除夕工展會 + 邊邊爐

除夕下午去了一轉工展會，裡面真係人山人海，
個個真係好似發左達咁，大包細包！ @_@
行左一陣，等我都學人買下野滿足下自己先！ :P

返到屋企見到紅十字會的信件，
e.........咁快? 唔通唔pass比人打回頭?
好驚好驚，其實唔可以捐血係好普通嘅事，
唔通我都係其中的"幸運兒"?
點都好，拆開睇完先算！
一打開，好大隻字寫住"歡迎".......
心情立即輕鬆晒！ \(^o^)/
再睇下自己係乜血型先，
哦，原來係 B+，真係普通過普通！

夜晚被邀請到朋友家打邊爐及倒數，
邊食邊玩，玩完又繼續食......
5小時快樂時光好快就過去了，
換來一肚子食物同埋口乾牙骹痛！
仲有一個大錢罌！ $_$
興盡而歸，回到家已是3點了！
累 ......！

假使有日能忘記

假使有日能忘記

唱︰蘇永康　曲︰黃尚偉　詞︰梁芷珊

＊為甚麼不可以　忘掉記憶中許多
　埋藏內心中傷感事宜
　為甚麼不可以　重新將心清洗一次
　如重頭活過一切再開始
　永遠心中背負著往時
　何以我說易行難太不智

＃舊記憶　講不出有多重
　時刻隱隱作痛　常無意中觸碰
　舊記憶　全沒法解釋心理
　假使有日為了妳　假使有日能忘記
　因妳

Repeat　＊,＃

　抱歉心中所載已很多　放不低的真太多
　抱歉未知妳路過　假使真有日能忘記
　從前的

Repeat　＃

泰禮

約了 ben 等人食晚飯，
順便將泰國回來的手信送埋出去！ :P


好好戀愛

唱︰方力申　曲︰HORAN CHAN
詞︰方杰　　編︰GARY CHAN

　共你相識三千天　我沒名無姓
　慶幸也與你逛過　那一段旅程
　曾是日夜期待你　施捨一點同情
　這算是固執　做夢或太熱情

＊在世上　沒有多少東西會盡如人意
　多數像諷刺　逐年成長　必經苦戀故事
　我愛你　你扮作不知

＃完了吧　如無意外
　重今開始　該好好戀愛
　放下從前一段感情　才能追求將來
　你就似沒存在

％完了吧　仍能撐起來
　前進便讓自尊心放開
　告別從前總是不易
　然而假如只得我在
　這不是場定成敗的比賽
　(也不願盲目留在這愛海)

　舊訊息應該刪走　再沒留憑證
　我共你去到最遠　也只是友情
　如現實是場玩笑　一早清楚內情
　過去是勇敢　或是未肯適應

Repeat　＊,＃,％

　我與你　就算始終不能相愛
　這一種情份　可一也都可再
　我用心戀愛　下段道路定更精彩

　完了吧　如無意外
　曾失戀的都必須戀愛
　放下從前一段感情　才能追求將來
　你就似沒存在

　完了吧　仍能撐起來
　前進便讓自尊心放開
　告別從前總是不易
　然而怎能只得我在
　愛不是場定成敗的比賽

愛得太遲?!

我也覺　我體質　彷似下降
看了症得到是　別要太忙
而影碟　都掃光　但從來未看　因有事趕...........

Boxing Day

下午去左香港冬季購物節，
真係完全無野好買，人又多，行左一陣，走都走唔切！
之後又走左去冬日美食嘉年華，人仲多，真係救命！
好彩全部都唔洗錢姐！ :P

天氣的突變真係好難捉摸！

聖誕日

瞓晏 d 出左尖沙咀食晚飯，
嘩，真係人多到爆！
四圍都係等食野的人龍！
最後去到金水食野，
估唔到一去到就有位，
真係 lucky！ :D

珠澳自由行 - Day 3

酒店食完簡單早餐後，乘車去拱北過澳門！
一出澳門境就再乘免費車去威尼斯人度假村！ :D

度假村外面裝修都算唔錯，幾特別，
但係原來成個"威尼斯人"都係一個室內大商場，有點失望！
行在一圈之後，發現同一樣野會比出面貴一倍或更多，
麥記餐都要成40幾蚊一個，真係富貴！
最後選擇去 food court 的 TE 食野！

之後就走左去比人"殺"，"重傷"之後走返出來！
然後返左碼頭旁的新八佰伴買手信再回港！

晚上回家再做多一次節，
真係人多、食物多、口水多 ！ @_@"


(P.S.: 相片上載已完成)

珠澳自由行 - Day 2

本來諗住早 d 起身去一轉珠海度假村玩下，
點知教錯鐘唔知醒，失敗！
索性放棄個早晨瞓晏 d，
之後自己乘車去橫琴蠔生態園。
由於係第二次去，而且之前已查清楚路線，
所以一直去到橫琴巴士總站都唔成問題。
落左車就做左個好大的錯誤決定，
以為車站同生態園好近，
結果選擇行入去，(最後行左成個鐘先入到去)
入到去成4點，又累又餓！

坐底叫左芝士蠔，鐵板蠔，同蠔豉臘味煲仔飯，食到飽飽！ :D

之後返左酒店做古法按摩，
什麼宮廷式香薰按摩，十八羅漢按摩，
完全唔到位，好彩無太大期望佢姐！

珠澳自由行 - Day 1

珠澳自由行終於成行，唔知醒，趕到"爬"街！ X_X
好彩 8:10 到左尖沙咀中港城， 順利於 8:30 開船出發！

到達九洲港後，在船站等免費車去酒店，
等左好鬼耐先出發去到君悅來酒店(Greenery Hotel)，
順利 check-in 完就出左去附近的珠海漁女行左陣，
行到累就乘車出左去拱北的地下廣場食野同行街！

由於唔識路同時間就唔到，
好多原本 plan 左會到的地方就放棄了，
不過都無所謂啦， relax 一下姐！

提早做節

因為明天要出發去旅行，
所以要提早做節，
對各位做成的不便，深表歉意！ :P

聖誕禮物2

繼續行街買"聖誕禮物"喎，
一早就知"事有QK"啦！ :P

聖誕禮物

無啦啦比人捉左去開 tender， fxxk！ >_<

聖誕禮物買乜好呢？

請與被請2

今日到不正返來食飯，
過左對面的篁食午餐，
又細又唔抵食，
好彩唔洗我比錢，
要錢我就唔會再去第二次！

請與被請

舊同事 lucia 回來食飯，
仲要佢請返轉頭，真係唔好意思！ :P

大出血

無聊途經荃灣紅十字會，
半拉半就被人推左去捐血！
(其實之前都有想過捐架啦，不過......但係......或者......)
今日狀態大勇，最適合不過！ :D
(捐就捐左喇，不過唔知啱唔啱洗！)

入到去首先要填一份好長好長的表格，
跟住要見一見護士長，然後再吉一針，
再瞓到櫈上等候量血壓！
一切無問題就開始o黎料喇！
(痛...痛...痛..... >_<，e 原來吉左嗱，又唔係好覺痛喎)

第一次捐就450cc，真係攞命！ x_x
(努力 bump 呀，努力 bump 呀......)

完成之後就走到旁邊的 sofa 坐陣，
食下D好好味嘅餅乾，
仲有一位義工婆婆為捐血者送上飲料，
so good!! ^_^

聽護士長講，最近 A、O型血存量不足，
希望見到呼籲的朋友仔去幫幫手啦！ \(^_^)/

大限將至？

發夢去左樂山大佛！ @_@"
最近成日發d古怪嘅夢，
唔通大限將至？

今日帶新人去workshop，
本來都無乜特別野，
最特別就係完全教唔到佢個流程，
因為一開始就繼續拆釘，
之後佢又比人指左去影印，
邊有時間學野丫！ >_<"

感嘆男女

感嘆男人 :
有才華的長的醜，長的帥的掙錢少，
掙錢多的不顧家，顧家的沒出息，
有出息的不浪漫，會浪漫的靠不住，
靠的住的又窩囊。

感嘆女人 :
漂亮的不下廚房，下廚房的不溫柔，
溫柔的沒主見，有主見的沒女人味，
有女人味的亂花錢，不亂花錢的不時尚，
時尚的不放心，放心的沒法看。


=================================================


老婆是電視，情人是手機，
在家看電視，出門帶手機，
破產賣電視，發財換手機，
偶爾看電視，整天玩手機，
電視終身不收費，手機欠費就停機。

做女人一定要經得起謊言，受得起敷衍，
忍得住欺騙，忘得了諾言，
寧願相信世上有鬼，也不能相信男人那張嘴 ……

黑社會英文

今日在facebook見到以下的英文，真係汗都o黎埋！ @_@"
=================================================

I know your mouse.
我識你老鼠 ！

You call me how to come out and walk in the future?
你叫我以後點出o黎行？

I give you some colour to see.
我俾D顏色你睇！

If you have enough ginger,put your horse to me.
如果你夠薑的話就放馬過o黎！

Monster of blowing water.
吹水怪。

Blow chicken
吹雞

I blow chicken to beat your group of the guys.
我吹雞打你班友 。

Face green green
臉青青 。

You see road carefully
你小心睇路 。

Are you road?
你係唔係路呀?

How senior are you?
你算老幾?

What the water are you?
你係乜水?

Do you big me?
你大我呀?

Zebra chops people
班馬劈友 。

Do the world
做世界 。

Big tea rice
大茶飯 。

What the ghost are you talk?
你講乜鬼?

Cut my head and let you sit on it as a chair.
批我個頭俾你當凳坐！

I give you only a hair.
我俾條毛你！

Do you think me didn't arrive?
你當我無到?

Wear grass
著草

I am wearing grass.
我著緊草。

I fear that you have teeth.
我驚你有牙！

You have not enough class to talk mathematics with me!
你未夠班同我講數！

What the spring do you do?
你做乜春?

