心痛

心痛

主唱：王傑　作詞：王傑　作曲：王傑



＊漫漫長夜　誰在獨自心痛
　那遠處的光　似是她的呼喚
　昨日是誰留下我這痴痴的心愛
　用我最暖的手將你緊抱擁

＃無論北風怎吹　也吹不開雙手
　讓我風霜的笑臉永盪在你心中
　但那美景不會經常　為何仍然分離
　含淚無語問蒼天 (痛心)

Repeat ＊，＃

你那天真的心仍盪漾在心中
看你滄桑的哭臉　悔恨我的當初
為何偏偏相見一會　但卻仍然是分離
原諒我讓你獨個　飄泊

誰明浪子心

誰明浪子心

唱：王傑　　曲︰王傑
詞︰潘源良　編︰陳志遠



可以笑的話　不會哭
可找到知己　那會孤獨
偏偏我永沒有遇上
問我一雙足印的風霜　怎可結束

可以愛的話　不退縮
可相知的心　那怕追逐
可惜每次遇上熱愛
沒法使我感覺我終於　遇上幸福

＊妳說愛我等於要把我捕捉
　實在沒法擔起這一種愛
　在這夜我又再度飄泊
　妳的痴情　請勿繼續
　請收起一切相信這晚是結局

＃聽說太理想的戀愛　總不可接觸
　我卻那管千山走遍　亦要設法去捕捉
　聽說太理想的一切　都不可接觸
　我再置身寂寞路途　在那裡會有幸福
　〔幸福〕

家與國的夢　不結束
偏偏一顆心　抗拒屈服
必須要確實領略到
就算一生一世也甘心　沒有侷促

Repeat　＊,＃,＃

又愛孤獨又愛你

又愛孤獨又愛你

唱：王傑　曲：西村由紀江/伍樂城
詞：李敏　編：伍樂城




無聲　無影　變得多冷清
但我　平靜　也許難得我孤身隻影

＊回憶　夢境　愛戀的尾聲
　熱愛　變冰　已經溜出可觀的遠景

＃但此刻為何為何特別掛念
　是那哀痛污染空氣　沒法逃避
　既愛著你　和喜歡冷清　從來未明未明自己

＋問此刻為何為何特別掛念
　若那戀愛的記憶　全無臭無味
　怎會有方法令我遺憾　繼續想起

Repeat ＊，＃，＋，＃，＋

不浪漫罪名

不浪漫罪名

唱：王傑　曲：王傑　詞：陳少琪




＊沒有花　這剎那被破壞嗎
　無野火　都會溫暖嗎
　無煙花　一起慶祝好嗎
　讓愛戀　仿似戲劇那樣假
　如佈景一切都美化
　連相擁都參照主角嗎
　你說我未能定時令你每天歡笑一次
　我沒說出一句美麗台詞
　是你心中一種缺憾定義
　流進了眼角裡的刺

＃為何不浪漫亦是罪名
　為何不轟烈是件壞事情
　從來未察覺我每個動作
　沒有聲都有愛你的鐵証
　為何苦不浪漫亦是罪名
　為何總等待著特別事情
　從來未察覺我語氣動聽
　在我呼吸聲早已說明
　什麼都會用一生保證

Repeat ＊，＃，＃

心癮

心癮

唱:王傑　　曲:劉祖德
詞:陳少琪　編:劉祖德




當告別了戀人　當我落魄失魂
總會面對黑暗　揚言別再流淚犧牲

＊當我習慣一人　當我在腦海自製興奮
　想起女伴背部美感　眼神那樣性感
　又會身心解禁
　找個外表吸引動人　天性自私的女人

＃人怎會越愛越要恨　我越怕越接近
　我越近越覺沒有天份
　開始總想到先發制人
　對方到最後變獵人
　人怎會越愛越過份　我越錯越要問
　我越問越是未稱心
　當找到服從枕邊人
　心癮　又會想偷一個吻

Repeat ＊，＃

身邊好友每說到愛情　永遠說得漂亮
即使真相那有勝過一仗

Repeat ＃

靜養

帶著病菌回 office 工作,
又怕傳比人, 又想傳比"佢地",
不過"佢地"今日都無返,
咁大家就平靜地度過吧!!

