回想

1/12
放假在家休息,
hea 下 hea 下又一日,
唔知神七單野搞成點呢? :P


2/12
今日返到去公司,
發覺竟然神七仲有好多野未得,
哈哈哈......八號就嚟料,
尼次仲唔死!!


3/12
機票單野比神七"long" 一 "long" hold 住左,
個 officer 又心急要聖誕前做好佢,
(因為佢要放假丫嘛!!)
咁我就話比佢聽無計,
叫佢自己直接聯絡個 agent!!
咁佢就唯有乖乖地自己做返晒,
so good! :D


6/12
食完個 brunch, hea 下 hea 下走左落深水埗行電腦節!
去到已經差不多下午一點,
現場因為封路關係, 所有人流必須從單一方向前進,
買野嘅人, 睇野嘅人, 塞到條街跟本行唔到,
香港又話經濟唔好嘅?! 好似又唔多似喎!
個個都買 LCD TV, 電腦套裝, notebook...... 唔貴嘅野都唔買!!
但係其實我覺得啲商鋪都唔係減好多姐,
跟本唔值得同人爭住一齊買!!
所以我就上左"福仁","高登","黃金"同"新高登",
見到個價仲平過街邊鋪,
暗笑成班白痴仔比人搵笨都唔知, 仲以為執到寶!!

行完黃金, 比我執返條$55嘅 IDE / SATA --> USB cable,
救機必備, 算係此行嘅"紀念品"啦!! :P

本來三心兩意唔知買唔買隻 32GB 手指好,
諗住再行多次上福仁睇睇,
點知一出來就見到一望無際嘅黑色人頭,
完全塞死左福華街同欽州街,
嘩......洗唔洗呀, 仲慘過有米派!!
最後都係放棄左再入去, 改去搵個地鐵入口走人!!


之後去左左敦做相機腳架,
足足幢左响度成個鐘,
差啲感覺唔到自己對腳嘅存在!!

九點幾先開飯, 食得嚟都十點,
明天仲要入上水食八蚊任食豆腐花,
一定累死人, 所以就折衷一下做一晚"上水人"啦!! :P


7/12
食豆腐花多人多到好似唔洗錢咁!!
又話經濟唔好, 一d都唔覺得囉......


24/12
Sky Drive 25GB, Microsoft Office Live + Small Business Web Site (500MB)
http://hungalan74.web.officelive.com/



(08完)

11月回想

27/10 - 7/11
這兩個禮拜時間, 完全失憶唔記得做過乜!! @_@"

五百蚊4對鞋好似好抵,
不過有兩對一個星期內報銷了,
所以其實都唔算抵得去邊...... 知道嗎?

8/11
本來諗住去食8蚊豆腐花,
結果去左旺角行街街,
仲搞左樽桂林腐乳比人, 完成任務

9/11
今日女皇大人大壽,
佢竟然選擇在家打邊爐!!
結果買得太多野食,
打多一次都得!!

12/11
今日放假, 在家執屋搞清潔!!

15/11
今日去左同泰王影畢業相,
之後仲食左個晏同行左一陣旺角!!

18/11
本來開開心心食完一餐飯,
竟然為左一刻"情趣"而又爭吵一番!!

21/11
去左一田買特價貨,
人多到好似走難咁, 勁難行, 勁辛苦!!

22/11
無去到一個畢業影相活動,
仲要搞到遲晒到, 真係抵死!! :P

23/11
無啦啦又比人的左去打牌,
運仔真係太差了!!

24/11
無啦啦又要我搞機票事宜,
我都唔知幾時變左做clerk!! >_<"
去左愛蝶灣遊蕩一晚, 環境一般咁啦!!

25/11
神七學校通告遲遲都出唔到,
時間緊迫, 但又無野可以做得到!!

27/11
今日終於有神七活動嘅資料,
通告可以出得, 但係仲有好多野跟住要做......
不過我明天開始就放假兩日,
搞到我好似玩野咁, 勁唔安樂!!

晚上去左食一餐滿月酒,
主人家派頭唔少,
全部客人非富則貴 (除左我之外),
可惜全部有返咁上下年紀, 完全溝通唔到!!
如果唔係比我識返一兩個,
然後同佢睇下風水咁,
............呵呵呵............

28/11
天氣突然轉冷, 躲在家裡努力趕起"歷史"回憶!!

(奇怪現象: 每次放假躲在家裡唔出街之後,
總係有麻煩事情會發生的)

29/11
星期六嘅銅鑼灣真係人山人海,
沒有什麼事做, 走左上sogo十樓嘅osim,
玩左張 uYoyo成個鐘,
(同一時間仲玩左個sales成個鐘) :P
(多謝M小姐從前提供嘅玩樂方式!!)
真係幾舒適架, 不過成3萬幾蚊張,
就真係買唔起同無地方去擺放佢!!

30/11
食左自家製嘅壽司跟住就又打牌.......
可惜運氣一直未有起息......
晚上嘅飯局竟然變左做雀局,
又真係意想不到喎......

10月回想

3/10
晚上去左旺角咖喱大皇為好友慶祝生日,
期間 Tony 從印度打電話返來,
話佢要過去掘金兩年,
並且已經過左去兩個星期!!

嘩嘩嘩......, 這個消息太突然了,
真有點不能相信!!

之後又上左指甲鋪打牌,
雙劍合壁, 贏到開巷!!


4/10
無厘頭心情煩躁,
兩句唔埋, 口角收場,
最終變為冷戰!
其實我係無心的,
真的 very very sorry!!

第一次做泥水工佬,
手工係差少少架喇,
唔好見怪!! :P


6/10
難得一日放假, 就梗係...............瞓晏啲,
同埋執行李啦!!


7/10　桂林5天巴士團 Day1

AM08:45　深圳集合完畢
AM11:00　途經廣州、三水
PM12:35　到達四會, 食過"西江河鮮宴",
　　　　　之後再經廣寧、衰江、燕都
PM03:50　到達廣東/廣西邊界
PM06:20　到達賀州, 行過寧峰廣場,
　　　　　之後抵達賀州賓館, 食過"瑤王宴", 再上車取回行李!
　　　　　就在此時, 發生左件不幸嘅事情,
　　　　　我個眼鏡比件行李壓爛左!!
　　　　　心情馬上跌到落谷底!! 之後嗰4日點算好呢?!
PM09:00　出左去賀州市食龜靈膏, 順便睇下有無店鋪可以整得返副眼鏡!!
　　　　　一出到街口, 就有一間眼鏡鋪, 心想: 太好了!!
　　　　　唔理三七二十一就撲左入去!!
　　　　　放下八十大元, 一個小時後有貨取,
　　　　　於是就安心咁走左去行街街同食龜靈膏(RMB1.5一碗, 抵食)!!
　　　　　點知返到去攞眼鏡時, 個店員先至話整唔到, 唔係咁大整蠱吓?!
　　　　　@_@"
　　　　　好彩可以攞得返個眼鏡同啲錢!!
PM10:30　之後一落樓先發覺原來樓下仲有一間眼鏡鋪, 頭先竟然睇唔到?!
　　　　　論鋪面, 尼間大得多, 又靚得多, 眼鏡款式都多好多,
　　　　　心想: 無法啦, 再貴都要整好佢, 如果唔係跟住4日都唔知點算!!
　　　　　一入到去, 2個店員主動走過來招呼,
　　　　　心想: 慘慘慘, 一定一頸血出返去......
　　　　　其中一個店員好快就已經找到個相類似嘅眼鏡架,
　　　　　跟住講左個數字: "68"!!
　　　　　吓, 我真係唔敢相信我對耳仔, 直到我對眼望到個價錢牌,
　　　　　我先敢肯定真係 RMB68, 拿拿聲請佢地幫我馬上搞掂佢!!
　　　　　不出十分鐘, 師傅將個"新"眼鏡送到我手中,
　　　　　係就係手工差少少, 啲邊位唔係幾夠圓滑,
　　　　　不過捱幾日應該都唔成問題嘅,
　　　　　於是就高高興興咁收貨同比錢!!
PM11:00　買過生果之後就回酒店休息!


8/10　桂林5天巴士團 Day2

AM08:00　繼續行程, 由賀州出發, 途經桂林嘅平樂
AM11:10　到達自費景點1: 銀子岩
PM01:15　到達月亮山對面嘅荔浦, 食過"荔浦芋頭宴"
PM02:15　途經十里畫廊
PM02:30　到達自費景點2: 漁農河玩漂流
PM05:15　到達桂林市
PM05:45　到達購物點1: 茶博士
PM06:35　到達桂林民間菜館, 食過"桂林米粉宴"
　　　　　(佢地啲米粉粗到好似米線咁!!)
PM07:30　夜遊 + 車遊桂林夜景 (迎賓橋 + 兩江四湖 Part 1)
PM08:00　到達桂林香江飯店, 間酒店算係全個行程最差勁的地方
　　　　　(仲要住2日)
　　　　　全間酒店暗暗黑黑, 廁所燈最初仲要著唔到!!
　　　　　好彩後尾可以整得返!!
PM09:00　過左酒店對面間超市閒逛, 不過因為無冷氣, 又無乜野想買,
　　　　　所以就返回酒店休息!!


