珠澳自由行 - Day 2

本來諗住早 d 起身去一轉珠海度假村玩下，
點知教錯鐘唔知醒，失敗！
索性放棄個早晨瞓晏 d，
之後自己乘車去橫琴蠔生態園。
由於係第二次去，而且之前已查清楚路線，
所以一直去到橫琴巴士總站都唔成問題。
落左車就做左個好大的錯誤決定，
以為車站同生態園好近，
結果選擇行入去，(最後行左成個鐘先入到去)
入到去成4點，又累又餓！

坐底叫左芝士蠔，鐵板蠔，同蠔豉臘味煲仔飯，食到飽飽！ :D

之後返左酒店做古法按摩，
什麼宮廷式香薰按摩，十八羅漢按摩，
完全唔到位，好彩無太大期望佢姐！