流感......

今日預左放假休息，點知放假原來係休息養病!!
好明顯禽日嘅喉嚨痛，係因為在珠海/澳門時被人傳染左!!
今日喉嚨就唔痛喇，不過就變左有鼻水!! 死得!! X_X

復活節行行企企食飯幾味 - Day4

今日喉嚨有d痛，唔知係比人傳染而病左，定係食得多熱氣野!!

中午時仲要走左去唱 lunch K，真係唔知死!!

跟住餐 BBQ，都係可免則免了......

復活節行行企企食飯幾味 - Day3

攰攰攰，唔願起身，離開酒店 check-out 時已經差不多11點了，
原本要去氹仔嘅行程已經打定輸數!!
去到拱北萬佳百貨附近嘅快餐店食過午餐後，
再到地下街 hea 在陣，
就又排左成個鐘去過澳門個關閘，
個個排到媽媽聲，都唔知澳門海關點做野!! >_<"

之後又搭免費車去左金沙一次，
放低幾百 ml 嘅水之後，又再搭佢架免費車去碼頭!! :P
(全個行程一次都未賭過，幾忍得手啊，哈哈哈......)
5點35分順利乘船回香港!! 全日大部份時間都在車船關口中度過!!
(兩程都見唔到song姑，真係緣慳一面，哈哈哈......)

晚上去左屋企附近的馬拉媽媽食飯，
試左佢地出名嘅喇沙同肉骨茶，(當時唔知!)
算係唔錯，不過肉骨茶未算太入味!!

復活節行行企企食飯幾味 - Day2

禽晚玩得夜，今早唔願起身，出門口時已經是十點幾!!

今日乘搭另一架巴士到拱北，果真快了一點點，只用了半小時!!
點知過澳門關就用了一個小時有多的時間，秩序又混亂，
簡直離晒大譜!! xyzabc!^(!#(!)(*%&*

午餐食過"武二"之後 (味道一般)，就乘巴士到白鴿巢公園一遊!!
之後再行去大三巴，食左附近的免費杏仁餅，
跟住仲去左食台灣帝鈞碳烤胡椒餅 (10 MOP 一個) 同 檸檬車露 (20 MOP 雙球)，
其間落了一場大雨，要暫停前行!!

之後因為唔識路嘅關係，找了很久，才找到了福隆新街，
誤打誤撞之下，竟然找到了頤德行(李康記)，
佢d豆腐花 (5 MOP) 真係好滑，入口立即溶化，
糖水同花奶又恰到好處，只能用一個 "正" 字來形容!!
仲有就係原來都有好多香港遊客會帶住本地圖慕名而來的!!

跟住繼續比澳門d街名玩左一大輪，一條街幾個名，.......
兜兜轉轉，好彩最後都找到了楊六牛雜粥!! (味道唔錯，值得一試，13 MOP 一碗)
順道問左牛雜粥食店嘅香港食客怎樣去瑪嘉烈蛋撻店，但係結果都係行錯路!!
入左去十六浦睇過究竟，原來又係賭場一個!! -_-!!

行呀行，行呀行，終於找到了在新麗華酒店附近的瑪嘉烈蛋撻店!!
原來之前我係來過的!!
不過食落佢個 7.0 MOP 葡撻同珠海賣緊嘅 2.5 RMB 一個就真係無乜分別!!
仲有就係佢地d態度比人話極都係咁差，
e+比錢你賺仲黑口黑面咁對人，下次再去都要諗諗先!!

本來仲有其他食店想去的，不過唔係 closed 左就係時間唔啱，
只好有緣下次再食吧!!

本來下一個行程是到賽狗場的，不過實左太攰了，所以只好取消了!!
之後想話搭免費車返關閘啦，
點知去到葡京同新葡京，竟然話要落場賭過先可以憑卷上車!!
再去鄰近的英皇娛樂賭場，情況又係咁樣!! 香港d老板真係小家子!!
無法啦，唯有比錢自己搭巴士去關閘!!