Measure water/Pound water.
磅水

A dragon service.
一條龍服務

Hold hold water.
楂楂水

聖誕Party

今日CDI聖誕party，完全無聖誕氣氛，
例行工事，做影相佬！ >_<"
雖然D獎品一D都唔吸引，
不過比大佬標到個尾會，
(只係同佢差一個號碼，真唔抵)
(比佢算個都無草生)
真係天無眼！

workshop d 野一早就搞掂晒，
點知最後先至話有野搞錯左又要印過，
仲要拆釘再釘過，
真係死得！ @_@"

銀行日

今日有seminar，
不過一於好少理，照放假！
下午出左恆生搞野，
排左3個字，搞左半個鐘，抵!! XD

折床日again

放假在家梗係有事要做！
上次整床已經係11個月前的事了，
這麼快就11個月......

珠澳自由行

3日2夜珠海澳門自由行終於拍扳，
期待中！ ^_^

神探

神探 = 神經探長 @_@"

一開始插豬、切耳仔、碌樓梯，
仲有自挖墳墓，
連食七八餐魚翅撈飯食到嘔，
都幾"嚇"人！
不過當佢講到見到人心中有的鬼時候，
我又覺得佢好正常喎，
只係將一D無形的事物形象化左出來！

試問在都市生活的人邊個沒有幾張嘴臉呢？！

苦力

spm之前做左一批碟突然間送左尼，
成43箱咁多， (做咁多把鬼!!)
square突然間變左做貨倉，
而我、波士同新人就做左苦力！

又食餅

KT last day，
無時間同佢食飯同講野，
只係食左佢件餅！
至於新人仲未有時間教佢野！

Short Short 地

今日出 workshop 時，
細s 想話叫我下星期二唔好放假去幫佢手，
之前講好左唔洗我架嘛，
佢都 short short 地，一於好少理！

今日應該有新人到，不過無緣見到！

忙到癲

禽日唔做野，
今日自食惡果，
忙到癲！ x_x

返到屋企收到張新車牌，
咁就十年啦，
感覺仲係好似新牌仔！ :P

婚禮後遺症

禽晚食個餐超多味精，
搞到無覺好瞓！ O_O

下午仲要走火警，
完全無心機做野！

邪‧奇

發夢見到我阿爺，
夢中只得我同阿媽見到佢，
真係好邪！ @_@"

海婚禮@黃大仙，得5條友去，
其他諗住會到的都一一沒有出席，
真係奇怪！

新食店

今個星期第三日過九龍塘開workshop，仲要早食飯，
好彩落 oasis 食野時見到 LS組同事CK & 靚女，
仲一齊食飯，真真 lucky！ ^_^

開完workshop之後又去左深水埗，
想話找個太陽能叉電機開開眼界，
點知都係找唔到！
最後去左新高登對面新開的日本店"神田"食野，
食物新鮮程度拍得住禾花亭，
價錢仲平過元氣，十分抵食！ ✓✓✓

免費午餐

今日失驚無神有個免費午餐 -- 烏冬，
真真 lucky！ ^_^

原來記錯左太子間元氣嘅位置，
唔怪之得最近幾次都找佢唔到啦！

解‧難

k小姐今日 last day，祝佢事事如意！

尼個星期第二日出workshop，
點知返來時比班社工塞住左個門口，
搞到要走後門！ @_@"





想話聖誕去下旅行，
但係又唔知邊度好去，而且又好貴！
點算好呢?!

懊說 OTZ

5句話說了愛情就玩完
(Ref: http://ladies.sina.com.hk/cgi-bin/nw/show.cgi/189/4/1/170656/1.html)

哪些話，會讓熱戀中的女人聽起來很刺耳，足以把她們從浪漫的迷夢中敲醒，寧願放棄身邊這個原以為可以依賴終身的男人呢？我匯集了“足以快速澆熄熱戀愛火的五句話”，如果你不想讓火熱的戀情突然從雲端跌落谷底，建議你盡量不要使用它。

第一句：“你想太多！”
思考縝密，本來就是女人的強項，男人要多主動去了解女人究竟在擔心什麼，幫助她排憂解惑，應該表示愧疚地問：“我一定有哪裡做得不好，才會令你如此煩惱！”而不是對她說：“你想太多！”

第二句：“我和她，只是朋友！”
當熱戀中的女人開始懷疑男人和異性的關係時，男人應該立刻說：“如果你這麼擔心，我不會再跟她有任何接觸了！”而不是對她說：“我和她，只是朋友！”

第三句：“那你想怎麼樣呢？”
碰到任何需要決策或解決方案的時候，男人應該耐住性子，多提出不同的選項。即使，明知她在鬧情緒，正是很“鬧”的時候，更要安撫她說：“慢慢來，問題總會解決的！”而不是把問題丟給女人獨自面對，雙手一攤說：“那你想怎麼樣呢？”

第四句：“你該對自己好一點。”
這原本是一句好話，但聽在熱戀的女人耳裡，卻很容易曲解成她對愛情的付出太多，男人因此而感覺到壓力，等同於男人在責備她：“管好你自己的事吧！”男人應該說的是：“你的付出，讓我好心疼！”而不是說：“你該對自己好一點。”

第五句：“多給我一些空間吧！”
喔！這句話，對熱戀的女人而言，無異於男人已經在提分手。大多數的女人都喜歡跟心愛的男人黏在一起，而不是由男人來爭取空間，還說：“多給我一些空間吧！”

若想維持、甚至延長熱戀期，讓女人愛你死心塌地，以上這五句話，男人最好三緘其口，不要隨意說出來啊！

人多‧手腳亂

今個星期要過三日九育開workshop，
但係我第一日就玩遲到！ :P

今次圈圈都有去，我仲帶左佢去遊街，
希望佢會記得邊度打邊度啦！ >_<"

細s就無帶cd碟比老師，搞到唔夠派，勁樣衰！

Lunch終於返返灣仔食，仲要食左我未試過嘅金源！

放工前 sunny 上來做功課，阻住我放工，該死！ >_<"

又排毒

今次到我妹部機中招(ed) ── Backdoor.Win32.IRCBot.aaq，
原來中左都成幾個月，不過 Norton 好似做左D野，
但係又做唔晒，搞到有D野留左响 system裡面，
幾經辛苦，掃左成日，終於清左佢，
又係o個句，希望可以頂多一陣啦！


無邊的思憶

唱︰譚詠麟　曲︰網倉一也
詞︰盧永強　編︰入江純

情鎖中哀哀的掙扎一漢子
無邊的思憶不竭止

＊人像流浪漢瑟縮於榕樹
　像街邊花貓不知道地址
　呆坐長路裡不知因何事
　令今天苦惱　只知不應當初愛面子

＃讓妳天天打招呼親身相邀相邀無限次
　都冷落妳　都也扮作不知
　令妳火般的痴心沖洗冰水冰水無限次
　跟我別了　教我察覺我實在幼稚

＋閃光燈中當話別時
　多麼想趕走飛機把妳留住
　話到口偏偏找不出　偏偏講不出
　我愛妳這易讀句子

％今天孤單失落盡時
　於風中高聲高聲呼妳名字
　在雨中苦苦的追思　漆黑中痴痴
　我愛妳已是沒意義

　紅色的深深一雙眼添血絲
　無邊的思憶不竭止

重唱　＊,＃,＋,％

　情鎖中哀哀的掙扎一漢子
　無邊的思憶不竭止
　紅色的深深一雙眼添血絲
　無邊的思憶不竭止

愛的逃兵

愛的逃兵

唱︰譚詠麟　曲︰譚詠麟
詞︰潘源良　編︰盧東尼

＊鍵琴又再響　聲音多漂亮
　然而總遮不到我心傷
　誰想不說一聲逃出情場
　偏偏不懂怎麼講

＃未能讓妳將一生的寄望
　全投進這段情　編織幻象
　如沒法接受平凡的我
　來日雙方必更受傷

＋何必一再說慌　來幫美夢化粧
　沉醉但醉醒更長
　從此天各一方　如果對象理想
　願妳再不必記起
　藏身於遠方　這痴心漢

重唱　＊,＃,＋,＋

雙魚座

下星期一又要出 workshop，
但係下午3點幾乜都仲未準備，利害！

晚上去左收囍帖，又唔見幾舊！ >_<"

想起song姑之前講過，
雙魚座其實是內心複雜而矛盾的人，想像力豐富，
更愛不切實際地胡思亂想，多愁善感.......
要了解雙魚座的人可以說比登天還難，
因為他們同時具有其他十一個星座的特性，
再加上他們不太願意讓別人知道自己的想法，
經常會用一些相反的方式得到自己想要的東西或是表達內心的想法。
Oh My God!! ╮(￣▽￣")╭

失敗

今早個 workshop 唔記得帶(小學)點名紙，
係都要差D野，失敗！ >_<"

中午跟左去食政治飯，
大佬講到天花龍鳳，
盡顯馬屁精特質......

大鄉里出城

明天 seminar D 野自己一個人搞掂晒，勁!!! X_X
要搞到放工先可以運野去九龍塘官小！
之後乘機去深水埗行一轉。
跟住由深水埗行去金鳳，
點知行到太子都找不到金鳳，奇怪！ @_@"
(唔通新裝修完無人去食??)

今日先知道火車個 TV system 原來係用 XP 的，
真係大鄉里！ :P

年齡問題

中午約左羅斯同鄒氏食飯，
順便比d(過期)泰國手信同相佢地睇！ :P
傾左好多野，講到年齡問題，
唔通我地真係要就住年歲去做某d野?!