9/10　桂林5天巴士團 Day3

AM09:10　由酒店出發, 乘車穿過南溪山公園, 再乘船遊漓江
AM11:00　到達購物點2: 玉石文化博物館
PM12:00　在隔離的酒家食過"漓江河鮮宴"
PM01:15　再到隔離的購物點3: 中仁堂 (免費按腳)
PM02:30　再到隔離的購物點4: 絲綢廠
PM03:00　兩江四湖 Part 2 (杉樹湖, 榕樹湖, 陽橋)
PM04:00　到達正陽路步行街, 無乜好買, 入左KFC食左個餐hea左一陣,
　　　　　之後入左間超市, 反而仲買左龜靈膏同零食添
PM06:00　回到酒店放低行李
PM06:40　食過"家鄉風味宴"
PM08:00　到達自費景點3: 夢幻漓江show
　　　　　(一個沒有主題嘅雜七雜八雜技表演)
PM09:40　返回酒店休息!!


10/10　桂林5天巴士團 Day4

AM09:00　由酒店出發, 乘車去堯山
AM09:40　到達堯山索道, 在山頂影影相, 觀觀光, 十足香港山頂啲遊客
PM12:30　食過"桂林風味宴"
PM01:25　到達購物點5: 寶樹堂
PM02:00　離開桂林, 乘車到陽朔
PM03:20　到達自費景點4: 世外桃園
PM05:30　到達陽朔西街 (又係無乜好買)
PM07:00　到達錦龍酒店, 算係3間酒店中最好的一間
　　　　　食過"陽朔啤酒魚宴"
PM08:30　自由活動行街shopping買手信 (成日都係買貴左野, 真係唔抵)
　　　　　(好彩無去到睇印象劉三姐, 如果唔係一定悶死!!)
PM09:50　返回酒店休息!!


11/10　桂林5天巴士團 Day5
　　　　(最辛苦的一天)

AM07:50　由酒店出發, 離開陽朔
AM11:00　到達賀州信都, 食過"信都雞風味宴"
AM11:50　繼續出發回程
PM12:40　到達廣東/廣西邊界
PM03:50　到達四會
PM04:30　到達三水
PM07:30　終於到達深圳解散 (真係坐到骨頭都硬晒......)
PM08:00　到達樂園路食海鮮餐
PM09:30　食飽回港, 行程完結

相片集: http://travel.webshots.com/album/568523503iWazTi


12/10
Facebook 真係一個神奇嘅網上空間,
竟然可以尋找到失散多年嘅舊朋友/同學......
但找到了又有何用呢?
(我之後也曾經熱衷&懷緬了過去約兩個星期,
之後呢......又係要回歸現實世界繼續生活......!!)


18/10
有人打牌打到上癮, 竟然開定枱抺定麻雀等打......(大驚!!)


21/10
同一個問題, 困擾無限次, 真係沒完沒了......


23/10
泰王特意過來灣仔食飯, 真係辛苦晒佢 :)


24/10
問題算暫時解決, 不過唔知幾時又會再發作...... >_<"

今日同程sir食左兩餐, 慶祝佢可以夠鐘退休!!


26/10
又係打牌時間......無言

突然間由一餐普通晚餐變左做一餐豐富嘅生日餐, 利害!!

9月回想

3/9
TC 同學仔聚會,
旺角創興x樓晚飯!
仍然是熱熱鬧鬧, 嘈到拆天,
間酒家真係多得我地唔少!!


4/9
一大班人去左上水某街市食晚飯,
大魚大肉, 都只係三百幾蚊,
果然人多係抵好多!!



8/9
今日有飛去睇殘奧馬術嘅盛裝舞步比賽,
咁都算參與過尼個奧運!!
不過我始終覺得騎嗰個一定好玩過睇嗰個!!
臨走時, 仲比我見到 ricky添!!



11/9
忙呀忙呀, 都唔知忙乜!!


13/9
今晚屋企無飯食,
去左西環某某親戚屋企坐左一陣,
順便去黐餐嚟食!! :P


14/9
今日參加左個大陸長隆動物園+馬戲嘅旅社團!!
終於長隆幾個主導公園都去過晒,
估唔到開放式嘅動物園係會咁精彩嘅,
咁非洲嗰啲國家級動物園咪仲精彩?!

(坐車無聊時, 畫下公仔先 :P)










晚上暫時離團出返廣州去食我阿姨嗰餐"送行飯"!

返到酒店時已經係晚上十一點了,
涼都未沖又走左落樓去食宵夜!
水魚, 第一次食, 無想像中咁恐怖難食!
不過食完返酒店時就遇到兩班人互毆,
打到頭破血流, 酒店大堂都血跡斑斑!!
仲差d殃及無辜, 你都咪話唔驚!! o_o!!

上左房, 成3點幾, 快快趣趣沖完個涼就死去瞓!!


15/9
行程第2天, 輕輕鬆鬆去完幾個"景點"之後,
都已經成5點幾, 又係時候講 bye bye!!
之後我地自己去左樂園路食海鮮,
可能今次早左嚟到, 所以搵位非常容易!!
七餸一湯, 啤酒汽水, 肚滿腸肥, 都唔洗RMB300!!


17/9
今日係愛夢遊仙境嘅愛麗斯嘅 last day,
佢終於都瞓醒左, 恭喜晒!!


18/9
Cheap精西阿娜之前搞唔掂愛麗斯,
手頭上嘅工作hold晒响度!
當愛麗斯走左之後,
佢竟然拿拿聲"堆"晒過嚟!! 正x街!!


20/9
計錯數, 大獲!!
真係人算不如天算!!


21/9
四方城上竟然奇蹟地大獲全勝!!


22/9
終於被我阿媽說服左一齊去桂林!!
詳情: http://www.kwankin.com.hk/PDF/KKW05.pdf


23/9
晚上掛起八號風球,
明知明天要起身返工,
係都要攻打四方城!!
打到2點幾, 真係攞嚟賤!!


24/9
無啦啦有張飛可以去睇李克勤音樂會,
果然真係 "笑口常開, 好彩自然來"!!




李克勤 相愛無門

作曲：Eric Kwok
填詞：林若寧
編曲：Ted Lo
監製：Eric Kwok

開過了門　關上了門　短促的情境
不消一秒　殺掉了感情
幾多溫馨　燒化散淨　剩下是宿命
門柄見證你開關之際　各自嘆一聲
當你告辭　她會進來　穿梭於門口
喜不喜愛　已沒有要求
同一種方式　一相處過後　新意再沒有
曾抱你兩臂再給她溫暖　手也會倦透

門前各自感慨
捐出幾多愛我們還是被傷害
跟一個告別後後來連累下一個
大門被敞開 總愛到避開
為何繼續戀愛
皆因想找個老伴同渡過將來
可會只因要對父母當作交待
然而事實你與我也許只因解決晚飯才互愛

失去愛情　得到過程　交織的人影
多少戀愛　夾雜了虛榮
和一位分開　跟一個暢泳　可會更盡興
和每個愛侶　軌跡相似　怎去再辨證

門前各自感慨
捐出幾多愛我們還是被傷害
跟一個告別後後來連累下一個
大門被敞開 總愛到避開
為何繼續戀愛
皆因想找個老伴同渡過將來
可會只因要對父母當作交待
然而事實你與我也許只因解決晚飯才互愛

都逼不得已我們才互愛


其他的歌曲


25/9
三個星期前約定今晚食飯,
點知最後因為人數不足而要告吹!!


27/9
桂林團......要改期?? 吓, 唔係嘛??
我約左人雙十節食飯喎, 而且連假期都已經批晒!!
不過團費由每位$599變為$199,
你都咪話唔心動!!
就係咁, 出發日期就變左10月7日!!


28/9
晨早報完工聯會嘅course,
就走左去飲早茶!!
剛好附近有間富臨新開張,
諗住走去試下, 點知人多到......
結果最後又係樓下間平靚正酒樓搞掂!!

仲比我撞到個老同學(老趙),
我地離開學校之後已經好少見面,
估唔到佢仲係住响附近!


29/9
新人PO到位, 是一位年輕小伙子,
希望佢頂得順啦!!


30/9
月尾啦, 真係比人批中左我個blog遲早會難產!!
見今日無無聊聊, 打吓blog追番d進度先!! :P

8月回想 (下)

21/8
瞓覺時開著冷氣竟然出汗出到週圍濕晒!! @_@"

全日發泠發熱, 時凍時熱,
個人又攰到死喎, 放工前竟然仲有少少浮添,
睇尼明天都係要"放假"架啦!!


22/8
早上醒來, 天文台宣佈"鸚鵡"來訪,
早上8點前將會掛起8號風球, 心中大喜,
立即死返上床瞓多一陣!!

下午帶病披甲殺入四方城, 結果當然係慘敗收場喇!!

9號風球真係好耐都未試過喇, 都唔好話"鸚鵡"唔強勁,
佢d呼呼聲經過時都幾得人驚!!


23/8
"鸚鵡"走左之後竟然立刻就係晴天,
身體亦都開始復原!!

