秋高氣爽2

今日繼續再向北進發，
(早知有day2活動就唔返歸啦，浪費金錢同時間)
目的地：深圳
活動：吃喝玩樂

下午1時過左關之後就乘"專車"去桑拿場度"享受?!"一番。
(e+ D 桑拿場多到你唔信，搶客搶到一出火車站就用"專車"送你到佢地門口.........汗!!)

金色陽光健康桑拿廣場
深圳市羅湖區火車站沿河南路羅湖金岸大厦1-3層
Tel: 82150982

地方非常之大，沖涼揼骨娛樂一應俱全。 (聽說還有邪骨添!! @_@)

今次係我第2次做按摩，
這次一來就先來2小時的腳底按摩。

經過上次的"洗腳"經驗，
這次找來了一個大力的男師傅，
不過佢越做就越覺得唔對路，
事關我一d痛苦/叫喊都沒有，
而佢就出盡力死按，
搞到佢滿頭大汗，
仲慘過佢比人按完！ :P
最後佢都完成了2小時的"死刑"，
拖著疲倦的身軀離開了。 :D

跟著，再來3小時的中醫/中式按摩。
(起初以為3小時會好慢長，點知又唔係喎，瞓瞓下一陣就到了)

上次我用中式按摩力度好似差點，
所以今次嘗試下中醫按摩喇，
想話比佢按下D穴位可以會舒適D，
點知佢又係用盡力我都唔叫一下，
搞到佢1個鐘之後自動投降，
換來另1個中式按摩的師傅。
可是這個力度不夠，被我請了他的"師傅"出山。 :P

師傅個師傅原來都幾年輕的，
力度都好夠了，不過我仍然係無叫過一聲！ -_-
真係唔知好驚定好笑！

到最後，當佢按到我的小腿部份時，
我真係痛到叫了出來，
佢好似"報仇"咁繼續按落黎，
痛到我bill眼水！ >_<"

"辛苦"左5個鐘之後個肚打晒鼓，
一行人乘地鐵到科學館站的老院子吃川菜。


老院子(傳統正宗川菜)
福田區振華路汽車大廈1-2樓(小肥羊對面)
Tel: 755-833 8400

地方都幾特別，不過四周都好似白濛濛 (2手煙!!)


川菜出名就係辣，見到d辣椒油，未食就已經流晒汗！^_^!!
(水煮牛肉)

一路食一路辣，一路辣住又要食，
因為真係好肚餓，而且味道也不差。
食到已好飽，可是最後還要吃甜品先肯收工！
(南瓜餅) -- 這個不錯!!

又吃又喝連地鐵來回車費，每人都係$60，果然超值！
唔怪得咁多人北上消費啦！