食唔飽嘅組飯

組飯終於有著落，
去左合和60/F食中餐，
(同場 PSHE 都在隔離房開了一圍龍躉宴，極盡奢華!!)
11人食了$1100左右，唔算太貴，
不過原來有人食唔飽，
之後要返去補飛叫三文治食！ -_-!!

對唔住喇，KB!!

今日本來約左 KB 食 lunch，
點知我完全無左回事，
再加上比女皇點左去銀行換新鈔，
以及要去化解怨氣，
所以無辦法都要對唔住你喇，KB!!

晚上，上埋最後一堂保齡球訓練班，
發覺跟住老師發的方法去打就成日都打唔到，
用返自己方法就打到下 (不過唔穩定)！
所以決定都係"隨心所欲"啦 :P
再學中班? 唔學住喇，等我操熟d先啦！

之後仍然都係去食金龍泉，
下次唔知幾時先會再來幫親了！

食組飯?

明明話去食組飯，
點知一個二個病鬼晒，
睇尼今餐史提芬又可以慳返！

拍片

無啦啦比人拉左去九龍塘拍片，
咁就唔見左一日！ @_@"

將軍澳

無無聊去左將軍澳視察環境，
在將軍澳中心見到一個狗狗show，
還聽了一些養狗心得！ :D

在家打邊爐

中午去左聽 Sony 搞的一個 "高清" seminar，
為的只是最後派發的一本書！ :P

晚上凍冰冰，最好就係在家打邊爐 :)

帶新人

又要出workshop，今日仲要帶新人！
夜晚又落bar，蒲到11點幾走人！

又有新人

又有新人到，今日係GC，
睇尼lee個阿姐都幾醒目咁，
希望可以幫到下手啦！

繼續入attendance list！

晚上去左旺角攞部獎品相機，
之後又去左教協入貨！:P

無奈無奈......

新PO到步，之前聽聞話係一個大美人，
結果......又比細s 騙多左一次！ @_@

無啦啦比人叫左去入舊年 JC seminar 的 attendance，
超無奈！

晚上繼續上保齡球訓練班，
已經四堂了，越打越唔知自己打乜，
除了手腳唔協調之外，
而家連波都打唔直，
落坑，落坑，再落坑........ >_<"

之後去左金龍泉食野，
d野食係就係鹹d，不過勁啱我口味 :P
價錢同食物質素都算合理啦！

今晚食乜好?

今晚又去食金水半價餐，
9:30去到，竟然可以排第一，哈哈哈......
不過最近可能食得太多，
竟然有唔知叫乜食好的感覺！

工作很難

手腳因劇烈運動之後感到強烈的痛楚，
不想作大幅度的動作，只好留在家休息及聽歌！

相愛很難

歌手：梅艷芳/張學友　作曲：陳輝陽
填詞：林夕　　　　　　編曲：陳輝陽

最好　有生一日都愛下去
但誰人　能將戀愛當做終生興趣
生活　其實旨在找到個伴侶
面對現實　熱戀很快變長流細水

＊可惜我　不智或僥倖
　對火花天生敏感
　不過　兩隻手拉得太緊
　愛到過了界那對愛人
　同時亦最易變成一對敵人

　也許相愛很難
　就難在其實雙方各有各寄望　怎麼辦
　要單戀都難
　受太大的禮會內疚卻也無力歸還

　也許不愛不難
　但如未成佛昇仙也會怕　愛情前途黯淡
　愛不愛都難
　未快樂先有責任給予對方面露歡顏

　得到浪漫　又要有空間
　得到定局　卻怕去到終站
　然後付出多得到少不介意豁達
　又擔心　有人看不過眼＊

REPEAT＊

無論熱戀中失戀中　都永遠記住第一戒
別要張開雙眼



工作很難（原曲：相愛很難)
填詞：亞貓

女：至少　有工一日都幹下去
　　但誰人　能將Free-lance當做終生興趣
男：希望　有工穩陣可以幹下去
　　面對現實　長工很快變換「流」過水

女：可惜我　總這樣不幸
　　打親工梗遭降薪
男：兼夾　兩百蚊通街替身
合：老細對我已冇晒信任
　　同時亦發現四圍充滿敵人

女：也許工作很難
　　就難在勞動資方各有各寄望　怎麼辦
男：要加薪都難
　　是信用咭債務勁爆卻也無力歸還
女：也許搵過很難
　　但留在原地死頂也會怕　個人前途黯淡
男：幹不幹都難
　　又背負超重責任兼要對老板面露歡顏
女：想去浪漫　又怕冇工返
男：想去飯局　老細卻要加班
合：然後做得多薪水少點會有發達
　　仲擔心　有人覺得我懶

合：無論夜收工早收工
　　都永遠記住第一戒　別要早走　返晏

小型賽車基礎課程 (後)