飲個早茶之後, 又再次攻打四方城,
虛耗一天時間, 結果平手收場!!


24/8
原來電話轉台一事係咁兒戲嘅事!!

奧運會終於到了閉幕時候, 唔捨得當然有,
不過唔衰得嘅心情比較沈重d, 真係唔好最後衰收尾!!
全程睇實個閉幕式, 悶就悶左d, 不過沒出什麼亂子算是萬幸!! :D


25/8
普拉蒂最終不及峰壽司嘅威力!!
食完仲要去風月堂食多個免費甜品,
真係飽到碌左响度!!


28/8
去左旺角教協買左個貴過人嘅月餅, 真係唔抵!!

之後去左魚米之尊食左個好奇怪嘅"私房菜"!!
我記得尼間野以前好似只係賣米線,
而家竟然有私房菜食!!
不過佢d菜式真係估唔出來自那裡, 古古怪怪,
8個人食, 食左廿幾碟, 飲品任飲, 都只係$127一位!!
有膽去試新野嘅就去試下喇!! XD


30/8
有人一心過來開枱, 結果因為唔夠腳,
仲要迫住陪我去整電腦, 結果悶到發左毛, 真係辛苦晒!!

免費機票一事白辛苦一場, 結果因為手腳太慢而滿額,
不過去唔成都未必是件壞事!!


31/8
今日本著開枱嘅目的入去粉嶺,
點知買野食同烹野食嘅時間仲多過玩樂嘅時間!!
不過悠悠閒閒咁過一天, 也不失為一件樂事!!

8月回想 (中)

11/8
Facebook malware attack puts work computers at risk

The popular networking site Facebook is the target of a new attack that is spreading messages with malicious links.

Sophos is warning users about the problem. Sophos said Facebook user's computer can be infected after they view a video that is infected with the bad code.
According to Sophos, messages left on Facebook users' walls are urging members to view a video, which appears to be hosted on a Google website. But users who click on the link are taken to a site which urges them to download an executable file to watch the movie, according said Graham Cluley, senior technology consultant for Sophos.

The file downloads malicious code and displays an image of a court jester sticking his tongue out.

Cluley said the new attack leaves both home and workplace computers vulnerable. Many employees now access the networking site in the office from their work computer. He advised companies to educate workers who access the site to be on the lookout for the dangerous message, which includes a link to a third party website http://www.google.com.id. [removed].cn/gallery.php?id=.

"The message asks people if they want to download an executable file to view the video. At that point your users should say 'No, I don't,'" said Cluely. "People have got to learn that clicking on links in messages to websites can lead to a malware infection, whether the messages are in your email or on a site like Facebook."

Organizations will also want to have a Web security and control appliance in place that filters internet access and prevents the downloading of malicious code, he advised. While businesses are now doing a good job scanning emails for potentially bad messages, Web 2.0 sites aren't.

"Messages sent by Web 2.0 sites aren't being scanned," he said. "And Web 2.0 sites aren't doing a good job filtering. It is sort of 1990's era technology being used by these sites."

The new attack may also be a wake-up call for companies to consider internal policies in sites like Facebook in the workplace. Cluley pointed not just to security risks, but productivity issues, too.

"Ultimately that decision is for each individual company to make. But they may have to ask themselves: Do all users need to access these kinds of sites? Or do only certain people in some departments need access? If workers are allowed to be given access to these sites then it's vital that they do not put their personal and corporate data at risk, and are protected from web-based infections."

This is the second time in recent weeks Facebook has dealt with security problems. Last month, Sophos's Cluley discovered a glitch in a test version of Facebook's Web site inadvertently exposed the birthdays of Facebook's 80 million members.

(Ref: http://www.cw.com.hk/article.php?type=article&id_article=2082)


16/8
原本又去"橋底"同人慶祝生日,
點知搞下搞下變左九龍城食路邊雞 ...... -_-"
食完一餐普普通通嘅晚餐之後,
再食多個普普通通嘅甜品就散!


17/8
出門口時"俗"左一下, 埋左個計時炸彈!!


18/8
多事買左隻雞回去食, 結果成餐變左全雞宴 ...... -_-!

喉嚨開始有d問題!!


19/8
繼續"雞"的約會!!

喉嚨開始作痛了!!


20/8
下午食完飯之後竟然覺得office嘅冷氣好凍,
睇尼我應該係病左啦!!

8月回想 (上)

1/8
早上無聊, 多手下載了virus, 白忙了一朝!!

Admin 組真係錢多無地方洗, 無厘頭又話換吓地毯,
搞到今日全個下午係咁 pack 機 (但係又唔係我間房d機喎!!)
好彩我間房死都唔換, 如果唔係我一定死比佢地睇!!

放工去左太古嘅南豐新村八卦八卦,
點知唔識地方行左過去隔離康怡, 結果行左個大運!! =_=
之後去左康怡嘅壽司亭食飯!
其實本來係去樓下嘅元氣, 不過下面實左太多人啦,
而佢就唔洗排隊, 所以就响一時肚餓之下就走左入去!!
不過事實再次証明, 唔洗排隊嘅鋪頭總係有佢嘅問題!!


許冠傑　天才白痴錢錢錢



曲︰許冠傑　詞︰許冠傑／薛志雄

＊成日要錢多　〔錢錢錢錢　錢錢錢錢〕
　乾水乜都渦　〔錢錢錢錢　錢錢錢錢〕
　借錢最折墮　〔錢錢錢錢　錢錢錢錢〕
　爬低危契哥　〔錢錢錢錢　錢錢錢錢〕

＃貧賤拗頸多　〔NO MONEY NO TALK, NO MONEY NO TALK〕
　生仔都諗過　〔NO MONEY NO TALK, NO MONEY NO TALK〕
　阿女嗌肚餓　〔NO MONEY NO TALK, NO MONEY NO TALK〕
　屋租都要拖　〔NO MONEY NO TALK, NO MONEY NO TALK〕

　有乜會令你心花怒放
　諗得多卒之梗癲癲喪喪
　有o左佢就算打跛雙腳都冇相干
　冇得擋　冇得擋

　重唱　＊,＃

　有錢確係會少咁Ｄ罪案
　駛乜衰到通街偷搶騙當
　冇o左佢就算包公都由你嗌冤枉
　懶得講　懶得講

　重唱　＊,＃


2/8
今日收到好多日本返嚟嘅手信,
其實我真係唔 expect 我會有禮物收架!!
全部都好精緻同好特別 (除左個限定版"蘋果果子"),
真係多謝晒!!


3/8
原來寫 Blog 寫左兩年,
我都估唔到我可以繼續寫到今時今日!!
真係多謝各位嘅支持,
等我响這個平台上面可以去發下噏瘋!! :P


4/8
一朝早就係咁 unpack......unpack,
忙足成朝!!
換完地毯咪又係差唔多.......
多得 Admin 唔少!!


6/8
本來都無諗過會打八號風球,
點知一早起身, 上個網望一望,
真係八號風球, 立即爬返上床再瞓過!!
(可憐要返馬術嘅同事就淋了一夜雨)

下午風雨繼續, 無所事事之下玩下四方城,
總算和氣收場!! :D


福娃金剛


(Ref: http://news.sina.com.hk/cgi-bin/nw/show.cgi/2/1/1/830298/1.html)


7/8
某人總愛搞事, 時常重提舊事, 氣死我了!!


8/8
老爸舊曆生日, 待在家中邊大吃大喝,
邊睇北京奧運嘅開幕典禮!!

幕典禮個場面實在太偉大了, (人數之多, 金錢之多!!)
搞得都幾似模似樣, 完全有一個大國嘅風範!!
不過更像一個暴發戶, 完全喪失了"清純"嘅味道!!
以後, 中國仲應唔應該叫做發展中國家呢?


9/8
大陸表妹忽然來訪, 完全打亂陣腳,
大家只好暫待家中, 暫作休息!!


10/8
一早起身去飲茶, 之後就返家睇奧運直播!!
待表妹走人之後, 四方城又再攻打起來!!
晚上再次去cwb嘅橋底辣蟹為我老爸補祝生日而辣一辣佢!!

7月回想 (下)

21/7
不正二世今日開始放假, 直至下星期二返,
連史提芬都唔响度, office 簡直完全進入放假 feel!!

阿媽唔响屋企, 廚房變左做實驗室!!
放工走左去凍肉鋪買左d薯條, 薯餅, 魚條,
再加埋個法式硬麵包, 一於整餐鬼佬餐!!
不過全程都無開過油鑊, 只係用左一個焗爐, 簡直利害!!


23/7
上個星期返工時响街度撞到rita, 約左佢今日食飯!
原來佢今日 off 去迫書展!!

晚上變身成為電工師傅......


24/7
放假前趕起 d webpages, 同一直拖欠嘅工作!!
仲有時間可以再次變身成為電工師傅,
修整埋兩個拖板添!! :P


25/7
今日又來放假, 依個暑假來個四天工作週試試,
返四日又放四日, 再返四日又放兩日,
都唔知幾爽!! :P


26/7
下午去左禮三井食日本野, 味道一般啦, 所以價錢都係一般啦!!