又係一個鐘頭的混亂時間，終於出左拱北!!
在地下街的濠澕食過晚飯後，就乘車回酒店休息!!
在酒店門口，見到有多年沒吃過的黑庶賣(2.5 RMB 一大碌)，
就買左返去咬過痛快!!

復活節行行企企食飯幾味 - Day1

早上10點半左右去到信德，食過一個 bunch 之後，
在商場 hea 左一陣，之後就坐船過澳門開始 3 day "排隊"之旅!!

下午一點九左右順利到達澳門，出了海關已差不多兩點，
之後再乘免費車去了金沙， 拉過佢個免費一佰萬元老虎機，
行左一陣同飲左佢杯熱維他奶之後，
(本來想找佢個 dinner buffet 食，不過計落成300元一個人，唔係好化算，所以唯有作罷!!)
就再乘佢架免費車去了關閘口岸!!

在關閘附近的地方找了一陣，
終於找到了朋友介紹的"武二廣潮福粉麵食館"
不過沒有幫襯，留返明天食用!! :)

之後排隊過拱北，澳門方面人流多手腳又慢，
結果用左半個鐘有多先出到澳門關，而珠海方面不用10分鐘已入了境!!
(最衰就係我張回鄉咭過e-道時出左問題，如果唔係應該會仲快!!)

到左珠海第一件事就係再找過一間近少少的酒店，
但係因為假期關係，d酒店全部都加晒價!!
在不甘被屈的情況下，唯有去返原本 book 左那間!!
(的士去大約35RMB，唔算太貴，不過就係浪費左d時間!)

到了酒店門口，見到同原本 book 左那間酒店的名稱有少少出入，
如家快捷酒店(珠海香洲店(七斗星)) -->> 如家 - 七斗星商旅酒店，
心想: "商旅酒店"? 唔通升左級?
繼續 check-in 同做埋會員，仲即場有八折優惠添!!
一切都順利進行著，但當進入房間的一剎那間，嚇人的事發生了!!
點解......點解.......咁似一間"炮房"的呢?! @_@'
簡單d講，就係一間房，2張床，一個電視機，同一個"浴室"，that"s all !!
仲要個浴室係......全玻璃的開放式設計!! wow.........
都唔理得咁多喇，出去醫肚緊要d先，到今晚先算啦!!




跟住就出去找到了巴士，用左一個小時左右去到拱北!!
在拱北關口的地下街找野食(齒留香)，
然後再一次用半個鐘時間排隊過澳門關，
再一次踏足金沙，再一次"遊蕩"，
再一次用半個鐘時間排隊過澳門關返珠海，
然後再在晚飯時同一間的店舖食過甜品，
再用大約一個小時左右回到酒店!!

到達酒店時已經是12點左右，
簡直就係累死了，邊有心情理會個玻璃浴室丫!
沖完個涼，研究埋明天個行程都已經是兩點有多了!!

復活節個假期 plan 好了

今日大佬，圈圈，不正二世，細s都不在，果真寧靜！
下午連 spm 都出埋去，間直就係 perfect!! \(^O^)/
好好利用這一刻的寧靜，plan 好左復活節個假期！！

晚上又係半價壽司 -- 夏雪，
不過尼間野就真係唔係好掂！
d海膽有陣味，極唔新鮮！
連我e個唔識食嘅人都覺得唔掂，可想而之！！

玩野......

上星期太忙，未能親自收貨，而且都完全忘記了！！
點知今日打開 lwl 個櫃，大佬竟然將所有 dvd 收晒入d櫃度！
有無搞錯啊，d dvd 係我話要買架！
其他 consumable 係搭單洗錢先一齊買咁解，
自己一d野都無做過就想分享成果，無咁著數！！

我一句都無問過佢，搬晒d dvd 過晒我間房度，
之後佢帶住圈圈走入我間房度，問d dvd 做乜搬晒過來，
仲話 section 其他同事都好需要d碟，要留返d 在櫃內！
佢d說話一d都無說服力，邊有人需要dvd 去 dup 野多個佢丫！！
我一於唔理佢，繼續將d dvd放晒入我間房度，
再點一點數， e.......條數唔啱喎，有野玩喇！

