珠海2日1夜自由人 - Day 1 - 馳車天地

一行6人，
早上9點半由尖沙咀坐船出發，
去到珠海九州港已經是10點九，
跟住再坐車去海泉灣大酒店，
到達時已差不多12點半 (半天不見了)。

Check-in完畢，上到房間，
原來還未準備好，
所以我們只好背著行李去吃午餐。 ~_~

午餐在酒店內的一間麵食餐館搞定，
味道不錯，價錢也不算很貴！

食完午餐，馬上動身去浸溫泉。

入了場，換了衫，
一出大堂，嘩......唔係呀馬，
好鬼死多人喎，點浸呀？
同我心目中的景象完全唔同！

四處尋找一些少人的地方，
可是一個一個的水池，
到處都是人山人海。
不過都唔係完全沒有優點的，
因為都算有D養眼的東西在面前經常遊走。 :D

浸完都差不多5點幾，
沖完涼上返酒店，
放低D野再出市區吃晚飯，
出到去已經7點幾。
求其找了一間飯店就來吃，
因為大家都肚餓了！

又估唔到佢D味道唔錯喎，
半海鮮餐，食到飽飽，
都係300人仔落樓，正！

老闆真係懂做生意，
在食店隔離，開了一間按摩的，
在大家的意願下，走了入去按了2個鐘。

今次個按摩師是個盲的，
我覺得佢比上2次的更好，
力度好，位置好，
不過其他人的就麻麻地喇，
因為佢地通通掛住睇電視！ :P

按完出來已經11點幾，
已經沒有shuttle bus返酒店了，
我們找了幾個"私家的"司機問價，
全部都開天殺價，
我們不甘被"殺"，
所以繼續找；
終於找到了一個比我們更傻的司機，
他開出一個超低的價錢，
好明顯佢係唔識路啦！
我地話比佢知好遠架，成個鐘車程架，
我地仲開返個價比佢，
叫佢跟指示送我們到目的地，
佢答應左我地。 :P

無驚無險，
返到酒店搞掂晒D野瞓覺時都已經1點半。