之後去左參觀民安隊總部,
地方都唔錯, 非常舒適, 不過地點就非常偏僻唔就腳!!


27/7
個颱風吹唔正香港, 所以搞到天氣鬼死咁熱,
一出街就差d溶左!!

恆豐中心, 一個久違了嘅地方......
GiftLand 最後大清貨......完了吧如無意外......


28/7
繼續放假, 爽!!

晚上去左sogo幫手買BB野送比人,
嘩嘩嘩, d野好x貴呀, 好彩之前意外得到三張禮券姐!!
你地生BB之前, 唔該諗多幾次, 計多幾次先好去做呀!!

第一次入去總統商場......一個奇奇怪怪嘅地方......

之後去左板前食日本野,
三文魚 ok, 其他就只係一般, 唔應該收咁貴!!
下次都係幫襯返d半價壽司店會食得暢快d!! :P


31/7
早上搭車時見到k小姐, 不過佢正响度瞓緊覺,
所以無去騷擾佢!! :D

下午時, 被人問起"曱甴"e兩個字點樣輸入,
一時間諗唔到, 結果上網search一下"小強",
睇下有無得copy啦!
點知係無嘅, 不過就比我找到一個有趣嘅site - 偽基百科!!
http://zh.uncyclopedia.info/wiki/%E5%B0%8F%E5%BC%B7

7月回想 (中)

11/7
放假無所事事, 出去食個飯,
攞吓信用咭禮物, 上網睇吓股票,
仲有打吓 blog, 咁就消磨左大半日時間!!

美少女夢工場 - 無啦啦又攞返出嚟玩 ?_?


12/7
個洗衣機壞鬼左, 搞到d衫要自己用手洗, omg!!

晚上在電話中聽到一句令我放心嘅說話,
係事實嘅真相? 美麗嘅謊言? 定係太攰嘅夢話呢?
無論點都好, 順住個勢, 食住嘅上!! :P


13/7
赤柱休閒一天遊, 同一間餐廳, 另一番感覺!!


14/7
放假在家無乜好做, 最好就係寫 blog!!
無人騷擾之下, 終於補返晒之前嘅缺漏!!
仲有時間打下好耐未玩過嘅 online game 添!!


15/7
個洗衣機終於整返好, 終於唔洗再用手洗喇!!
(但奇怪, 個洗衣機乜都無壞,
竟然只係換左2個 carbon ring, 究竟用嚟做乜嘅呢?!)


16/7
西阿拿放完假回來了, 一返到尼第一件事就係........攞假 @_@!

以下原文照錄 :

Appointment of Senior Assistant Director of Education

Please be informed that Dr. CHAN Ka-ki, Catherine (陳嘉琪博士) has been appointed as Senior Assistant Director of Education in this Bureau to take up the post of Deputy Secretary (Education)5 with effect from 2 October 2008. Dr. Chan is now Chief Executive of the Curriculum Development Institute in this Bureau.

-----

Administration Division

Education Bureau

16 July 2008


19/7
中午去左旺角嘅星加坡餐廳度食晏,
點知去到剛剛好係下午茶時段,
就係咁每個餐又可以慳返幾蚊!
環境地方都可以, 坐得都幾舒服, 不過食物質素一般,
總之就係西餐格局, 茶餐廳消費, 唔可以太強求!!

之後就出發去深圳嘅東門行街街同食海鮮!!
真係好鬼多香港人上嚟食海鮮架!!
點解咁講? 事關我地食到香港小姐選完先走人,
期間當宣佈冠軍港姐時, 全場噓聲四起, 真係好鬼齊架!!
之後就回酒店食左d買貴左嘅龍眼!!


20/7
東門附近竟然找不到酒家, 奇!!
亂打亂撞去左一間小茶居食 brunch, d野真係好鬼平架!!

之後去左上水玩龍貓, 結果被佢玩返轉頭!!
睇漏一眼隻野竟然唔見左, 被佢嚇得半死!!
好彩最後佢主人都搵得返佢, 如果唔係都唔知點收科!!

7月回想 (上)

1/7
喺床度"典"到爛晏, 起身又係食芝士壽麵! :P
hea 下 hea 下無出到街, 在家又熱到標油!! -_-!
晚在又去左TST嘅 King Ludwig Beerhall 食左一餐勁嘅!
佢嘅德國鹹豬手都幾有特色, 值得一試!





2/7
放完假第一日返工, 應該好多野做先啱架,
但我完全唔記得自己做過d乜!!
只係記得中午時同大偵探一班人去左杭州酒家食飯 !!


4/7
尼兩日都無乜做過野,
裝機變左做唯一嘅任務,
可以話 hea 到爆!

晚上約左台北之旅嘅友人去金水食飯!

好一句: "炒股炒到變股東, 炒樓炒到變房東,
　　　　泡妞泡成了老公, 練功練了法輪功!"

妙極!!


5/7
Lunch 去左MK 食日本野,
本來諗住去食$20半磅魚生的那間,
無奈只有晚市才供應,
所以只好走過隔離的瀧澤日本料理試試 !!

d野食就真係無咩特別同驚喜,
不過服務都算唔錯,
見到我攞住張放提紙睇緊,
佢地就拿拿聲介紹一下,
仲攞左張Q旁比我, 認真落力!

之後就兜下魚街, 行下教協,
再"打算"去幫人揪細路,
結果最後都只可以食完飯就要走了!!


6/7
本來諗住去下沙灘捉下魚仔同蟹仔,
點知禽日仲好好天, 今日就大雷大雨!!
無奈在家攻打四方城,
結果當然又係被攻陷左啦!! -_-"

晚上落樓下食打邊爐食返夠本!!


7/7
成日上人地屋企, 終於比人話喇!
暫時都係減少出現先得!!


8/7
"JC分"又有每年一度嘅動作,
就係勁出 fax 同勁收 fax,
簡直係浪費資源,
仲有霸仲我兩條電話線添!!

個市跌左一大節, 個心嚇到跳左出來,
會唔會又來個股災架? 到時就死得人多囉!!


9/7
今日繼續出 fax 同收 fax,
出左30小時嘅fax, 都只係出左七百幾份,
仲有三百份要繼續通頂出......

終於忍唔住, 走左去admin申請多一條電話線!!

大跌完又來個大升,
少d心血都比佢嚇死!!


10/7
終於出晒所有 fax,
1028間只有6間 fax 唔到,
成績唔錯! :)

6月回想 (下)

21/6
今日去左深圳嘅樂園路食海鮮!

晚上八點, 人來人往, 車水馬龍,
點解間間鋪都人頭湧湧架, D野食唔洗錢咩?
無他嘅, 扇貝RMB$1 一隻, 河蝦RMB$28 一斤,
其他野都好平下, 真係非常吸引!!
無奈兩個人食量有限, 加上我對海鮮有敏感,
所以只叫了4個餸!
飲飽食醉, 埋單都只係RMB$85,
唔怪之得咁多香港人會上來食海鮮啦!

咁多水嘅? 究竟嗰d係咩水嚟嘅呢? :P


22/6
今日繼續深圳休閒之旅!
瞓到人地趕走先 check out, 正呀!!
本來想話去附近地方飲下荼, 食個包,
不過實在太晒了, 無乜心機行,
去到附近一間食店, 被人遊說幾下之後就入左去!
原來尼間野係食客瓜菜嘅, 仲要主打係食牛嘅, 問你怕未!! :P
叫左個經濟套餐, 三餸一湯, d餸仲可以隨意更改!!
大大碟, 食唔晒, 只好放棄,
埋單RMB$48 (另加保鮮紙包過嘅杯碟RMB$1 一套)!!

回港後, 去左大埔"奸情牽"參觀新居入伙,
地方細細, 多d野都放唔落, 只適合二人小天地,
上車盤, 算係咁啦, 遲d再轉過間好d囉! :D


23/6
無乜野做過, 成日望實個mon, 作死!! X_X
慳得一蚊得一蚊, 回家食飯最開心!!


24/6
又唔做野望實個mon扮做野!! :P
三號風球, 地下仲係乾爭爭,
出左cwb嘅一生食日式放題,
食到一半, 聽說在兩小時後會改掛八號風球,
吓......, 又話個風唔會吹香港嘅?
埋單前食埋佢個自創嘅一口麻醬拉麵,
嘩......又話夏日清涼食品, 完全唔掂啦,
麵質差, 入口太淋, 食落好似食糊仔咁, 真係想死!!
其實全晚唔係真係食左好多野,
埋單位位$207, 都算係幾貴!!


25/6
早上仲係八號風球, 可以瞓多一陣!! :D
中午食埋個飯先慢慢返公司,
hea 下 hea 下又放工!! Great!!

無啦啦又比人發作作左一野, 怒!!


26/6
明天放假, 所以今日全力起好左個 eProfile server,
免得被人口實!!


27/6
放假又係去銀行搞野嘅時候啦!!
個銀行姐姐好似仲新過我,
要我講返比佢知d詳情!! @_@"
慳得一蚊得一蚊, 一年慳到六百幾都算係咁啦!!