排毒

原來仲有人用緊 WinME！ @_@"

今日去左人地度清毒，發現部機裡面有好多毒，
不過並沒有發作，可能係因為 WinME 的關係！ :P
之後人手清左數個 file，
再 download 左隻免費 antivirus - avast 4 頂住下先，
又再發現數個毒檔！
希望清完部機可以捱多陣啦！

之後返上環梨花苑同我媽食生日飯，豪一豪佢！
(原來梨花苑同梨花園係兩間唔同架!!!!! @_@")
埋單時唔記得問佢地邊張 card 有折，
結果，就比佢收左我地加一服務費，真係唔抵！ >_<

觀塘一日遊

早上陪人去觀塘攞身份証，
結果搞到成一點幾！ -_-!
中午觀塘食日本野，
平就幾平喇，不過D魚生唔夠新鮮！
之後去左APM間星巴克坐左成3個幾鐘，
仲飲左佢一杯野咁大把！ :P
跟住仲食左APM個 food court，同行左一陣。
全日間直 hea 到爆，好彩有部 pda！ :P

特訪日

今日中午泰王過左尼食晏 (譚魚頭)，
而下午又有2個 fans 過來玩特襲，
真係驚喜萬分！

鬆一鬆

今日除左SPM之外，共他人全部出左街，
終於可以有時間鬆一鬆，同清一清手頭上的 jobs！

美心「沙煲沙煲」都幾得意，
可以一試，不過就有點貴！

OLE & SLP workshop 1(AA)

新不正第一次(在這位)搞這類 workshop，
大大親自壓場，仲有PEO的到訪......，
總之全日都氣氛緊張 (只限課室內) :P

SPM有意走頭，但未下定決心，
新不正中大有offer，前路未明......

幫手!?

今日全日都在準備明天 slp/ole D物資，
完全都係我準備晒，佢地無人幫得到手，
真懷念以前細 r 在的日子！ >_<"

頂，仲要趕頭趕命，又話3點半出發，
大家都未搞掂，結果成4點先出發，
又剛巧的士交更，死多兩錢！
好彩波士肯出手相助，如果唔係都幾尼hea！

病魔

好彩放左幾日假避開左病魔！

話說上星期四 k小姐病左 (一連4日)，
星期五波士同細s都中招 (不過唔死得)，
今日就係新不正同 kt 病左無返，
但係最唔想見o個2個又竟然無事喎！ (>＿<)
睇尼呢組真係有魔鬼纏身！

今晚見到 song 姑上網，知佢玩完2星期 camp，
竟然唔死得出返來，睇尼佢真係 fit 左！ ^_^

Sony總裁承認獨立推出Blu-Ray是錯誤的選擇

Sony總裁承認獨立推出Blu-Ray是錯誤的選擇
(Ref: http://game.sina.com.hk/cgi-bin/nw.cgi?action=view;d=2007-11-12;id=9186)

在紐約市的聚會，Sony總裁Sir Howard Stringer當著媒體前說： 這是一場困難的戰爭。 我們試著以規格的優越性來打這場賭注，直到Paramount電影社投靠另一頭。

然後他追加，這場戰是無意義的，只是雙方為自己的名譽而戰。 他認為在他上任Sony總裁職位之前，雙方是能夠化解這爭議，並且共同推出一個統一的規格。 如果能夠回到過去的話，他會這麼做的。

Sony總裁之所以會出來公開坦承的說出這種話， 主要是因為HD-DVD取得了重大突破：全美最大Wal-Mart超市以$99 (NT$3168)賣Toshiba HD-A2 HD-DVD播放績，無折扣、無限量與免費贈送五款HD-DVD電影。

這是在BetaMax、ATRAC、MiniDisc、MemoryStick、UMD、SDDS等獨家Sony規格失敗後， 現在Walkman隨身聽完全被蘋果iPod消滅、PS3銷售量被XB360與Wii超越、防拷音樂CD在使用者電腦上安裝後門、平面電視被新人Samsung等追上、筆記型電腦電池爆炸/燃燒......

Sony已經不再擁有過去的龍頭老大身分。

---

呵呵呵...... Sony，你都有今日喇，睇你點衰落去↓ >_<"

二十七......三十......(真係有嗎?)

下午茶餐後，製作相片及入相簿，
之後再給大家觀看。
一擲千金......二十七......三十......哈哈哈...... (≧∀≦)
睇尼真係要玩下一擲千金先得！

聯絡中心

放假在家籌備數個活動：
1) 海婚宴前的預備飯；
2) 秋高氣爽行山活動；
3) 衰仔包口水花飯局。
做左成日電話聯絡中心！ @_@'

忍

好彩我仲有利用價值，佢2隻野都唔敢點搞我！
不過今日就真係忙到抽筋，
又要準備下午的 workshop 的 material，
又要準備下午 JC 的 winfax，
更要為 lunch 開始的 interview board set 機！
仲有好多濕濕碎碎，
唉..........你仲有7個月，我仲有26年7個月！
我忍你！！！ >_<"


忍

詞：許冠傑/黎彼得 曲：許冠傑

成日咁 mung　乜鬼都挪挪震
成日咁 mung　一陣你就呻笨
郁的火遮眼　我祝你好運 (白痴都有份)
無謂去撼　駛乜 mung刀挪棍
無謂去撼　應該接受命運
睇開的啦喂　咪嬲到失魂

一於要忍　幾大都要死忍
唔順氣呀　就會抽筋發 tee tun (身子要緊)
必須要忍　把幾火會燒心
唔係你呀　就有花圈送定殯

無謂咁汞　你要愛護敵人
無謂咁汞　拋開你既怨恨
因乜呱呱叫　去抖下啦笨 (係驚都兩份)
凡事放心　今晚好早的瞓
凡事放心　聽朝你會轉運
諸君應該有　阿Ｑ既精神

一於要忍　幾大都要死忍
唔順氣呀　就會抽筋發 tee tun (身子要緊)
必須要忍　把幾火會燒心
唔係你呀　就有花圈送定殯

一於要忍　幾大都要死忍
唔順氣呀　就會抽筋發 tee tun (身子要緊)
必須要忍　把幾火會燒心
唔係你呀　就有花圈送定殯
天國就近　果處就近

自轉

搬屋如期進行，pshe組 d人雖然話唔理，但始終都過來睇睇！
離開時都是無言以對........心想:有得你死吧！
搬屋工人都覺得頭痕...........有無搞錯，搬成咁點用啊！

一個上午已經搬完，餘下時間就是收拾殘局，
4個位2個人坐咁梗係選擇最好的座位先架啦，
點知大佬一句唔鍾意，將2個人搬到走廊位度坐！
當時氣氛簡直差到極點，開會又無用，投訴又無用，
總之大佬就係一意孤行！大蝦細， no say！
最後不歡而散，逃亡潮一觸即發！

正所謂：走得快好世界！
出到去未必會好得去邊，
但留響度就一定唔會好過！

郵票

為搬屋作準備，收拾一下個書櫃，掉緊d無用野！
cheap佬大佬見到d有郵票嘅信封，
就即刻就收起落佢個位度，盡顯cheap態！

無聊2

全日繼續整 game card...........唉！ -_-!!

K小姐終於都遞左信，
雖然都係預左，
不過..........唉，
尼一組真係無乜希望?!
我洗唔洗都考慮一下呢？

被尼爾森見到添，
洗唔洗殺人滅口呢?! :P

無聊

在 office 做無聊野，
print 8 set game card 然後過去膠喎！
手作仔，浪費時間，浪費人力！

哈囉喂

哈囉喂有人約但係我都無出街，
在家食左我妹個勁朱古力嘅蛋糕仔！

玩物喪志

玩 CompassVisa 抽獎玩左成日，
因為.............網絡繁忙！ -_-!!
好彩都抽中左 $5 即享錢 x3，
仲有一部 cheap cheap samsung dc 仔，
lucky lucky...... ！！
真係多謝晒！！ :D

風‧浪

上午K小姐同圈圈開大片，
下午K小姐"屋企有事"要早走！ @_@'

晚上去左 The Quarterdeck Club 食晚飯，
(平常日子歡迎市民光顧；若有超過一千人軍艦停泊於碼頭，會暫停開放。)
個 feel 唔錯，不過交通就極唔方便，
食物就一般啦，
如果個 menu 有中文字就更加好！ :P

妹生日大餐

由出街食變左叫 pizza 係屋企食，
簡單但豐富

沙田..........?!

火炭銀禧花園有升值潛力，值得留意！
荃灣寶石大廈唔知又點呢?

今日在沙田新城市 hea足一整天，
真係好耐無 stay 沙田 stay 咁耐 lu！ :D

頭痛

個人仲未好返，覺得好凍又覺頭痛，
仲要對住個改完又改的 floor plan，
真係死多兩錢，
真係佢唔明搞咁多野做乜！
再搞又流血架啦！ >_<

發冷

大佬又搞事，救命！ >_<
無啦啦又話要搬屋，
又話什麼違反消防條例，
又話咁又話咁，都唔知為乜？
最後仲要我畫張 floor plan添！ Ｘ佢個街丫！

返屋企之後覺得個人好唔妥，
勁累勁發冷，都係早d瞓先！ x_x

飲湯個湯呀

圈圈成日迫我交個 appraisal report 比佢，
我見今日得閒d就采下佢啦，
點知佢得鬼閒將個 report 改啊改，改啊改，
全部改晒，但內容基本無變過！ @_@'

飲湯個湯呀，
湯圓個圓呀，
圓圈個圈呀，
圈圈個圈呀，
圈圈個圈呀，
圈圈個圈呀.............. (infinite loop)

代言人

終於將 evaluation 入完 (TCS)，
真佩服設計者可以設計出咁"偉大"的系統！ >_<

做左 song姑代言人去 admin 問問題，
其實問唔出結果都係預左，
都係等佢地自己 admin 打(比) admin啦！ :P

畢業禮

今日係我妹的畢業典禮，
去參加之餘又可以乘機放下假！ :P

入左 poly 個 JC Auditorium，
坐左成個幾鐘，完全與世隔絕，
出到尼個電話係咁響，好似大忙人咁！ :P

其中 song姑打電話來求救，
未能即時回覆佢，深感遺憾，
希望佢能夠順利過晒D關，
有機會請我地去佢個畢業禮啦！ :D

大嶼山360大彿同行

中午到左東涌(東薈城)食完晏之後，補充左少少物資，
就搭車上左大彿同昂坪市集，仲買左件衫添！ :P
之後又行左心經簡林(入口)，跟住想話行彌勒山棧道落山，
點知唔識路又驚太夜 (5點先起行)，
所以行左第2條路 (東山法門--->東涌逸東邨)，
全程都係得個落字，多算幾舒服， :D
行左1.5小時成績都算唔錯架啦！

Mega Box

想話去德福食完晏睇下有無時間打保齡，
點知自己衰，玩遲到！ :P
結果食完晏轉左去行 mega box，
第一次去行，覺得地方都幾大，
不過無野好行，人流都唔係旺得好緊要！
最後都係去返觀塘食晚飯算！

重陽節

今年重陽不用拜山，也沒有出去登高，
只係留在家裡玩PS2，同睇火燒山，
睇下見唔見到燒豬出現！ :P

新嘗試 (2)

繼續入我唔識入的 training calendar (TCS)，
但係又無人可以問/教喎，點算好?!