半夜四點先瞓，第二朝七點半就要起身！ z_z
半死狀態之下去到深圳香格里拉酒店的大堂集合！
一團三十人乘旅遊巴去香蜜湖外面的舊賽車場！
進行過非常簡單的講解後，
就開始抽籤分組選車！
全個課程都以比賽形式進行，
分組出線者可以進入最後總決賽，
而且最後還有開香檳慶祝！
雖然到最後都沒有進入總決賽，
不過都玩得好開心好過癮！ :D





玩完之後，見仲有d時間，
就行去東門見識一下，
途中發生了一些小風波！
令行程蒙上了灰色時段，好累好累！
不過也就更明白大家的底線及期望！

晚上去左深圳佳寧娜友誼廣場的大漁食日本野，
RMB 150 任飲任食，
唔算太貴，不過d野食同心目中個樣有d出入，
總係覺得怪怪地，不過也食得飽飽！


接近

唱：張學友/陳慧嫻　作詞：潘源良
作曲：Dick Lee　　　編曲：杜自持

男：風光裡走過了幾千里　一轉身　卻在原地
　　追憶裡一切的好東西　也溢滿　你的趣味
　　如濃茶裡　滲著愛　滲著快樂　滲著你　讓我可偷偷細味
　　共你舉杯　微妙人生裡　終於有你　有了生機

男：我那天經過碰著你　你笑得比這世上美
　　叫我不得不追求你　世界中一切亦無味　不一起
　　你也許不算最完美　卻更加使我掛念你
　　叫我捨不得不留起　時分秒　來共你一起
　　叫我不得不接近你

女：猜不透一切世間真理　但明白　愛是神奇
　　不知道怎算可歌可泣　卻共創　這天這地
　　如濃茶裡　滲著愛　滲著快樂　滲著你　讓我偷偷細味
　　共你舉杯　微妙人生裡　終於有你　有了生機

男：我那天經過碰著你│女：仍會記得起
男：你笑得比這世上美│女：避也無從避
男：叫我不得不追求你│女：原來被愛心理
男：世界中一切亦無味│女：竟然每一刻
男：不一起　　　　　│女：都歡喜

男：你也許不算最完美│女：誰叫你歡喜
男：卻更加使我掛念你│女：讓我間中　不講理
男：叫我捨不得不留起
男：時分秒來共你一起│女：像個遊戲
男：叫我不得不接近你

男：你也許不算最完美│女：誰叫你歡喜
男：卻更加使我掛念你│女：讓我間中　不講理
男：叫我捨不得不留起
男：時分秒來共你一起│女：像個遊戲
男：叫我不得不接近你

小型賽車基礎課程 (前)

晚上過深圳按摩過夜，
其實係準備明天在香蜜湖舉辦的小型賽車基礎課程！
過關一切順利，而且還做埋回鄉咭的 e-通道過關！

之後去左深圳綠色家園休閒中心按摸，
88元雙鐘就送多一個鐘大堂項目，
又送生果又送飲品一杯，
仲有送宵夜自助餐，
再加多一個鐘按摩(30元)仲可以免費過夜添！
真係非常抵！

有 printer 賣

我妹公司annual dinner，
抽中了一部 HP C6280 printer，
好就幾好啦，
可惜我家已有一部 printer 了，
所以佢想話賤賣出去，
有興趣者歡迎議價！ :D

鐵圈風雲

唔知係聰明定愚蠢的做法，
買左個鐵圈尼玩...... O_O

抵

工聯會張証終於收到了，
估唔到比一年會費就有1年半會員資格，真係抵！
(人地比2年錢先有1年半會員資格，哈哈哈......)

空想科學大戰

終於集齊 "空想科學大戰" 的 soft copy了 :D

大頭蝦

一大清早就有人打電話來求救，
大頭蝦無錢在身又學人玩通宵！
好彩 e+ ebanking 都好方便！ :D
以為搞掂，點知搞錯 account，
搞一大輪，始終都係要落返ATM搞！
勁遲到！！ o_o

東平洲一天遊

參加了麻麻地旅遊的"東平洲逍遙遊、塔門海鮮餐一天遊"，
一行十一人，有老有嫩，一早8點半去到大學火車站集合！
早上氣溫大約有14度左右，未算太凍，
點知一開船d猛烈嘅海風就從四方八面係咁吹過來，
好似入左雪櫃個冰格咁，馬上變晒做冰條！ @_@

去到塔門行左一陣，其實都無乜好行！跟住就食中午飯！
食飽之後，再乘船去到今日的目的地東平洲！

東平洲出名怪石多，一心想話來見識一下！
點知原來這個是一個行山團！
行一大段山路先可以去到一d唔係咁奇特嘅景！
真有點兒失望！ ~_~
幸好沿途有班嘩鬼相伴！ :D
下午3點回程，5點返到馬料水碼頭解散！

晚上本來仲有晚飯，按摩，宵夜直落，
不過我實在太累了，決定放棄戰友回家休息！

劈酒

晚上去了屋企附近的 rice bar 飲野，
其實我係唔好飲酒的，不過間野又在附近，
而且有人在裡面工作，仲可以有免費酒試飲，
試試也無妨！ :P

9點幾落到去，間舖未算多人，
只係有幾個人坐在舖出面！
是關去之前聽聞這間 bar 會有男同志出沒，
所以總係覺得有點異樣！
之後越夜就越多人，
越多人就越明顯那些是異類，
不過他們也沒有什麼特別舉動，
而且間 bar 的氣氛也算熱鬧，
所以也樂於在場試酒！