我走過去大大聲問他姐d碟點解全部都唔夠數，係咪送貨送唔齊，
大佬期間一句聲都無出過，比著平時，佢一定沖出來問個究竟！！
我估圈圈都知發生左乜事，當時成個鵪鶉咁，聲都唔聲下，
事後佢閃閃宿宿咁走入我間房度同我講：「大佬佢都係緊張d碟姐！」
我話：「我知，我知，我都係關心 section d野姐！！」

放工時，大佬若無其事咁繼續過來 print 佢自己 d 野，
仲話明天帶隊上北京，要帶好多 notes 比 d 隊員！
我理得你帶乜丫，你e+就係用緊公家野做自己野，
仲話自己係校董，ed 學校好極有限！！ >_<"

返單......

d單終於返晒尼，咁都安心d！

大佬又公然用公家野 dup 自己d 私人嘅 dvd！
死 cheap 佬！ >_<"

飲個茶食個包

早上去左大圍的工聯會報 course，
不過鬼死咁多人，
唔理咁多去左上水飲個茶食個包先！
食完出返大圍，點知 d course 已經 full 晒，shxt!!

本來想話入沙田馬場睇打呲大賽，
不過最後都係無去到，
踏單車? 又唔夠時間，都係下次先啦！

好耐都未試過......

好耐都未試過嘅 K dinner，
好耐都未開過嘅歌喉，
好耐都散唔去嘅陰魂，
好耐都散唔去嘅燶味！

趕單......

他姐同圈圈出左去 wetland，
今日食腳竟然又是 spm！
一行4人去左美味天皇度食，
埋單唔夠錢比?? 原來一場誤會！

趕單，趕單，全日在趕單......

生日飯part3

中午同 spm 出左 seminar，無聊左半日，gd！

晚上去左一壽司度食，又係半價十點時段！
晚嘛嘛，但係都唔知點解仲係鬼死咁多人食！
海膽雞軟骨......第一次食海膽嘅product，感覺良好，lucky!!

轉工潮

好日都唔會行出謝菲道食飯，
今日大家心血來潮走左去麵包樹度食晏！
竟然比我地撞到 k 小姐，
第3日工，可是已經係 last day，勁！！

波士嘅"愚人節"比人提早左在今天"慶祝"！
上午仲好地地講緊睇下幾時 call 人去飲返晚，
下午竟然話張"乾席"有問題，要再等通知！ @_@"
玩咩呀?!

期望個個都找到一份自己喜歡嘅好工!!

極樂淨土?!

個blog同website又多左個新客仔，多謝參觀!! ^_^
(裡面有好多垃圾，有時間就自己尋下寶啦!)

"聖鬥士星矢"終於出到"冥王哈迪斯極樂淨土篇" ！
仲有4集就收佢皮，唔知仲會唔會出神界篇呢?

再一次聽到話不正二世唔想do了！ 快啦快啦......

今日好似比人傳左d病菌過來，
放工時竟然頭暈想嘔，
所以在自己個位hea左一陣，
突然聽見個printer自己print野， (仲要出成幾十張紙)
就知大佬馬上會入來，
果然不出所料，半分鐘後佢就出現左，
唉，自出自入，無掩雞籠......


......6.13

我的最愛

回家坐車時見到一套新戲介紹： "我的最愛"
當中提及"現代愛情5大不可相信" ：
1. 不可相信你的好朋友
2. 不可相信你的男朋友
3. 不可相信你的女朋友
4. 不可相信任何承諾
5. 最後...，連自己也不可相信

這個是什麼世界，這世界已瘋顛了!!
但這個又好像是不爭的事實!! @_@"


這世界已瘋顛

唱：譚詠麟　曲：泰迪羅賓
詞：梁望峰　編：盧東尼

孤身　軀殼似沒靈魂
傷心　悲痛亦要前行
誰願意　醉倒了夜深後
這激情　在控訴　所有恨
一生　只想結伴同行
沒有死心　忍耐恕我未能
從未放棄　不要做命運僕人
我豈能　扮作不著緊
啊.....啊.....啊.....