新嘗試

又做一樣新野，
就係入training calendar 嘅 evaluation！
完全唔識點入！ >_<

身為香港人竟然是第一次欣賞幻彩詠香江，
有點無言............ :P

英國申後事

放完假後一返到去，
就係要搞班大帝嘅"英國後事"，
填 claim form 等雜項都要我做！
車，又唔係我D錢，
一於放開一邊唔做住！ >_<
轉個頭細s自己又話會自己搞返，
好彩無聽佢亂點！

駱克道5xx號

今晚出左去 cwb 食飯，
發現獅子王的書店，
更知道泰王的宮殿之所在，
遲d去探下佢地先！ :D

押運!?

好耐無試過星期六返 office 喇，
不過今次唔係返去做野，而係返去做押運！ :P

昨日 song姑 last day 都分唔到身收拾行裝，
所以今日要特登返去執野，
而佢之後就要入 camp，無時間交返 d 物資出來，
所以要是但找個人返去接收接收！
而我都想同姑姑食多餐，
(禽日無返無同佢食， sorry :P)
所以就有咁的決定出現！

執完野燒完碟都成點幾鐘，
點知一出門口就撞見大大，真係邪到爆！
仲要同 lift 一齊落樓，氣氛都幾怪異！ -_-!
之後同 song姑食左佢未食過的「越棧」，
hea 左一陣就散 band 了！

生日會again

下午出左去中央圖書館搞 seminar，
全部都係大佬輩，邊有人搞 logistics d 野丫，
咪又係我一個人搞掂囉！
超，下次等我攞左假先！ 睇你地點死！

晚上出席左一個新識朋友仔的生日party，
仲食左個美心彈蛋糕，happy！ ^_^

之後去左旺角潮流特區見到阿 bert，
想起以前的事，仲有氣味添！ @_@

不過之後就出事喇，想話早d返屋企休息，
點知不被理解，搞到大家心情唔好，sorry！

TST日式放題

下午為明天的 seminar 四為走，
借e樣，搞o個樣，無時停過，
不過大佬就完全唔幫手，
只係顧住搞佢部爛鬼電腦，諗起都火起！

晚上 song 姑宴請高朋，到 TST 一日式餐廳食自助餐，
席間各位都暫時放低(各人)幽愁嘅情緒，放聲大笑出來！
講壞話，講賤野，乜都講一餐，食得超飽，多謝 song 姑！

哈佬批

今晚去左 pizzahut 叫左個哈佬批套餐，
個大蝦沙律脆邊批其實真係無乜特別，
都唔知點解要成百幾蚊一個！ 唔抵！

是日休息

太累了，可惜又瞓唔著，
唉.......，下星期將會是辛苦的一星期！ -_-

玩樂日

早上去左做一樣好耐都未做過嘅事 -- 同屋企人飲茶，
事關有親戚遠道而來，作為主人家點都要招呼一下！
(平時返工好多時都飲茶食飯，星期六、日就放過我吧！)

下午就去左睇戲，本來想話去睇"色‧戒"，
不過人太多了，時間又唔啱，
所以就轉左睇保姆日記(Nanny Diaries)，
個人感覺：似 blog 多過似戲，比較平鋪直序！

之後又去左粉嶺食日本野，
& 再次攻打四方城， (太密了吧！ @_@)
為左 $21 的雪糕雪條打生打死，
最後尚算勝利，不過總有「贏粒糖，輸間廠」的感覺！
(牌運會隨著精神狀態而有所改變，切記切記！)
又搞到成4點先返到屋企，就快死架喇！ Z_Z

大龍鳳, 睇好戲

事關有同事下星期身在英國，
所以 farewell song 姑 嘅 lunch 就選擇左今日！
去左灣仔人渣度食， $800 十個人全包，
話貴唔貴，話平又唔平喎，
話晒人地都叫做私房棻，
不過棻式就差 D 喇，只係家常小棻幾味！

席間，大大循例問下 song 姑做成點及新工情況，
點知成為 song 姑出氣的渠道，
當眾大數"媽寶"兄弟的不是，
大佬當場面都黑晒，song 姑乜彩都攞晒喇！

下午再來個影相及送禮時間，假得佢丫！

小天使生日會

晚上出席了小天使的神秘生日會，
識了好多新朋友，食得好飽，
仲攻打四方城添，
結果當然係陪了夫人又折兵喇！
玩到2點幾先走，累....... z_z

放假後遺症 + 型爆

今日一返到去就好似打仗咁，
間房人來人往，工作一件接一件飛過來，
又要招呼 walkin 入來班大哥，
又要 update 個基金 webpage，
更要為 D 機票執手尾，
(簡直離x晒普，D人好似唔關自己事咁，一D野都無搞過！)
電話就快響到爛喇！

同一時間，song 姑早上同圈圈火併，
下午就遞了辭職信，型爆！
(唔好想太多喇，天意尼架！)

回一回氣

今日選擇休息一天，在家收拾行李！

不過原來馬會基金個 seminar 也是今天舉行，
不好意思喇，song姑同 k 小姐，辛苦晒！ :P

泰國之旅 - 第五天 - 曼谷、香港

第五日其實係沒有行程的，
早上食過酒店收工前的早餐之後，
就在酒店範圍內影下相，
然後出車去了另一個購物"景點" - 皮革店！

之後就全車人被屈，車了去一個不知明的地方，
自費"享受"一餐日式自助午餐，
跟住再坐成個鐘車去到機場！

我地班團有其實多幾有米，
37人去，53件行李寄倉返！ :P
領隊、導遊自然開心到飛起！

起飛前，終於落起大雨來， (忍左5日，辛苦晒！ :P )
飛機順利穿過雨雲，離開了泰國！
途中遇到氣流都唔係最驚，返而係就快回到香港時，
後面兩位司奶竟然取出手提電話，
仲要係響機，仲要大大聲講：「E，收到啦，係中國移動！」
救命啊！我未想死住啊！ X_X
飛機上的廣播及其他乘客的通知跟本就沒有效用，
我只好一路求神拜佛，希望快D可以順利降落！

很好彩，飛機都順利著陸，不過真係好驚！

成個行程都算滿意，不過同想像中有點出入，
如果少D購物時間，多D吃喝、遊玩、觀光，會更加好！


(後加：相簿已上傳好了 :D )

泰國之旅 - 第四天 - 曼谷 (Siam X、自由行)

酒店早餐過後，去左 Siam Paragon 的 Siam Ocean World，
無乜特別，同海洋公園差不多，
不過佢係全個館都係室內的，唔洗晒太陽同比雨淋！ Good！

之後大家就解散左變為自由行，
在附近的幾個大型商場行到腳都軟晒，
(Siam Square, Siam Centre, Siam Discovery, MBK, Tokyu 等)
不過因為行程嘅改動，同天氣太熱嘅關係，
就沒有去到翟道翟見識一下！
(不過就食左個幾好味嘅芒果糯米飯！ ^_^)
(為左幾蚊雞計來計去，真係豬頭！ :P )

晚上去了唐人街的一間魚翅飯店食飯 (月宮)，
味道唔錯，不過不懂欣賞魚翅有什麼好食，正 cheap 佬！XD
食完去左林真香買手信，之後就回酒店做盤點同 pack 野！

泰國之旅 - 第三天 - 芭堤雅、曼谷

早上在酒店食過早餐之後，就乘車去左加插嘅節目 -
Pattaya Elephant Village，
之後就再去了幾個遊行團必到的"景點"購物，
最後終於回到了曼谷！

(同一時間，原來香港那邊發生了動地驚天的事情！
未能出席，真是可惜！在此送上無限的祝福！)

坐都未坐定，人妖 show 就馬上開始，
(好明顯我地團人係遲到左的，個 show 係等我地到先開始，
而且巴士司機要不惜被抄牌行 shortcut！)
個 show 一 D 都唔悶，又幾抵死下，算係唔錯！ ^_^
可惜部相機唔爭氣，竟然去到半路中途無電，唉......