晚上去左尖沙咀鼎泰豐,
出席左個全荒廢口水宴!
其實一早我就估到佢地响度搞緊邊科啦,
神神秘秘玩驚喜! 好, 我就一於奉陪到底!! :D
應曝光嘅遲早都會曝光! 噢......原來係佢!!

之後轉戰去左樓上cafe, 傾傾講講, 咁就十一點了!!

多謝各位比面出席!! :D


28/6
原來旺角朗豪坊附近有間大廈改左個名叫朗晴坊,
上面都有好多間食店可以選擇,
下次唔洗再去迫朗豪坊個 food court了!!

晚上又去左跑馬地竹園食海鮮餐,
可能最近食海鮮食得多過頭,
菜式上沒有什麼新鮮感!!
埋單七百幾, 但係六個人都飽到碌晒响度, 抵晒!!
最後仲要打包埋人地個芝士走人!! :P









29/6
下午去左睇功夫熊貓, 都唔錯, 幾搞笑!!
晚上去左三里屯間 Jack's Terrazza Ristorante 食晚飯,
氣氛唔錯, 仲好有驚喜添, 多謝晒, 好有心思!!

終於有新銀包用啦, 其實都係時候要換左佢了!! :D




30/6
今日繼續放假休息, 全力記返/寫返d發生過嘅事!!
中午自己整左個芝士壽麵比自己食, 味道都唔錯架!! :D
夜晚自己玩煮飯仔, 食埋雪櫃裡面大量舊餸!!
(但原來有部份係我妹嘅傑作, 真係估佢唔到)

6月回想 (中)

12/6
今日本來可以放下假休息下,
但係又唔放心 office d 野比人"唔覺意" pack 走,
所以唯有返去睇緊佢!
但係全日都係攰乃乃, 無乜點做過野,
尼响房度自閉左全日!!


13/6
終於等到今日, 瘟神終於要走人了!!
佢竟然自動自覺攞返 d 手指, hard disk, 同 notebook 出來,
真係估佢唔到!!
不過點嚟點去全組有3個 hard disk 唔知去左邊,
真傷腦筋!!


14/6
入左上水飲下午茶!
為左要上一個網, 變左要同人維修電腦, 真大工程!
食完飯為左張八達通而戰鬥一番!!

龍貓出浴



15/6
今日係父親節, 事前完全無準備過,
又無買禮物, 又無訂枱食飯,
搞到四點幾先打電話去訂位, 結果真係出事!!

最後訂左銅鑼灣辣蟹莊,
只能夠食八點半第二轉,
都無辦法, 鬼叫之前個個都唔理咩!!

八點半去到果然有位, 但係又到我細佬搞事,
又話唔食e間, 要去食橋底辣蟹,
最後要等到九點先有得入坐!

一入到去, 拿拿聲點菜,
叫左一個四人餐 (一隻炒辣蟹, 兩隻椒鹽瀨尿蝦,
一碟炒蜆, 一碟炒通菜, 仲有一碟蟹油炒麵),
再加多隻紅燒乳鴿, 同一碟黑椒牛仔粒, 仲有3枝啤酒!!
最後來多個免費腐竹糖水!! (係無蛋嘅!!)
個個都食到飽晒, 我阿爸仲鬼咁回味添!! :D
埋單$869 (全日免收加一, 不過原來要收茶芥的!!)




16/6
沒有大佬的日子: 第一天
簡直係 free 爆, 所有人都"活"起來!!
連圈圈 tea time 時都識得講笑, 奇奇奇!!

晚餐變為宵夜, 原因係為左一部洗衣機!!


17/6
沒有大佬的日子: 第二天
大佬終於都搬走晒佢d家檔,
真正係"一天都光晒"!!

大佬二世今日都出現左,
結果都幾出人意表!
原本個個都以為係蘭西會坐上去,
但係唔係囉, 竟然係第二組人打斜升過來!!
不過對我嚟講都係差不多,
因為兩個都係十幾年前識落而且合作過嘅舊戰友,
沒差,沒差!!


18/6
沒有大佬的日子: 第三天
繼續 free!
想放假, 但係圈圈無鬼用, 又要我問晒其他人得唔得先!!

回家食飯的感覺真好!! :D


19/6
沒有大佬的日子: 第四天
真係好鬼free, 又眼瞓喎, 真想找個地方好好睡過夠!!


20/6
沒有大佬的日子: 第五天
大佬二世今日終於埋位, 又係預左要我去幫手 set 機啦!!
大佬打電話返來問點解佢個 account login 唔到,
梗係啦, 佢比人除左名嘛, 娃哈哈......
唔洗旨意用EDB個名出去呃神騙鬼!! >_<"

6月回想 (特) - 台北精選假期

8/6 (Day 1)
經過禽日嘅黑雨同山泥傾瀉嚇一嚇, 今日去機場都唔敢怠慢!
又要搭機鐵, 但係又要慳錢, 唯一方法就係搭地鐵去青衣再轉機鐵!
禽日機鐵竟然會出現企位, 今日都唔差, 全車6成坐滿!
去到機場, 第一件事梗係攞機票跟住 check-in 啦,
但係個旅行社肥叔叔就做野鬼死咁慢, 仲成日四圍媾女,
真係心急死人喇!!
好彩寄完行李過埋關都仲夠時間去買杯奶茶飲!!
一路行一路飲, 行到去閘口都已經上左一半機了!!

第一次坐中華航空, 聽人講話好似坐戰鬥機咁,
又話佢安全好差, 其實都有D擔心!!
好彩嗰日天氣唔算太差, 全程都無遇到大氣流,
平平安安咁就降落左响桃園機場!! (途中仲睇左半齣"史前一萬年")

落機之後, 跟著資料嘅指示, 沒有第一時間對換台幣, 咁就出左事喇!
第一間找換店應該係對得最高的! (所以會有好多人排隊)
我地一行四人, 一路行一路行, 直至出左機場禁區,
先發現原來資料講嘅就係嗰間!!
好彩我地期中一個身上有大量台幣, 咁就可以暫時唔洗換住!!

(資料不能盡信, 但無資料又唔得,
好彩大致上都準確, 只係出左小問題姐!!)

坐巴士去民宿途中, 在園山飯店附近時, 落左一場大驟雨,
唔係掛, 咁掃興?!
好彩落左無幾耐就停左雨!!

巴士去到民宿附近已經差不多下午三點了,
但係附近嘅街道總係有冷清清的感覺, 一D都唔覺得似大城市嘅街道!!
頭先就落大雨, 依加就出猛太陽,
一路等包租婆, 一路流晒大汗!! ~_~!!

終於入左屋, 放底D野, 洗個面, 涼陣冷氣就又出動了!!
事關我地仲未食午餐架!! 餓死人喇!!

星期日嘅台北住戶區就好似上環咁,
十居其九都係關門大吉的, 想話要搵檔野食都幾難下!!
行啊行啊, 又熱又餓, 最後都係屈服左响 7-11之下!!

之後行左去忠孝新生站, 諗住買張悠遊卡 (即台北八達通),
點知又比部機食左錢唔出卡喎, 搞左一輪, 雞同鴨講, 真係糗到爆!!

之後就去左市政府站嘅誠品同台北101 hea 逛!!
(時間關係, skip 左國父紀念館)
跟住再去士林夜市食街邊野,
熱屎辣辣, 人頭湧湧, 食完成身濕晒!!

之後再去左美麗華坐摩天輪,
用香港學生証都有折架!! :D
17分鐘話長唔長, 話短唔短,
但係台北市嘅夜景離美麗華實在太遠了,
沒有香港夜景咁好睇!!

回程時又去多次幫襯7-11, 事關明天嘅午餐食乜都係靠佢架啦!!


9/6 (Day 2)
今日係星期一, 香港嘅端午節補假,
但係台灣好似無尼回事!
一出門口, 同禽日情況完全唔同晒,
行人唔多, 但係D車多到丫, 由其是電單車,
佢地會打橫片埋嚟同行人爭過馬路, 真係好鬼嚇人!!
不過大部份司機都好有禮貌的, 會比你過完佢先加速駛走!!

早上九點鐘, 太陽就已經開始"辣"肉了!
去左附近嘅阜杭豆漿食早餐! (其實佢地嘅"早餐"應該一早就賣晒了)
由於係室內無冷氣嘅關係, 好似入左個蒸籠咁, 越食越大汗!
最後拿拿聲食完就出發去一個好遠嘅目的地 -- 八仙海岸!

在關渡站上左紅22, 要坐半個鐘頭車, 先可以到達目的地,
去到時已經係十一點鐘了!!

換完衫, 跳落水, 玩啊玩, 晒啊晒!
無帶拖鞋, D木板好鬼"辣"腳啊, 救命!!
唔錯, 都幾好玩, 人又唔多, 最緊要係免費!!
玩到三點鐘就離開左八仙海岸了!!

一上車就食件乾糧醫左個肚先, 再邊搖邊瞓咁返去關渡站!
跟住就再搭捷運去淡水!!

去到淡水嘅時候, 站外人頭湧湧, 非常熱鬧!!
原來今日係佢地嘅"清水祖師"誕,
又有花車巡遊, 又燒炮杖, 非常隆重!!