我要　舉世震憾
陷阱　截我前行
煞制　風雨卻偏迫近
慣了　一個獨行
舊事　沒法過問
放棄　不去再想原因
　
到處沒有真心
滿佈暗算機心
這世界已瘋癲....瘋癲
　
你對我似瘋癲
你我鬥瘋癲
這世界最瘋癲
心酸　心酸　瘋癲
啊.......

太風流?!

為左追返個blog嘅進度，放棄左去禮賓府嘅開放日！

晚上再去泰豊廔出席生日飯part2！
叫化雞，芝麻蝦，醋溜桂魚，青炒豆苗，窩塌豆腐，(一個唔知叫乜名嘅)湯，
仲有甜品蘋果拔絲，同免費嘅高力豆沙！
食得飽飽，不過其實味道一般，沒有那種一試要再嘗嘅感覺！
遺憾嘅就係食京菜竟然無食到北京填鴨，總係覺得有d缺失！

叫化雞(未出土)
叫化雞(出土後)
芝麻蝦
醋溜桂魚
蘋果拔絲
高力豆沙

三八婦女節

"一早"起身，走左去樂富攞居屋資料！ (我係無份申請的)
食完個晏之後，hea 住咁過中環搭纜車上山頂！
(估唔到山頂真係好多遊客去，搭纜車都要排長龍！ @_@")
上左去之後，在凌霄閣hea左一陣，再行左山頂盧吉道一個圈。
終於hea到7點，走左去Bubba Gump食晚飯，
其實間野食物一般，
只係鍾意佢個景同佢地嘅特色 "run forrest run" 服務！ :D
咁當然唔少得佢地嘅唱生日歌服務，同杯免費生日雪糕新地啦！ :P

期間，再為一些小事而引起爭論，
就連"請食飯"都係研究課題之一!!
但係我始終覺得這個只是小問題，點都唔及另一問題嚴重!!

人家送禮物給你，不用管它的價值如何，它的背後含意如何，
你就一定要收下的嗎?
"人家是自願的，推卻了就唔好意思啦！"
好，如果我接受這種想法的話，就引申出另一問題!!
如果一個女子自動獻身 (不管背後含意如何)，
我是否就可以接受呢......?
唔該用大腦諗諗，比個清楚答案過我!!

時下年青人嘅價值觀真令人擔心!! 我真係好驚.....
還是我已經老了，變得不合時而呢!!

預謀?!

spm又話唔要條魚仔喎，
佢話分開左佢地好似好慘咁！
咁好啦，我就即管養住先，
睇下佢地可以"玩"幾耐！ :P

聽說不正二世都做到"累"了，
好似話唔想do了！

放工本來已經預左要落銅鑼灣買d野，
不過紙鳶打電話來話在附近出沒，
咁就無啦啦加插左行腦場買sd card 同食晚飯2個節目了！ :D

螢光斑馬

spm無厘頭話要買魚仔養 (一人一條)，
結果一齊食完飯之後走左去買左兩條螢光斑馬，
暫時放左落去我種水草的玻璃樽度！

得罪人多?!

經過星期一的"狗賊亂吠事件"之後，
今日我果真唔洗出去workshop，正!! :P

又一次打搞晒，但每次都要加料，
令我覺得非常唔好意思！

唔知做乜又得罪左人!! -_-！

KB飯局

KB 回歸，榮興一聚；生活愉快，令人羡慕！

小動作

出在九育搞workshop，
竟然比人詐形，話我成日唔響位做野！
仲要同史提芬投訴，話如果係咁落去，遲早個位會比人cut埋!!
條友係都鍾意搞小動作，
有種就大家坐埋一齊三口六面講清楚佢！
陰陰濕濕，次次都係人地背後先放屁!!
唔出仲好，你估我好想早架?! >_<

Hea沙田

全日在沙田新城市廣場附近hea，
連未去過的史諾比開心世界都去埋，
最後仲要玩埋洗錢如倒水的美國"金幣"樂園，
同睇左"賤郎300"，
值唔值得睇就真係見仁見智......

Song姑牛一

• 海洋公園活動無我份 :D
• 米記 last day，不過我無去，見唔到疑似"王X誌" :P
• 祝 Song姑 生日快樂，心想事成！