之後在那裡食過晚飯後，繼續出發去 Suan Lum Night Bazaar！
地方好大，好多野賣，不過熱屎辣辣，又係買唔到野！

今晚入住一間4星級的酒店，比芭堤雅那間好得多了！
不過之後其他團有要求換房，換了一間比之前仲好的比我地，
認真 lucky！ \(^o^)/

泰國之旅 - 第二天 - 芭堤雅 (珊瑚島)

早上在酒店食過早餐之後，就乘快艇去玩降落傘，
飛了3個圈之後，最後來個"蜻蜓點水"，
結果又被導遊"坤"左，又話只係對腳會點水，
結果大半身都插晒入海中，差D被浸死！ @_@

之後就繼續乘快艇去珊瑚島，仲玩左海底電單車！
都幾特別架，最啱我 ED 唔識游水嘅人，
可以在海底下自由撫下海膽、海葵、珊瑚...等，
可惜無帶水底相機，唔係一定影D水底活動的情景！
之後又在水清沙幼的大海中浮沈一輪！
在島上食過午飯後，行了一小圈，講完價又唔買，後悔！

之後回酒店沖個身，就又出發去做 SPA！
睇尼我地全團嘅男性都未做過 SPA，
大家面對著女技師，仲要在佢面前剝光豬都顯得不知所措，
(有幾個年青人更大呼小叫添！)
之後大家先去沖個身先，再入左去蒸汽室焗一陣，
因為大家都未試過，所以大家都以為會有人入去叫出來，
但結果等極都無，無可奈何之下，終於有人沖左出去，
原來成班女技師已經全部在門口等緊！ (......汗!!!!)
再來個冰水浴，就開始全身香薰 SPA 按摩！

一個鐘好快就過，感覺沒有什麼特別，
只係全身都變得油立立！ >_<
食過生果盆之後，又再去食晚飯！
之後就係自由 shopping 時間，
去左 mike、 royal garden plaza，
沒有什麼特別，又係商場一個！
所以之後去左花街 (紅燈區)，見到好多酒吧，
仲有好多陪酒女郎，不過有好多都唔知係唔係人妖，
所以都係唔敢亂咁入去！
不過剛巧有一間有泰拳打緊，所以就唔理入去睇下！
入到去發覺原來打緊拳嘅係細路，都打得幾認真下架，
睇左兩 round 之後就離開了那店！
之後就想話行返酒店，點知迷途了！
行下遠D，行下遠D，死火！
好彩最後都找到路，仲買左雪糕回酒店食添！ ^_^

(一日沖三次涼，沖到皮都爛啦！ XD )
(魷魚絲真好味，Good！ ！)

泰國之旅 - 第一天 - 香港、曼谷、芭堤雅

今早坐8點15分機，機場集合時間為晨早5點45分，
邊有咁早有車架，一於好少理，坐第一班 E11 就算！

出發前，收到團友W來電，話佢唔見左身份証！
唔係呀嘛，玩野下嘛，真係未出發先興奮！
去到機場，佢真係話唔知放左去邊！ -_-!
好彩領隊話只要有 passport 就得，咁都無咁驚！

原來W有一樽液體無放入行李內，搞到要四周圍找膠袋，
好彩"屈人氏"有得賣，仲要每個$1，真係屈得緊要！

入左閘之後，W醒起原來佢有封信要寄，
所以又要四出去找郵筒！

當地時間10點幾 (慢HK 1小時)，航機順利降落，非常平穩，
仲好過好多大航空公司D飛機(師)添！

落機後，第一時間去攞行李，
不過一行37人實在需要多D時間！

上車之後，原本坐在司機叔叔的後面，
點知佢話個位係留比導遊坐，結果一坐就坐到車尾！ >_<

無法啦，鬼叫全車滿座咩！

跟住就坐左成個鐘車去曼谷同芭堤雅中間嘅老虎樂園，

睇老虎、賽豬、鱷魚、駱駝、兔仔同蠍子美人！

抱住隻老虎仔影相都幾特別，不過原來佢都幾重下！

跟住又係大約一個鐘車程，喂大佬啊，好肚餓啊！

下午3點幾，終於到達芭堤雅，導遊第一件事就係屈錢！

事關第一餐午餐係唔包的，所以佢"好有心"咁帶左我地去食魚翅！

我地ed窮等人家邊食得起丫，所以就來個"自由行"，

去左附近間 subway 食三文治，再到 7-11 買野飲！

時間剛剛好， join 返個團繼續行程！ :P

終於到達酒店，可以放低行李，

再在酒店食過晚飯，就又出發去行 Big C！

沒有什麼值得去買，但也行了個幾鐘，

因為地方實在太大了！

回到酒店，實在累得緊要，

明早又要過珊瑚島玩水，

想話早D去瞓，但結果都係搞到成點幾先瞓得！

執野

禽晚同朋友BBQ，玩到3點幾，
返到屋企搞得尼成4點9先瞓得！勁累 ...... z_z

泰國旅行D野乜都未執，所以今日就用尼全力執野！
順手响出發前 reply 晒 d email 同 update 個 blog！
終於搞掂晒，可以安心去旅行！ ^_^
希望個 trip 順順利利，買到平野！

茶會 + 完事 + 中秋BBQ

早上攞左 Time-off 去聽茶會，
早左去到，見到上一團九寨溝 d 團員，
其中一個一出來就媽媽聲，
又話 e 樣唔好，又話o個樣唔掂，
又話第2間旅行社點好點好，
喂，你比幾多錢就有幾多 service 架啦！
比唔起錢就唔好學人去旅行！
(好彩佢唔係我o個團，如果唔係一定比佢煩死！死人大陸里！)

下午一返去 office 知道原來可以早放，
就知道不妙了！
結果真係，下午一開市，
一大班"客仔"蜂擁而至，
完全未停過！
好彩最後都榨到少少時間解決左機票事件！
(死cheap佬次次都係咁，叫親佢簽名就之之助助！)

仲有就係 song 姑 sick leave，
細 s 又有左一個多月！
真係唔知好事定壞事！

之後去左百佳買左D旅行用品，
就帶住一大袋野走左去元朗BBQ！
元朗燒烤樂園，真係一個好難找的地方，
而且位位$98其實都幾貴！
搞手唔該下次改改地點！ >_<
不過就係因為四周圍黑麻麻，
我先見到個又圓又大嘅月光！

9月都打風

一號風球，落起大雨，
晚上做節出去食飯，
更加肯定有間諜！



雨絲情愁

唱：譚詠麟
曲︰五輪真弓
詞︰向雪懷

滂沱大雨中　像千針穿我心
何妨人盡濕　盼沖洗去烙印
前行夜更深　任街燈作狀地憐憫
多少抑鬱　就像這天色昏黯欲沉

＊看四週都漆黑如死寂　窗中透光
　一絲奢望　但願你開窗發現時能明瞭我心
　我卻妄想風聲能轉達　敲敲你窗
　可惜聲浪　被大雨遮掩你未聞

　濛朧望見她　在窗中的背影
　如何能獲得　再一睹你默韻
　餘情未放低　在心中作崇自難禁
　今天所失　就是我畢生所要覓尋

＃我已經將歡欣和希望　交給你心
　燈光熄滅　就沒法修補這裂痕如長堤已崩
　我這刻的空虛和孤寂　只許強忍
　不堪追問　為著你想得太入神

Repeat ＊,＃


曾經

唱：譚詠麟　曲︰譚詠麟
詞︰向雪懷　編︰盧東尼

曾經朝晚都相見　曾經講我的志願
幕幕印象揭開童年　是你是我在當天

＊曾經枕進於我的肩　曾經輕吻於你的臉
　是熱愛熱愛的從前　未覺未覺又一天

＃聲音仍在耳邊　仍在我心裡一轉再轉
　痴心留住昨天　留住我跟你依偎眷戀

　曾想跟你過每一天　曾經因你觸了電
　日夜也令我心甜甜　就算換了另一天
　仍一點也不改變

　Repeat　＊,＃

時光改變了每一天　人生閃了千百段
為什會在我心仍然　望你望你在身邊
仍一點也不改變

宇宙大爆炸

今日有自由時間，
所以約左麵鼓湯去TST買禮物，
跟住再去太空館睇"宇宙大爆炸"，
正如我所預料，套野係一定會好深好難明的，
結果真係，麵鼓湯終於"得償所願"，瞓左幾個字！ :P
e+ d 細路真強，半個場都係，
佢地真係睇得明內容？ @_@"

睇完行左陣再去諾士佛台食飯，
我都係第一次去o個度食野，
原來都有好多野食架！
最後結果簡左間西班牙餐廳 -- Rosa Spanish Restaurant & Bar，
情調都算唔錯，有D歐洲嘅風味，
叫左個 set dinner，D野細細碟，幾驚唔夠食！
味道有D似意大利餐D食物，可以接受！
但係原來個餐係唔包野飲的，
結果飲埋野埋單成$400，真係富貴！



情中情戲中戲

唱：譚詠麟　曲：吳敬文
詞：李敏　　編：盧東尼

請不要哭　儘管別離
相見沒期　昏天暗地
請不要哭　此生緊記
這個傳奇　是我跟你

淋漓夜裡　無盡雨聲
亂我心情　難愎恬靜
餘情未了　從前柔情蜜意是遠景
夜雨不停　模糊是彼此的眼睛

生於世間　多少傳奇
多少聚離　像戲中戲
今天記起　窗邊薔薇
窗裡琉璃　密佈水氣

淋漓夜裡　無盡雨聲
亂我心情　難愎恬靜
餘情未了　從前柔情蜜意是遠景
夜雨不停　模糊自已一雙眼睛

請不要哭　儘管別離
輕吻別時　是最淒美


知心當玩偶

唱：譚詠麟　曲︰譚詠麟
詞︰陳少琪　編︰盧東尼

繁鬧市停留　留下雨和愁
人路過只有我靜候
提著傘停留　無力再抬頭
全為了心愛已被偷
人和車的四週　無言的我在走
逃避看沿路愛侶　細語不休

＊長路裡途人　沉默裡回頭
　如在說真愛已落後
　長夜裡尋求　尋覓那同謀
　陪著你將我愛盜走
　人和車的四週　無言的繼續走
　沿路裡難遇上你　叫我擔憂

＃但願發現
　路上有熱愛熱愛熱愛在發售

＋今天你竟拋開我手
　輕將我真心當玩偶
　無言別去　從來沒有
　從來沒有理我感受
　孤身再走　只想去找
　找一個知心當玩偶
　垂頭讓我能愚弄夠
　無情地對愛施毒手