我地睇左一陣之後就轉左入去淡水老街,
一路行一路食, 不過其他野就睇多過買!!
行下行下, 去到好出名嘅阿婆鐵蛋度,
見過其真人, 都唔係咁阿婆姐!!
途中仲遇到火警, 不過人多到連火在那裡都睇唔到!!

差不多到街尾之後, 就 U-turn 返轉頭去買手信,
點知就在手信店前面出現"炮仗陣", 搞到前後不得!!
勁爆左一輪之後, 全街煙霧迷漫, 硫磺味久久不散,
之後馬上入左去店內買手信!!

買完手信之後, 本來行程係要去漁人碼頭同情人橋嘅,
不過紅26似乎當日停駛了, (馬路多人多到跟本行唔到車)
如果要攞住D手信行去漁人碼頭都幾係野,
所以經商議之後決定取消行程, 改為留在淡水晚餐!!

食完晚餐之後, 諗住搭捷運回民宿放低野先,
點知又遇上"炮仗陣", 真係行到邊爆到邊!!
幾經辛苦之後, 終於離開左嗰區, 上左捷運, 回到民宿!!

放低晒D濕衫同手信之後, 我地再次出動,
目的地係西門附近的波鞋街同書店街!!
出左西門捷運站之後, 一直行一直行,
咦...喂..., 唔見左間新東陽嘅? (又比D"資料"騙左)
於是, 就在附近嘅餅店買"宵夜"食!!

餅店就在波鞋街的轉角位, 買完野食諗住轉入去望一望啦,
點知條街黑萌萌, 人影都無隻, 十足人地拍鬼片D街道咁!!
當時係晚上九點四十分, 如果比著係香港嘅波鞋街,
一定係迫到你怕, 走都走唔切嗰隻!!

穿過左波鞋街之後, 就到左書店街,
一樣係冷冷清清的, 十間書店著左九間已關門!!
轉左入一間未關門的書店睇下啦, 點知十分鐘過後,
十點準時拉閘熄燈, 十足學校D校工咁, 一D都無留客嘅意思!!
輾轉去左幾間書店之後, 都已經十點三十分了,
我地就响佢關門前識趣咁自動離開左!

之後我地又蕩到站前地下街,
諗住找一找遲D會用到嘅大型行李儲物櫃!
點知行完成條地下街都找不到大型行李儲物櫃!!
(原來根本唔响地下街, 要過左去台北火車站那邊)
最後無功而回, 唯有返民宿休息!!


10/6 (Day 3)
經過兩日嘅開消之後, 唔換台幣真係唔得啦,
求其在民宿附近嘅小店買左個早餐, 跟住就去找銀行換錢!
(九點鐘已經無早餐賣了, 仲要係已經安排緊下午嘅冷麵套餐添!!)
去左第一間遠東國際商業銀行,
佢地有牌價但係就無得對換, 真係運吉!!
跟住去左台灣銀行, 佢地有得換, 不過對換率仲衰過機場,
唉, 無法啦, 唔夠錢洗都要換架啦!!
就係咁, 全身嘅港紙就比佢清左!!

跟住就搭車去左台北故宮!!
可能係禽日晒過左龍, 十點鐘嘅陽光都"辣"肉"辣"到死死下!!
之之助助, 十點半先憑學生票進入故宮!!
文化嘅野太深奧了, 完全看不懂,
所以只是走馬看花, 吸印仔成為最主要任務!!
但係咁都行左兩個鐘!!
之後去左隔離嗰個至善園行左一陣!!

離開故宮之後, 本來諗住去食鼎泰豐/點水樓,
點知又係時間嘅問題,
結果只係去左士林一間叫咕咕雞嘅食店食快餐!!
咁都好嘅, 爭取返D時間!
用餐途中, 重新 plan 過去九份嘅交通,
發覺如果搭巴士去的話, 去到可能已經好晏,
所以就改搭火車轉巴士! (好彩之前做晒功課姐)

有晒火車嘅班次同時間, 果然好方便,
趕到去火車站, 買埋火車票, 都仲有幾分鐘時間去下廁所!!

架火車好準時咁駛離台北火車站,
向住目的地-瑞芳出發, 途中落住傾盤大雨,
心諗: 九份山城落住毛毛細雨都已經夠悲情,
依加仲要落狗屎咁大雨, 我個旅程真係好悲!!
點知快到瑞芳之時, 天色開始放晴, oh thanks god!!

火車好準時咁到達瑞芳火車站, 真係一d都無誤點,
這點令我覺得好奇怪!! (可能係坐得多大陸火車嘅關係啦!!)

瑞芳, 一個平凡嘅小城鎮,
沒有逗留太久, 就上左巴士去九份!

到達九份嘅時間比預定時間仲要早,
實在太好了, 可以有大把時間行下!!
其實九份就好似香港嘅淺水灣又或者赤柱一樣,
一樣係遊客必到嘅地方, 但係其實又唔知有乜好行架喎!! :P

行到去一個崖邊, 通常遊客會以那裡個為折返點,
因為那裡可以睇到山區嘅景色, 同附近嘅房屋, 街道, 海灣 .......,
而且再行嘅話都唔覺再會有商鋪!

又話山城景色有幾靚, 我一D都唔覺得囉,
十足十一堆山邊嘅木屋區咁, 殘殘舊舊!!

hea 完一大輪之後, 又係返去咁時間,
點知等車時先發覺無碎銀, 咁就眼白白睇住班車走左!!
就咁又等多左二十分鐘, 終於上到巴左返瑞芳!!

返到瑞芳見仲有D時間, 就行左陣頂好超市 (即係香港嘅wellcome),
順便買埋明天嘅早餐!!

去到counter買票, 本來要買19:29嘅自強號去松山站,
點知搞錯買左19:46那班莒光號!!
好彩發現得早, 急急忙忙再去counter搞返正佢,
一出月台架火車就已經响度等緊我地!!

自強號臨時買票係唔會有劃位嘅,
如果滿左就算你唔好彩, 企到有人落車比個位你啦!!
但係又好好彩比我地找到座位一直坐到松山!!

火車又係好準時嘅駛入松山火車站, 真係值得一讚!!
之後就去左饒河街夜市掃街當晚餐!!
但係實在係太熱喇, 食野嘅需要都唔及飲野嘅需要!!
行下食下咁就一個半小時了!!
之後再過隔離嘅五分埔商圈再行過!!
可能大家嘅體力同精神都已經消耗得九九十十,
再加上台灣D衫嘅style同香港有少少唔同,
大家行左一陣都無收穫, 只好拉隊返民宿休息!!


11/6 (Day 4)
連日嘅辛苦(唔想咁早起身), 再加上唔知出去食乜好,
今早嘅早餐竟然就係一個杯麵!!

同包租婆辦完退房手續都已經十一點,
之後再去台北火車站再找過 locker,
終於比我地找到了, 三個鐘七十台幣!!

之後我地就分頭行事, 一班去左書局街再掃書,
而我就選擇去行西門町!!

順住站前地下街一直行, 經過左台北北門郵政局,
入左去hea左一陣, 就高速直奔西門町!!
可能係平日嘅關係, 好多鋪都唔開門或者未開門做生意!!

本來想幫襯一間平價壽司店, 點知那鋪已改建為一間化妝品店了!!
只好在附近求其找一間食店醫肚!!
(得返半個鐘連食連搭車連行去locker, 超趕!!)

兩組人分別先後不過兩分鐘去到 locker 門前,
那時離 locker 三小時之期只餘五分鐘, 睇嚟大家都用盡每一分每一秒!! :P

取回行李之後, 見仲有D時間,
就响火車站內hea左陣, 同安頓一下新購置物品!!
之後就去左坐國光號去桃園機場!!
國光號雖然係貴少少, 不過佢行嘅路線果然係會快少少嘅!!

去到機場, check-in 完畢, 見仲有少少時間,
就响機場內四圍遊蕩, 不過其實係無乜好行嘅!!

入到去候機室, 先發覺班機原來仲未到!!
點解佢地唔响出面公告一吓!!
睇住班機埋閘, 等住上一班機D人離機,
佢地先公報話登機同起飛時間都要同時delay三十分鐘!!

飛機終於在18:55分起飛, 沒有一絲擔擱!!
途中又仲睇埋下半齣"史前一萬年",
同埋試埋台灣食品 -- 阿給, 味道都ok一般啦!!

飛機比預定時間只係遲了5分鐘抵達香港國際機場,
飛行時間竟然可以壓縮左25分鐘!! 那個果然係戰鬥機機師!!

雙腳落地之後, 第一時間就梗係打電話回家報平安啦!!
取回行李, 搭巴士回家, 坐在家中梳化已經係兩個鐘之後嘅事了!!


台灣行程及相關資料 (可作參考之用)
台灣相片 Link

6月回想 (上)

1/6
好耐都無過過去石硤尾,
今次過去都係因為去買粽食,
嘩嘩嘩......, 成廿幾蚊隻仲要豆潤咁細隻, (仲貴過上環粽)
係咪真係咁好食呀? 但係去到又無理由唔買架!?
就係咁就買左隻返去試下!


