復活節行行企企食飯幾味 - Day3

攰攰攰，唔願起身，離開酒店 check-out 時已經差不多11點了，
原本要去氹仔嘅行程已經打定輸數!!
去到拱北萬佳百貨附近嘅快餐店食過午餐後，
再到地下街 hea 在陣，
就又排左成個鐘去過澳門個關閘，
個個排到媽媽聲，都唔知澳門海關點做野!! >_<"

之後又搭免費車去左金沙一次，
放低幾百 ml 嘅水之後，又再搭佢架免費車去碼頭!! :P
(全個行程一次都未賭過，幾忍得手啊，哈哈哈......)
5點35分順利乘船回香港!! 全日大部份時間都在車船關口中度過!!
(兩程都見唔到song姑，真係緣慳一面，哈哈哈......)

晚上去左屋企附近的馬拉媽媽食飯，
試左佢地出名嘅喇沙同肉骨茶，(當時唔知!)
算係唔錯，不過肉骨茶未算太入味!!