Repeat　＊,＃,＋,＋

食齋

晚上出左旺角同舊同事聚舊同食齋，
食齋雖然唔係我所好，
不過有倪博士的出席，無所謂啦！ :D

原來佢去左2年旅行之後，
已經感覺有點悶，
所以在不久之前，
在教育學院找了一份合約長工打發時間！
真令人羨慕！


暫別

唱：譚詠麟、雷安娜
曲：孫明光　詞：孫明光

(男)自我初初結識你　就覺心中溫暖
　　可惜今天終要分離　心感悲與哀

(女)自我初初結識你　自覺困惱盡除
　　就覺今天終要分離　終須必復見

(男)人生一別　(女)那天必再返
(男)長望那日　(女)唯願兩人
(合)會面街中倆望　心聲相互訴

(男)願我永遠記得你
(女)話句再見知心友
(合)就算今天終要分離　終須必復見

(女)人生一別　(男)那天必再返
(女)長望那日　(男)唯願兩人
(合)會面街中倆望　心聲相互訴

(女)願我永遠記得你
(男)話句再見知心友
(合)就算今天終要分離　終須必復見
期待那日重逢共對　願快樂復再


都市戀歌

歌手：譚詠麟　作曲：威林
填詞：林敏驄　監製：關維麟

回頭望街中的她　明艷照人
難明白上帝怎做人　才算是平等
心中熱血繞千遍燒焦我身
飛身欲往她嘴角留下甜吻

情是遠路　愛的燈號
衝破這擠迫都市　（轉變再找新的方向）
找到理想心上人　再也沒有傷感

難明白弱小芳心　情是醉人
難明白預約佳人　總要等
街燈下我的影說不必再等
偏偏遇上總不會留下原因

情是遠路　愛的燈號
轉變再找新的方向
找到理想心上人　再也沒有傷感

搞機票

繼續搞機票d野，
但係乜鬼資料都未有，點搞！
但係搞手細s又走去放左假，白急！

放工同song姑傾計，勁遲走，sorry！ :P


情憑誰來定錯對

唱︰譚詠麟　曲︰OH TAE HO
詞︰譚詠麟　編︰盧東尼

情憑誰來定錯對　我始終不想去追
寂寞路上遇痴心　相戀也有過痛苦一堆
如能重頭遇見你　我始終不會後退
將傷心收於記憶中　仍沒法去剪碎

濃情蜜意盡過去　凍好比一杯冷水
獨自默默望蒼天　心底裏滿載往昔唏噓
迷霧已漸漸散退　過去的經已逝去
前路漫漫顯得崎嶇　還是要我去面對

回憶起當天的歡笑　是光陰沖洗不去
在這一生中　這一生中沉醉

寂寞憔悴　這世界可有誰
逝去了的愛情陪孤單寄居
寂寞憔悴　人痛心因你別去
我已不懂得哭笑　望著你身影遠去

難得當天的相愛　是你我都傾出所有
令這一生中　這一生中無悔

但寂寞憔悴　這世界可有誰
逝去了的愛情陪孤單寄居
寂寞憔悴　人痛心因你別去
我已不懂得哭笑　就讓我消失告退
我已不懂得哭笑　就讓我風中告退


離不開的心

唱︰譚詠麟　曲：黃慶元
詞：小美　　編：周啟生

當天分開　那有應不應該
從無癡想相愛以後分不開
你說每次全情地愛過後總有傷害
一顆心開始失去夢想姿彩

* 心中悲哀　湧進我的思海
　為何癡戀感覺卻未有更改
　我怕有意無意為你暗地一再等待
　一顆真心彷彿只懂跟你相愛

# 寂寞是否棲身想你千個夜
　寂寞是否尚惦念這些

@ 離不開的心應早已失去信心
　只因天真心裡面暗中再等
　愛過痛過我況開始心有不甘
　如不應分開不知道相愛幾深
　必須相分方發現只因你生
　到我看破也許今生不再走近 *

係你就係你

本來諗住自由行取消左，
應該就唔洗點再接觸D旅行社住，
點知細s一個唔該話佢地要去英國做training，
叫我幫手訂機票！
你唔係嘛，你自己D野乜都唔做，
全部假手於人，最唔抵就係4個人去英國，
有2個係其他組同事，如果你唔想做咪叫另外2個幫幫手囉，
點解成日都係搵自己人笨！

轉個頭，佢又 send 多份 review 比我，
要我 count 返晒 d course 嘅 record 出尼，
點解我要做埋晒 clerical d 野！


珍重

唱：譚詠麟
曲：三木
詞：黃沾

迷入癡癡深洞
迷在心的冰凍
迷途是我背起幽幽夢
留下是告別唇印
濃洌卻不可再親
望風再講一聲　珍重

別了今宵　情人明夜不再吻
然後你像幻象伴我心中
沒法解釋
為何唇上一次次
隨著我　每次每次心跳動　珍重

人迷入癡癡幽夢
唇隨著每字而痛
每一聲輕輕說出　珍重


凌晨一吻

唱：譚詠麟
曲：Hidei Yamamoto
詞：盧永強

明月夜　沉靜夜
地面怎麼顯得傾斜
斜向你使我向你走去
再訪當初深愛者

重聚夜　流淚夜
面對呼呼北風荒野
你說你今天愛已失去
昨天即使傷我心
棲身盼我暫借

我看著舊情人　茫然無奈地說
我心已屬別人 　Wooh......
看你默默弄長裙　抬頭垂淚地說
叫我無謂擔心

一息間　相擁一吻
含淚說再見　最後在凌晨
一息間　深深一吻
忘掉昨日我恨你
凝望背後你尚有淚印
(懷念最後帶淚那一吻)

全方荒TWINS

阿SA 的拍檔阿Gill 終於出現，
全方荒 TWINS 終於人齊，
SLP 希望得以順利收工啦！


亮了紅燈

唱：譚詠麟　曲：蔡國權
詞：向雪懷　編：盧東尼

今天我共你如沒去路　崎嶇的愛路
我共你之間亮了警號
總不放下這沉默態度　歡欣改了路
磨擦已起沒有心機

枉我依然專一愛著你
接近你時你卻在逃避
休再遮瞞心知道事有蹺蹊
心意轉移今天你是你
這份愛情到這樣田地
不發一言彼此有沒有趣味

緊閉心靈怎可接近你
放在眼前我似是迷路
苦作癡纏方知道是這麼悲
可笑雖然天天見著你
冷淡有如似素未謀面
戀愛的紅燈竟會令我卻步

價值觀

本來打算去行山，
不過因天雨關係要改期，
結果走左去行cwb！

記得不久之前，
其實我都覺得sogo D野係好貴，
我係唔會買的！
不過經過一番的"調教"之後，
價值觀好似跟住變左少少，
洗錢方式原來真係會傳染的！

免費午餐 + 騎馬仔

邊個話e個世界無免費午餐架，
今日就跟左朋友去免費遊車河同騎馬仔！ v (^_^)

早上10:30在九龍塘集合，
上車後就出發去深圳的金伯樂馬術學府，
旅遊車經落馬洲過關，
(我都係第一次經那個關卡，原來要上落車兩次！)
再在公路上飛馳45分鐘，到達東莞市的長安鎮！

一落車就被帶到一個放映室，來一個短video簡介，
再來就係午飯時間，八餸一湯，食物仲好過旅行團！ O_O
跟住就係極之無聊的園內遊覽，
好彩全程都有電動 golf 車代步，不至於太過辛苦！
遊完晒設施之後，就係餵馬仔同最期待的騎馬仔時間！ ^_^

原來D馬真係非常高大，
我騎o個隻差不多個身就有我個人咁高！
騎在馬背上都要有少少平衡力先得，
因為都會幾"浪"下，的確可以用來當運動做！
up - down, up - down 大約10分鐘之後，
大家就返到餐廳來個 tea break！

全日戲肉所在出現啦 --> 踢人入會！
入會費 7萬幾，再加年費2千幾，
唔係家財萬貫都真係入唔起！
正想話應該無人會入之際，
竟然聽到有人已急不及待的再去騎馬了！ @_@
我地今日的洗費真係要多謝o個位有錢人了！ :P
之後仲有車送返我地去九龍塘先解散，
果然係一個免費的"奇妙"之旅！

泰王Last Day

今日又去食組飯，
事關今日係泰王 last day，
全組去左links食，
差唔多包左佢半個場！
席間左邊有左邊傾，
右邊有右邊傾，
泰王坐中間就反而兩邊都收唔到，
獨個兒食，非常搞笑！

隱世泰食店

中午同泰王佢地去左食隱世泰國餐，
間鋪出面係賣泰國食品的，
裡面係一個住家式的客廳，
跟住要上一層樓到閣樓，
經過左前面的理髮店同玻璃門，
e.......別有洞天！
地方不大，但都可以開4~5張枱，
味道都ok的，不過就唔知正唔正宗，
但係好有住家feel！
仲有就係價錢唔貴，
5個人食，盛惠$160大元！ :D

泰王夜宴

今日放假在家收集泰國資料，
因為期中有一天是自由活動的！
但係聽講泰王佢地就要做貼信封工人！ :P

泰王夜晚請食飯，
我就算放假都要出一出來，
賀一賀佢終於脫苦海，
並且步步高升！

泰國自由行(4)

今日去左旺角銀行中心一趟，
因為知道回程無機位，
及時間緊迫，
所以自由行最後又係變左報團(BBKS05)！

點都好啦，今個中秋可以出去行一行都係件好事！
中秋之夜，令人多懷念！

泰國自由行(3)

今日放假在家一直找資料，
找啊找，找啊找，
找到晚上約人地出左尖咀食飯，
同傾泰國自由行D細節，
但有好多未知因數，
可能會胎死腹中！ >"<

又再行大運！

泰國自由行(2)

今日4大天王繼續入信封，
我就放手唔理，
因為pat屎仲未簽好封信出來！
開始找泰國資料作自由行準備！

青蛙小姐真係客氣，
知我明天放假，
都要提早一日請我食蛋糕同影相，
真係多謝晒！

泰國自由行?!

