4月回想 (中)

11/4
今日打完羽毛球之後去左旺角,
事關想買兩條"清道夫"放在公司的"魚缸"裡!
結果$10買了兩條金青台, 希望佢地會勤勤力力啦!
之後去左附近的文華冰廳開餐, $51






12/4
禽日打完羽毛球之後, 成個人好似散晒咁,
今日全日周身骨痛, 結果晚飯都唔食, 七點幾鐘閃左上"綠色家園"!
終於試左佢個免費自助宵夜,
免費野............係咁上下架啦............睇開d啦............
hea 足一晚, 連 tips 都只係每人 $210, 算係咁啦!!


13/4
早上十點幾, 由深圳直達上水,
為嘅就係去金都海鮮酒家搵位飲茶......@_@

我o係香港飲咁耐茶都未試過要去霸位的,
今次仲要一次過霸2張大枱添......O_o'

飲完茶, 行左一陣, 又去左食生日蛋糕!!
之後, 夜晚又去左TST間潮樓食潮州野!!
全日好似乜都無做過咁, 就係係咁食, 食, 食......

本來今日係約好左人去學整蛋糕的,
點知我嘅多口一句, 再加上其他野嘅撞期,
真係好對唔住啊, 安祈!! (≧∀≦)


14/4
今晚有飛睇容祖兒演唱會 part2,
所以一放工就搭車走左去 PolyU 個 Canteen 度食個 early dinner!
(仲諗住可能會撞到泰王添! 可惜係撞唔到的!)

成個演唱會嘅氣氛都好熱烈,
(雖然我有部分歌係未聽過的...... -_-')
總算不過不失, 比我預期中好,
最後可能因為係最後2場嘅關係,
佢 encore 部分都唱得好落力,
交足功課!! ^_^


15/4
我家的狗狗, 似唔似隻兔兔呢? ^_^





16/4
打完波去左附近食"元氣",
未能盡興, 結果又再去7仔食左個咖喱魚蛋!


18/4
今日要走兩個場, 先去九育再去南昌!
早上十點半, 乘坐小貨車去大窩口附近的小學接spm一齊去九育,
期間碰到奧運聖火預習隊嘅龍尾, 塞了一陣車,
好彩spm都唔洗等好耐!!
在九育放低物資後, 就走左去又一城的八月花,
食左個富貴午餐!





跟住就開始去九育 set 場同做阿四!

到左四點, 又坐左蘭西架車去南昌嘅聖瑪加利男女英文中小學度,
set up 明日嘅 function, 搞到成六點先可以走人!!

夜晚打完波去左cwb間翡翠拉麵小籠包度食!
叫左個酸辣湯麵, 竟然係無酸辣湯嘅?! 有無搞錯!! >_<'
無就唔好比客人嘛, 你當我係水魚呀!!
之後, 重新煮過一個新嘅出來,
係就係要等耐d, 不過新鮮熱辣辣嘅酸辣湯麵真係好好食,
咁今次就算數啦!! :P


19/4
三號風球, 仍然要去南昌搞seminar,
橫風橫雨, 邊度都去唔到,
只好在富昌村某茶餐廳食個午餐,
再去奧海城遊蕩一會, 就冒雨回家了!


20/4
最近成日去飲茶, 唔知點解呢? :P
5個人在嘉豪酒家食brunch 都只係 $160, 勁抵!!

下午本來想找去台北的資料,
點知有人搞事, 係都要玩打牌,
就係咁樣, 就賠了夫人又折兵, 勁無奈!!