2/6
比我估中左, cheap佬真係將 farewell 同迎新搞埋一齊,
仲要係今個星期五搞添, 咁啱我今個星期五就係請左假,
咁就大條道理唔洗出席食背脊骨落嘅飯!! :D


3/6
原來"愛麗斯加文"尼個端午節假又係過台灣玩,
唔知到時撞唔撞到佢呢? :D

日日都過嚟問有手寫板未, 係咪真係咁多野寫呀?
定話係 pack 箱時見仲有位, 想攝d野落去呢?


4/6
唔知佢係想收買我(叫我快d同佢攞隻手寫板返來),
定係太多垃圾想找人收留一下,
佢竟然親自走過來送左隻龜形膠紙座比我!
算......, 我就好頭好尾, 同你試多次......,
竟然間公司又肯送住件貨過來先喎, 算佢執到!!

晚上去左旺角朗豪坊食 food court,
佢個椰汁香芒糯米飯同我在泰國食嗰個簡直天同地,
另人非常失望!!


亮了紅燈

歌手：譚詠麟　作曲：蔡國權
填詞：向雪懷　編曲：盧東尼
監製：關維麟



＊今天我共你如沒去路
　崎嶇的愛路
　我共你之間亮了警號

＃總不放下這沉默態度
　歡欣改了路
　磨擦已起沒有心機

＠枉我依然專一愛著你
　接近你時你卻在逃避
　休再遮瞞心知道事有蹺蹊
　心意轉移今天你是你
　這份愛情到這樣田地
　不發一言彼此有沒有趣味

Repeat ＊,＃

緊閉心靈怎可接近你
放在眼前我似是迷路
苦作癡纏方知道是這麼悲
可笑雖然天天見著你
冷淡有如似素未謀面
戀愛的紅燈竟會令我卻步

Repeat ＠


5/6
今日超忙, 又要趕放假前做起office jobs,
又要交低工作比新人去跟,
最緊要係要 finalize 同 print 個台灣行程出來,
可惜個 printer 竟然玩野, 搞左鬼死咁耐先搞掂晒!!

晚上在潮濕的空氣下, 走左去"行山", @_@!
全身濕透嘅情況下趕返去海富中心食晚飯,
食到比人趕走咁濟, 食完又係時候散 band 了!!


6/6
今日開始放假, 可以唔洗去食餐背脊骨落嘅飯,
又可以去銀行做下自己野, 不過地點仍然是灣仔!! @_@

午飯前出門口, 首先去左上環間東亞攞張 visa card 先,
越行越大雨, 簡直有雨傘都會濕身!! (後來先知到那時是黃雨)
之後搭地鐵落灣仔間恆生,
點知一出地鐵就撞到 library team 嘅同事, 邪......
原來佢地都要過來食"那餐飯"!!

次次去親銀行搞野都係唔方好野,
跟住我後面嘅一定會 xyz 我千萬次,
今次我又霸住左個 counter 40分鐘!! :P
好彩個銀行姐姐 EQ 高,
如果唔係, 佢都一早就變左面了!! :P


7/6
今早竟然黑雨, 北大嶼山公路出現水浸,
好多車死左火, 要消防員出動去救人!!
好彩神推鬼拱之下定左明天先出發,
如果唔係, 唔做落湯雞就一定做左明星上電視了!!
(事後先知道原來除左加文之外, 仲有另一位朋友仔今日上機)

5月回想 (下)

21/5
無無聊開始執下公司個櫃,
發現左好多本來有用, 依加變左無用嘅野,
搞到成個垃圾桶都滿晒!!
仲發現左我10年前嘅作品 -- 太極拳基本操,
連隨將餅錄影帶轉左做電腦檔先!! :P
(其他D可以慢慢再轉!)


22/5
有時d錢唔係你賺就唔係你賺,
相差10分鐘就無左$1400! ~_~

原來蚊叮蟲咬都可以攞醫生紙同放假的,
我都係第一次見!! :P


23/5
唔知幾時我變左 TCS 嘅 expert,
今日竟然要我開班授徒!! @_@"
我都係得嗰半桶水, 唔知佢地又可以學到幾多成呢?

都唔知電腦同豬頭皮係唔係有仇,
scanner 可以 scan scan 下停左,
燒碟機燒燒下碟又會燒死碟,
就連剪片軟件用用下都會 hang 機死埋!
總之佢用親d乜都會出現問題,
唔通佢真係咁唔受歡迎?
定係我班"小朋友"知我心意呢? :P

有人收到房署信件, 終於有機會去選樓了,
真替人高興!!


24/5
做完"功課"去左樂富會合,
抄左一堆資料, 回程再細心研究,
初步得出結論就係: 聽天尤命!!
回家後再"補課"補到2點幾!! 累...... z_z


25/5
今日去左做"實地觀察",
環境都算唔錯, 最方便就係地鐵站就在附近!!
不過買野同食野就沒有太多選擇,
算是美中不足吧!!

都係嗰句: "聽天尤命"吧!!


26/6
一早返到去就見到條死魚, 點解架? @_@"
連一直生長正常的水養黃金葛都出現左枯葉,
個時鐘又無電停鬼左......
星期六/日, 這裡究竟發生了什麼事? 好邪...... >_<"


27/5
放工再去多次"實地觀察", 之後又去左樂富"占掛",
可惜"掛像"沒有報喜, 明天的事還是忘記吧!!


28/5
"無意間"忙碌的日子變成"放假日",
多方面嘅緊張同壓力都完全放低晒!!

在家 hea 住填報稅表,
之後又再更改台北個行程表, 咁就又一day了!! :P


29/5
一早返到去又有條魚仔唔妥, 魚鰭被其他魚咬到爛晒!! >_<
(放工前已將佢撈開左)

又被不正二世追交功課,
真係唔係好想做嗰d SLP野,
無奈之下做少少應酬下佢先啦!!

被人知道左中意同食得帶子添, 咁尼次大獲喇!!
以後可能會成日見到這種營養豐富,
高蛋白, 低脂肪, 易消化嘅食物!!


30/5
條魚仔最後都係死左, 無法子啦!! 願佢安息!!

又話食迎新飯, 結果一推再推, 今日又係無左下文,
睇嚟又係合併個 farewell 一齊搞啦!! Cheap 鬼!!

四點前收到一個 email, 急忙上網看個究竟!!
無奈網絡擠塞, 一時未能順利進入系統!!
再次努力擠多一次, 終於成功進入!!
多虧"競價時段"嘅大混亂, 嘜高左個價,
無厘頭賺多左幾個價位!! :P

放工去左買隻潮州粽試下, 希望真係傳聞中咁好食啦!!


31/5
難得半天的空閒, 開波喇!! :D
之後去左同人地揍細路, 玩龍貓!! :P

5月回想 (中)

11/5
下午去行金山郊野公園, 實在太多馬騮了, 簡直係佢地嘅世界,
唔單只唔怕人, 仲要惡過人,
乞食, 拉褲腳問你攞野食, 偷野食, 發惡嚇人搶野食, ...... 樣樣有齊! @_@'
最後遇到一班上來餵馬騮嘅人,
佢地嘅食物引來了附近嘅幾十隻馬騮, 場面非常"壯觀"!!


















12/5
佛誕, 生日的祝賀, 四川大地震, 享受靜靜在家研究行程

祝你幸福
唱：許志安　曲︰高林生
詞︰張美賢　編︰孫偉明

是太多很瑣碎事動了無名怒火
為你的態度曾經心中多不好過
像我的疏忽懶隋難救助
無心偏出錯　言談微細動作都做錯

共你可天天對著沒再祈求什麼
但彷彿再十年多都不可清楚我
若我的深刻愛情成載荷
仍可體恤你　完全無意但卻傷害我

＊只想你　每一天亦覺快樂笑得多
　早知道　再拉扯也沒結果
　即使你到今天　仍像當初般美麗
　這一切已經不再屬於我

重唱　＊

為你的委屈怨恨沒法能做什麼
或者再十年多終於可喜歡我
是那天開心過還曾惹禍
離開怎可以　成為朋友願你體諒我
分開了我都祝你幸福過


無止境的心痛
唱：張學友　曲：黃文廣
詞：黃文廣　編：花比奧


秋風　悠悠掠過輕輕帶走一天
冰冷中　呆看照片眷戀你的溫暖
每個夜　為你守候
困與倦　獨個忍受
我為何總不懂放手

＠當天　纏綿夜裏呼吸愛的空氣
　今天　無數記憶最終變得淒美
　我著迷　為你心動
　我在尋　未完的夢
　卻換來一串　無止境的心痛

＃人浮浮沉沉在世　活著是為自己
　而我愛你卻多於一切
　是你共我在昨天　一刹縫綣相愛
　深深的緊鎖我心底
　仍日日夜夜期盼　寂寂寞寞地等
　空虛中將青春荒廢
　或對或錯沒結果　心痛的我
　問哪一天方可結束這折磨