今日繼續機械式貼 label 及印 chop，
將入信封的 duty 比左 counter 4大天王！

中午去左樓下肥天使 farewell 青蛙小姐！

有人去完泰國回來之後提議來個泰國自由行，
因為我未去過，所以我梗係無問題啦！

行大運

圈圈第2日就點我做野，
你都傻o既，我采你都有味！

spm 又將人地d野籃晒上身，
貼 label， 寄書仔去全港學校！
明明自己只係小配角，
搞到好似自己擔正大旗咁，
苦了 section 的其他同事！

晚上灣仔 - 機場 - 上水 - 上環全港遊，
車程順利，果然行運！

三個女人一個圈

今日2位新人到位，
免不了就梗係要同佢地set機，
e個我一早就預左，
不過圈圈一來就指手畫腳，
多多事實，給我地班細o既感覺係......難相處！！

我也不理得佢咁多，因為佢唔係我上級，
我有我做，佢有佢做，你唔好踩過界就話知你！
不過就辛苦左桑姑囉！ :P

至於另一個，可能仲係新入政府的關係，
暫時都仲係忍者龜，處於自閉狀態！

新人到位，大大無搞飯局，
好似話因為細s不在，要等佢返來先，
其實食多次多唔洗死啦！
結果，佢地就自己食自己，哈哈......！


不可以逃避

歌手：譚詠麟　
作曲：Torben Lendager/Poul Dehnhardt
填詞：黃霑

寧願我遺忘　再不想起你
願我一世都不必記起
寧願要寂寞　也不想起你
但我心裡偏偏記起
天天掛念

從一聲風裡嘆喟
從一首詩中佳句
內心中都會都會記起
從一句親切說話
從一點溫馨關注
內心中思憶起
不可以逃避

原是要遺忘　再不想起你
但我心裡偏偏記起
難令我忘懷　永遠想起你
在我心裡天天記起　天天掛念

準備

下星期一 (9月3日) 就有2位新同事"歸位"，
放工前將大偵探套電腦搬去"圈圈"叔叔個位度，
set得尼就趕唔切，
結果......還是浪費了機會！ >_<


世界停頓

歌手：譚詠麟　作曲：葉肇達
填詞：潘源良　編曲：盧東尼

這世界就像是糢糊硬照　這世界又像突然停頓了
看見了聽見了卻不會動　空虛的一顆心仍然在跳
枯乾的一張咀仍然在叫　跌碎了的夢問怎補救裂縫
沒有用留住妳每一句話　沒有用留住妳每一封信

獨自活著就像跌破的鐘錶
一生的光輝告終　長期默默地悼念著
破碎那片段　今天分秒難再動
一切祇好停頓

告訴我寂寞路如何下去
告訴我日後事如何面對
告訴我那裡去再找美夢
過去了但事實從來未變
過去了但舊事回頭又見
抹去了的淚又加添了迷濛

TC同學年聚

今晚又到了一年一次的TC同學仔聚會，
10 over 16，大家都算係比面！ :D
閒話家常，各人交換最新近況，
唯一比較特別的事，
就是海仲唔肯公開佢年尾婚訊的消息，
唔通有什麼變掛?......


愛的替身

唱:譚詠麟　曲:Kisaburo Suzuki
詞:向雪懷　編:盧東尼

問現在我如何能不心痛
你的衣襟　掛起他的心口針
為甚又要時常和他比較
似比刀鋒　埋藏心中暗悲痛

*默默地我誠惶誠恐的愛
我的今天　無疑就是他的替身
問問現在為何一起
是你為了找那從前
讓我代當天失去的愛*

#活像受罪但是又離不開
我有我去愛　誰分擔心裡哀
活在夢幻實在是蠻不該
我有我去愛　情感的妄災
無奈痴痴的我　始終不知道
其實你待我算不算愛#

Repeat * #

活像受罪但是又離不開
我有我去愛　誰分擔心裡哀
活在夢幻實在是蠻不該
我有我去愛　情感的妄災
無奈痴痴的我　始終不知道
其實你待我算不算是愛
如若非心所愛　好應該婉拒
無謂接受我這一份愛

嚟多件衰鬼上帝

今日又放假!! :P
無所事事之下，call 左麵豉湯出來食飯同睇戲！
套戲得啖笑，內容誇張、小題大做，
而o個個"上帝"實在太得閒，太浪費神威了！
不過無無聊聊睇下笑下都無妨的！ :D

事至如此已不在控制範圍，
女王公主你地打算點收科?! (　´_ゝ｀)

最近攞返譚校長D歌仔出來聽，
總覺得以前D歌比較有意義同好聽D！ ∩＿∩


一首歌一個故事

唱：譚詠麟　曲：林慕德
詞：林夕　　編：林夕

清脆的結他　亂彈亂彈著歌　未明內容在講什麼
從甜蜜的愛　到炎夏之吻　都愛得著魔
時間愉快掠過　有理想但是傻　也都不錯　直到在某一天
唱盡無盡愛歌　能感動有情人　會是這樣多

*從前曾相戀的失戀的小伙子　唱每一首歌一個故事
道盡離合悲歡幾個字　完全來自過去那日子
猶如人生之歌一開始不休止　唱每一首歌一個故事
為著前路永遠衝刺*

一個深秋　極甜蜜而重要　問誰共鳴或多或少
無名字的你　仍忘掉不了　使我心在燒　時間共我競賽
志向總未動搖　每一分秒　越愛越愛你多　有熱情自有歌
才感動有情人會是這樣多

Repeat *

(你能做到已找到所愛天地　儘管亦嘗試過
有是有非每段時期)　Ha　我仍是我　縱使歲月如飛
仍是我　仍是我　亦有喜　亦有悲　在我所唱我的歌說起

回頭天真的最初　常常不小心闖禍　但是風風雨雨
自然掠過　已經得到太多　和情人輕輕哼句歌
悠悠然倚窗觀星座　是什麼幫過我　今年月未枉過


玩的格言

主唱：譚詠麟、彭健新
作詞：潘源良　作曲：盧東尼

趁有青春應盡興　講玩不分界限
自信必IQ爆棚　下下拘束不習慣　永遠拒絕平淡

趁有青春應立志　奮鬥不可怠慢
亂咁玩等於偷懶　法理規則好重要　通通不可當玩

一生都聽講聽教　太過古板
我愛見個個愉快　輕鬆健談
一生都貪玩只怕錯了不返
規則不會任你揀

一天都艱辛工作　太過刻板
我要以快慰活潑　解開悶煩
但若是不管一切　放縱咁玩
終於都會撞正板

唏　點樣玩先啱界限

逃出魔幻紀

終於知道點解有D人會咁早結婚然後搬出去住，
日日係咁哦，本來心情幾靚都會即刻down晒！
不過往往陷阱係一個跟住一個，
永遠都係逃唔出依個循環，
更甚的是，個陷阱可能係自己挖比自己踩的！

壓力太大，幾日都瞓得唔好，
精神開始分裂中‧‧‧

食下午茶餐的時候，
竟然有一女子搭枱兼搭訕，
我都唔係好采佢架啦，
不過佢仍然口水滔滔，
真係幾驚佢係D乜野傳教士，
拿拿聲食完馬上走人........ミ ﾟДﾟ彡

攤抖日

難得一天在家攤抖，
卻不斷被奪命煩音"依哦"著，
你又點知我無做野呢，
我都費事答你！ >"<

電腦展

放假無無聊，走左去電腦展。
會場人山人海，水洩不通，
除左因為人多同通道窄之外， (都唔知點解個個都唔洗返工 @_@)
更重要的是多了一班鹹濕佬在場內四出影show girl！
阻住晒條通道又唔知自己"論盡"，
行過比你影到我又唔想，
身邊刷過整到你部貴機又唔係咁好，
叫你借過你又完全無反應！
喂，你睇你，D口水流晒出黎，
個額頭刻左"鹹濕佬"幾個字出黎啦！真失禮！

就係咁，就同個friend失散左，
各有各行！

成個場都無乜新奇物種出現，
沒有什麼驚喜，
似係舊貨場多D，
所以我自己只係買左1張2GB 的 60x SD Card，
開價$124，最後都係$124 (不過就送多10隻 blank DVD 碟)！

之後又約左另外個 friend去左粉嶺打邊爐，
又有禮物收，又識到幾個新朋友，
食完仲做左半個鐘的"運動"！
返到屋企簡直唔想企o係度，
好彩明天旺角飯局可以唔洗出現姐！ :P

流血不止

全荒廢一二小隊相繼失去4員猛將之後，
今天再次傳出"喜訊"，
泰王將會轉到另一戰線！
替他高興之餘更替自己擔心，
戰事越戰越烈，
就快連看守廁所的都要迎戰了！


今天最愛

唱:李克勤　　曲:陳輝陽@好好笑
詞:林夕　　　編:陳輝陽@好好笑

若我今天還是兩歲
才願意擁有玩具
若我只有十八七歲
恨纏綿　愛心碎

* 自問在我有生一天
人會大時間會變
無數萬人還未碰見
如今我只知你在唇邊 *

# 別要問我　最愛是這樣多
想開花的多數沒有結果
你最愛的終會變陌路人走過
麻木地回望當初
沒法共處　最愛又算甚麼
得不到的當然沒有選錯
只想我　無求無欲不需抉擇
永遠以為只愛一個 #
Repeat * #

讓我今天陪著愛侶
懷念我心裡玩具
沒最喜愛但最登對
只想真心吻下去

中毒失控

似得幻失，精神分裂情況快失控！

放工去左幫朋友整機，
點知條友部機成部都係毒，
都唔知佢點解仲可以用到今時今日，
好野！







《十分‧蓋》

歌詞：小克
原曲：十分．愛

男：　好想食「粟一燒」．．．

女：　有反對的聲音！薯片更加不可能！蝦片咪諗！！
　　　痱滋及青春痘，能隨時現身！

男：　拋低枕邊人．．．「些粉」跟我極近！(些粉 = 7-eleven)
　　　愛你阿珍隔個膠袋，太難耐．．．(阿珍 = 珍珍薯片)
　　　芥辣 咖喱 蝦條 紫菜，
　　　求你莫再令我憎你還愛．．．
　　　早知不應揭蓋．．．(薯片蓋)