原本諗住11點就走，
結果搞到成3點先走得！
明天仲要一早起身去東平洲添，
天氣又突然轉冷......... -_-'

心裡暗想：這是你的命，還是乖乖接受吧！

雙魚座

昨晚傾電話又傾到2點，真係命都短幾年！ x_x

點解唔肯信人，點解做人咁無信心！
問題總得解決，逃走係唔會有出路！
連自己都無標準答案，你又期望人地可以怎樣做?
雙魚座，真係一個"優柔寡斷、意志薄弱"，
"太情緒化，多愁善感"，
"容易受環境影響"，"容易陷入沮喪而不可自拔" 的星座！ -_-"

R先生放工前講了他的私生活給我知道，
原來佢係d咁嘅人來的！又知多你一點點了！
唔好意思，你的秘密已經通天了，哇哈哈........

晚上又去金水食半價餐，
好味，但似乎近排也食太多了罷！

露比星期二

昨晚傾電話傾到3點先死去瞓，
今早極唔願起身返工！ z_z

晚上約了一班舊同事去德福的 Ruby Tuesday 食飯，
3個小時有野食、有抽獎、有無限的笑位，
真係好開心，多謝你保利姐！ :D

(BTW，錢罌變了暖水壺，是否實用點呢??) :P

Seminar + 保齡球

今日又到 spm 搞 seminar，
又唔係話無乜野做，
但又唔係做過好多野咁，
總之就係唔知忙乜啦！

放工無人肯返胡忠，
咁唯有入盒 tray 返去啦，哈哈哈......

晚上又去左保齡球訓練班，
學極都唔啱姿勢，shxt!

之後在美孚四圍走找東西吃，
行啊行......行啊行.......，
日頭唔好講人，夜晚都唔好......，
最後求其走左入一間上海舖 - 滄浪亭，
食物就一般啦，價錢都唔太貴，
在美孚d食店來說已經算是有交代了.............. -_-'

小狗BB 3

小狗回家了，它的身體好似瘦了不少，
不過精神就好了好多，
執返條命仔，算佢好彩！

EVA 字幕繼續整理中，
進度超慢，每晚2集！

小狗BB 2

今早收到獸醫那邊消息說小狗的手術進行成功，
沒有生命危險，但要暫時留院觀察，
咁都放心少少！

無意中找到了 EVA 的高清 version，
但字幕有些缺憾！
好，當係從新溫多次，順便整理一下個字幕！

小狗BB 1

家裡的小狗 - BB 幾日來都唔肯點食野，
今日情況更壞，半死狀態！
晚上帶了它去睇獸醫，
發現它原來是子宮發炎，
要立刻動手術，否則會有生命危險！
無法之下只好一手交錢一手交狗！

食金水食上癮

晚上竟然走左去金水排佢個半價壽司！
太誇張，9:30 去到已經排緊長龍，
10:00 入去時，門口簡直塞滿晒人！ @_@'
好多食物平時好貴會唔捨的叫，
不過半價之後就變得比較抵食！ :D
狂叫狂食，食到飽到行唔到！
埋單都只是 $162 (原價$3xx)，抵!!

炒蟹

今日開始有返d工作情緒，
襯佢地好多都出左去靜靜地做下野！
早上set機，整火牛，
下午搞埋個錯漏百出嘅基金booklet！

放工後自閉園藝時間，
大佬又用key自己走入房！ >_<*
問我要左隻dvd blank dics，
我真係想當場小佢老味炒蟹！！ (＼＿／)
我响房度就話比隻碟你姐，
我唔係房度你入尼做乜能野，
我唔係房度係咪可以自己亂尼?!
以後臨走時要記得 lock 櫃先得！！

新的一年新的一天

返到office無乜心機做野，求其 hea 左一日！ :P
部電腦我放假佢又放假，
(因為火牛風扇死左，火牛過熱罷工)
成個假期無收 winfax，哈哈......，正！

放工後大佬用key自己入左房，
真係要睇緊dd野先得！>_<"

晚上參加左個初階保齡球訓練，
重新由基本動作開始學起！
晚飯去左多多麵飽西餅度食，
聽人講話佢d麵飽幾得下咪試下囉！
點知，麵飽得唔代表廚房得！
D野食又多油，又無味，D海鮮無樣係"鮮"的！
真係下次都唔會再幫襯！ >_<

元旦BB蕉

新年第一日，瞓左4個鐘，又要起身去join另一個 function！
十點鐘上水集合，結果十二點幾先去到天水圍的綠田園！ @_@"
燒燒食食，四圍行下玩下，搞搞下又5個鐘！

兩日就將charge 好左好耐嘅電完全用晒！
明天又要返工了，悲！ ~_~