重唱 ＠,＃

仍然深信相愛可有幸福
然而失去你
這一生只有孤獨

重唱 ＃


天與地
唱：張學友　曲：李東珍/林炷妍
詞：潘源良　編：盧東尼


風吹過山川千百里　綠草鮮花香也美
一切在世好東西　各有自存地

＊想起世間種種奧秘　亦始終比不上你
　歡笑熱愛每一天　全都因找到你
　情從心窩中刻記　惟求能長聚一起
　那會想到在這天　你要遠走高飛
　天與地　多少空間　偏找不到某地逃避
　世間太大這天分離　如何還能在一起＊

＠天與地　多少空間　多少東西各占一地
　卻要這份情被毀＠

＃只因比一切亦美＃

重唱 ＊＠＃＠

請講出一個道理


留住這時光
唱：張學友　曲：劉諾生
詞：向雪懷　編：劉諾生


靜靜似風飄過　望著你時也可溫暖我
如若說風景醉人　深深吸引
只因你　你知道麼

＠願望你會給我　浪漫回憶癡癡醉過
　誰像我今天也曾　不分早晚
　可跟你　鬧市中穿梭

＃讓每點陽光　灑於你面龐
　令你的微笑　比花更盛放
　誰亦會沉醉　此刻對望
　常令我忘了今天在何方

＊愉快的時光　只因你在旁
　令我想念你　與這地方
　還用你誠意　將心照亮
　留住我不想他往

重唱　＠,＃,＊

讓每點陽光　灑於你面龐
令你的微笑　比花更盛放
還用你誠意　將心照亮
留住我不想他往
留住我不想他往


13/5
RO4 今日"突然"的出現, 搞到大家都有點手忙腳亂!

而他姐今日 last day, 最後再同佢去左 La Bons Cafe 度食,
最後仲食埋心太軟, 睇嚟不正二世會從此愛上這間餐廳!! :P

放工又去申請"電風扇", 今日交齊資料但又無貨,
明天又要再去多次見"信用咭姐姐"了!!

去了廟街食蠔仔餅同煲仔飯,
味道都ok, 不過埋單仲貴過茶餐廳!!


14/5
繼RO4 昨天的出現, RO2 今日也相繼出現,
(同泰王一樣係高人一等)
睇嚟2個都係好靜嘅人,
希望辦事能力都高人一等啦!!

放工又去見"信用咭姐姐", 今天終於攞到個風扇了!!
拖著大大個盒回家, 阻手阻腳(誤) <--係苯手苯腳先啱!!

食完飯開始玩砌積木, 砌完竟然拆唔返, 噢雪!! @_@"

* * * * * * * * * * * * * * * * * * * * * * * * * * * * * * *
我都想有這張茶几, 哈哈哈......







Ref: http://game.sina.com.hk/cgi-bin/nw.cgi?action=view&d=2008-05-14&id=9870


15/5
有左禽日嘅經驗, 今日走左去幫人砌風扇,
好快就砌完左, 仲諗住走得啦,
點知隻野原來窺窺地, 搞左好耐......結果都係要放棄!!
免費野就係咁架啦......唉......!!


16/5
今日放假, 但係仍然都要去灣仔一次!!
事關咪又係去見下"信用咭姐姐"囉!! :P
今日嚟左個新嘅"姐姐", 佢好好人架,
仲一次過幫我地換晒個風扇支棍同個摩打添, great!! :D

晚上繼續搞下台北d野, 大概方向已經有共識,
明天應該可以起到初稿!!


17/5
今日全日在網海縱橫, 來個台北大搜查!!
終於都起左個初稿了!!


18/5
放肆的一天!!
台北行程搞掂左, 所以全日都在打機!! (無雙OROCHI 魔王再臨)


19/5
今日約左同行友人一齊去做台證同攞禮物!! (只要去台灣就有)
下午三點幾去到金鐘做台證,
嘩......咁x多人架, 又話可以落地簽證, 點解仲有咁多人?! @_@"
足足搞左成個鐘先走得, 差d趕唔到去上環攞禮物!!

之前聽聞過可以攞台北捷運一日車票,
點知一上到去佢話已經送完左!! @_@
吓.............唔係掛, 咁大獲......>_<"
由5月9號開始, 改左送免費樂園入場卷,
仲有18個場任你(到時)簡添!!

1) 8大森林樂園
2) 八仙海岸
3) 九族文化村
4) 小人國主題樂園
5) 小叮噹科學遊樂區
6) 月眉育樂世界
7) 火炎山溫泉遊樂區
8) 台灣民俗村
9) 西湖渡假村
10)尖山埤江南渡假村
11)成豐夢幻世界
12)杉林溪森林遊樂囡
13)香格里拉樂園
14)泰雅渡假村
15)野柳海洋世界
16)頑皮世界
17)遠雄海洋世界
18)劍湖山世界

暫定去 2) 八仙海岸 (台北)
不過個行程又要重新大執過啦!! 累......~_~

晚上去左旺角飲左個胡椒豬肚湯, 勁正!!! =(^.^)=

無心嘅說話諗住搞下笑,
竟然被人誤會, 真係無奈...... x_x


20/5
放完2日假, 一返到office, 十九萬樣野等住你做,
樣樣都話係 urgent, 但係我又睇唔到邊樣真係死得人喎!!

大佬數埋得嗰廿日就要叮走, 都仲要搞事!!
臨走都仲話要買手寫板, 仲要係又大又笨嘅大板,
今時今日仲邊有人用架, 而且如果我跟足"手續"去做,
佢根本連個盒都無可能見到!!
其實依加要手寫板用嘅人都已經有得用, 亦都無人講過話有乜唔妥,
佢根本就係想公器私用, 又要唔好意思講出口,
就"賴"係為人民著想, 話s級以上的每人一塊, 好似分餅仔咁!!
超......, 我采你就真係傻啦!! 好......, 我就要你有得睇無得洗先得!!

5月回想 (上)

1/5
瞓到爛晏, 去左上環街市的一間茶餐廳食 brunch, 大件夾抵食! ^_^

下午在家一邊整理財務, 一邊研究行程, 算係有了個鶵形!


2/5
lunch 前攞左1.5小時 time-off, 唔係去迎聖火,
都唔係去搖獅子旗, 而係為左去銀行辦點"小事"!
但結果竟然在銀行逗留左成個鐘!! $_$

之後又去左cwb交保護費(誤) <--保險費,
搞到個 lunch 得返3個字, 超趕......

晚上打完波去左金水排佢個半價壽司,
超多人, 勁熱鬧!!


3/5
hea 到好晏先出街, 為左買下星期的母親節禮物,
順路買左好多其他垃雜野, 好似大豐收咁!!


4/5
無厘頭去左鳳德一間茶餐廳食 brunch,
之後搭車去左西貢嘅車公廟求神作福,
跟住再入左去西貢市中心睇人地放狗,
無聊無聊地睇人地買海鮮......

晚上出返旺角嘅炳記牛牛度食晚飯, 不外如事, 無乜特別!!


5/5
晚上約左成班 BU 朋友(Ben, Pauline, Tracey, Paul, Dr, Cheng Fang),
去左又一城間EXP度食, 剛巧旁邊的溜冰場有比賽進行中, 非常熱鬧!


6/5
開始去清理新人的"地盤", 發現左好多垃圾, 但亦都有好多物資!

他姐終於都要走了, (1星期通知)
去的是大佬間學校, 離我家好近呢!!


7/5
今日係西阿那放產假前最後一日,
之後就要2個月後先回任!!

打完波同安祈去左金百利嘅新巴黎越南餐廳食越南野,
份量唔多, 但係唔算貴!!


8/5
今日可能真係宜做手術,
先係我阿婆開刀攞膽,
(內附2粒膽石, 及聽聞仲有條死蟲添 O_o")
再有西阿那開刀攞仔!
希望佢地都快d康復啦!!


9/5
放工比人指左去申請信用咭,
為的只是一把 16" 座地大風扇!! @_@"
不過資料唔齊, "暫時"申請唔到!!

10堂的羽毛球終於都過去了,
最後一場比人打到落花流水!! x_x
又係老地方食晚飯, 懶得去找新店食! :P

* * * * * * * * * * * * * * * * * * * * * * * * * * * * * * *

英國哲學家培根說：「妻子是年輕男人的情婦，中年男人的同伴和老年男人的看護。」
Wives are young men's mistresses, companions for middle age, and old men's nurses.
—Francis Bacon

Ref: http://ladies.sina.com.hk/cgi-bin/nw/show.cgi/81/4/1/233707/1.html

我覺得人老左, 總係想有個人在自己身邊陪伴左右,
可悲的是, 他逃得過形態上的弧獨, 也逃不過內心的弧獨!!

* * * * * * * * * * * * * * * * * * * * * * * * * * * * * * *

在網上搜查一下, "條死蟲"可能就係"中華肝吸蟲" @_@
Ref: http://zh.wikipedia.org/w/index.php?title=%E4%B8%AD%E8%8F%AF%E8%82%9D%E5%90%B8%E8%9F%B2&variant=zh-hant


10/5
晚上近近地去左新築地手握壽司刺身專門店提早慶祝母親節,
唔洗 book 位, 食物新鮮程度一般或以上,
每人$88, 食到個個飽到抱住個肚!!