女：　別揭開！！
　　　現在慢慢被痱滋覆蓋．．．
　　　擰開西瓜霜的蓋，
　　　載住那廿四味一個煲蓋！

男：　苦．．．

女：　別放開！

男：　祈求明日燒嘢食不需要改！

女：　你太急只會換來佢二變一，
　　　嗰陣你只可以食．．．嬰兒菜。

心情指數↓

近日心情就好似股市咁大上大落，
就快有泡沫的情況出現！
明知D野唔啱又要去做，
明知D野唔應該等又要去等！

食完餐飯，廢up完，
好似好左D，
但又好似唔係，
咁即係點先？

換血完畢

今天是大R在全荒廢的最後一天，
我地幾個細的見大大無乜表示，
本來都打算給大R一個 farewell lunch，
後來下午S同細s又話要搞一個，
結果就合體一齊搞，
搞下搞下大大又出現，
變左一餐政治飯！ >_<
(流沙包，我會記住你的！！ >"<)

下午S真係傻，叫我找數先再上去夾返，

一向奉行"有大食大"的我就梗係唔會出手啦，

最後都係大大搞掂！

之後再來一個茶餅小聚，

好好睇睇的完成場戲！

胡椒豬肚湯

提早兩天慶祝我阿爸的60大壽，
到了附近的尚興食潮州菜，
品嚐久未再嚐的胡椒豬肚湯，
雖然味道不錯，但已失去當年在深圳的滋味！

煩焗

最後沖刺，不成功便成仁！

應邀出席一個不情願的飯局，
交足功課做足戲，
陪了妹子做阿四！

一天裡發生太多事了，
回家時，身心簡直疲累到震！

韓烤

放工再來一場AOE2大戰，
之後出左 cwb 食韓烤，
(幾個細 farewell 細 r)
估唔到間野平日都咁多人食野，
不過服務及食物質素就唔值o個個價錢！

AOE2

大偵探 last day，
將手上幾十年的"珍藏"從櫃桶底找返出來，
盡是一些沒用的東西 (我覺得)！
唔知到我要走時又係咪一盒二盒的"珍藏"呢！

佢一走，大家就作反了，
將密室變為遊樂場！
波士果然係高手，
泰王都唔弱，
睇嚟要贏佢地跟本就無可能！ -_-!!

累事

原本泰王同桑姑有得大幅加薪，
點知就係有d自私的人，同自以為是的人 (同時出現)，
搞到一獲粥，加薪變為加辛！

颱風回歸，本來以為賺返半日，
點知街上通街都係人，
架架車都爆，
連平日一定唔會full的26號都出現要企位的情況，
簡直混亂一片，
返到屋企都差不多4點，
真係攞尼搞！

Pre 泰王大壽

本來今日諗住搞個生日party比泰王，
無耐天公不做美及其他原因，
最後只係變左一個小型飯局，
希望泰王唔好介意我搞得咁差啦！
(我一向都知搞手好難做！ >_<)

又有新消息，
大R會離開我地，
仲要好快o個隻！
睇尼e次大換血都幾傷下！

Cheap佬

一次過farewell 3位同事，
本來都唔算理想，
無耐又要扮高級，
但又唔捨得出錢，
叉燒飽、蝦餃、牛肉球......，
一窩魚湯米線13人分，
最後甜品竟然是馬拉糕，
真有驚喜！
早知係咁就我地夾錢請佢地食餐好d同飽d啦！

之後來個 section meeting，
發表一下自己的感受，
場戲都真係幾假下，
仲要坐足成個鐘，
好彩不正有請果汁飲下，
如果唔係真係會悶死左！

變形金剛

晚上去左睇變形金剛，
不過記錯左時間，
遲左睇唔到個開頭，失敗！ >_<

條片好長 (144mins)，無乜時間可以去廁所； :P
佢地個樣完全變晒，
跟本認唔清邊隻打邊隻，
由頭到尾都係一舊舊金屬打來打去！
細路阿爺個眼鏡.......爭到又有乜用呢？
最後麥加登之死更是有d講唔通，
點解唔一槍做低個細路先？
算......講故唔好駁故！


女王竟然無條件批出可以搞賽艇比賽，
真是意料之外！

無名

千絲萬縷，非常人可理解，請原諒我吧！

無名

找緊機會，回答模糊！？

無名

苦苦相逼，何必呢？

無名

時不予我，機會未逢。

無名

又為左o個件事搞到唔開心，點解!!

動漫展

無啦啦得到張免費飛可以去動漫展 (相片集)，
咁梗係唔好晒啦！ \(^o^)/
去到第一個感覺係 --> 都唔係咁多人去姐！
(不過那時已經係完 show 前的 2小時了，要去d人都去晒啦)
第二個感覺係 --> 豬扖、妖怪、恐龍大集會！
(完全係低水平的cosplay，唔該參考下日本d人點扮啦，仲有d裝太濃好嚇人架)
第三個感覺係 --> 年紀大了，又少了個容身的場地/活動！
(放眼一望，全部都係d十零廿歲的青少年，
而自己......唉......那一刻真係有無力的感覺)

行完都無買野比自己，
只係買左2件為左 farewell lunch 時用的禮物。

之後就去左食味精拉面 & 同另一位用家交流o下使用者心得。
發覺原來大家都係初心者，
而且大家都係在沒有使用者說明下，誤打誤撞的使用，
搞到周身傷晒，心力耗損，
更甚者對該產品產生恐懼/焦慮症，
出現極力逃避接觸該產品的症狀！

但無論點都好，
好多謝o個位用家的分析同交流，
反而我能提供的資料及幫助實在有限，
唔好意思！ ｍ（＿　＿）ｍ

11點幾先散，返到去超累！

攤抖

攞左2日假响屋企攤抖，
出面熱辣辣真係唔想出街，
無奈之前約左老朋友出來食午飯，
只好大汗疊細汗咁去左信德食澳門茶餐廳。
老朋友就係老朋友，無所不談，
談到禁忌位仍然肆無忌憚，
談到下午茶時間仍未肯走，
真是樂透！ ^_^

回到家比個 router 玩死，
其實都唔係，
罪魁禍首應該係個 NAS (LanDisk)，
無啦啦自己 enable 左個 DHCP，
搞到成個 network 亂晒龍，
搞左好耐先 check 到係佢出事，
仲以為咁快又要比錢買個個 router 添！ >_<
好彩最後都無晒事！

現形

庸人終於肯開口講返野，
咁都都無咁擔心。

另，事關泰王下星期一至三要閉關自修，
所以之前提議的團體活動要順延一下。
食飯？睇戲？......bababa......
現請各位大哥現身一下，
比個面，比個時間同地點我，
唔該！！ ｍ（＿　＿）ｍ


終於將D相放晒落 webshots，
有興趣就自己去睇下啦！

檸檬王

終於唔洗陪食，
但係就要陪罪。
因之前有人約了我4~5次，
都被我無情(?)的推掉了，
真係唔好意思！ 〈（＿　＿）〉

Yahoo 個相簿快要關門大吉了，
要快D手找到個又大又快又無限又免費的相簿先得！


從來並無自信
人云亦云
庸庸碌碌半生
連自己的ｘｘ運
也欠一點決心......

大豪客

午餐又係farewell食局，
一個4人套餐 + 一個招牌荷葉飯，
買單找數一共$1212.........（⊙＿⊙；）
好彩我係陪食唔洗錢姐 .............（￣▽￣）～■□～（￣▽￣）

褪變

背部的皮開始大幅大幅褪下，
痛苦......應該跟著退下吧！

庸人情況仲係唔多好，
但睇黎下了最大決心，
讓煩惱跟煩惱絲一口氣剪了下來吧！ ╮(￣▽￣")╭

D.O.A.

原來 D.O.A 唔係只係解作 Dead Or Alive，
D.O.A. 亦可以解作 Dead On Arrival ..............@_@!

今日個庸人好古怪，
都唔知發生什麼事！
識佢咁耐都未見過，
佢唔講我地又唔知！
唯有等燜地先再算，
希望放完假會好D！

又飯局

午飯時又被大偵探拉了去佢d farewell 飯局，
好彩今次唔洗我出錢，
但係黎緊都唔知仲有幾多餐要去陪食！ @_@

無厘頭組飯

- 大R旅行完回歸
- 請食朱古力同組飯

洪返

- 晒到紅卜卜
- 手腕舊疾復發
- 發現一部舊PC原來只壞了display card

尋求突破

- 船河
- 浪茄
- 水清沙幼
- 藍天碧海
- 學習浮水
- 浮沈4小時
- 晒到痴肺
- Pepperonis 晚飯
- 全日消費$20

冒險

- 無去食組飯
- manager 結果唔去
- 好彩
- 免得冒險
- 陳博士回來探班

回歸

- 樂樂HD回歸
- 多謝雪條
- 另有其人將回歸

我應該?!

- 預左
- 唔明?
- 可能無人會明
- 不作解釋
- 無力再寫

應該早已沒期待
應該心死為何仍未放開
應該不要回來任你傷害 ......

最後的‧使‧逃

~神秘島　　~O大　　~暈 　　~無聊
　　~等待　　　 ~迷走 　~被動 　~趕時間
~金鐘 　　~TST　　 ~1A 　　　　~不可能
　~騙　　　 ~罪　　　 ~完

汗積相

今日接到一位同事的一個非常特別的 order，
就係要將一張有2笪"非常嚴重"汗積的相片，
作出"適當"的修改，
以求令到收相片的嘉賓感覺"舒服d"！

其實我都同佢講明，張相無得救啦，
汗積非常明顯，改完張相可能會"好假"！
不過在佢苦苦哀求之下，
咁我唯有答應左佢！

其實修改都唔算好難，
只係在那位置吸色再放過隔離，
多做幾次相同步驟就差不多了，
難就難在响 office 環境，
房間很多女同事出出入入，
但又要放大張相 zoom 入去那(女)嘉賓的胸部位置，
再用 mouse 在上面畫來畫去，
比人見到一定以為我係大變態！ >_<

創造力 (creativity) 我就一向都無架啦，
但係我"老翻"能力同修改能力都算唔錯， (典型中國人 :P)
响我努力，努力，再努力之下，
終於完成了這個偉大的壯舉！
我自己都覺得好滿意，
那同事更稱讚：「簡直是奇蹟」 (^o^)

沙田‧停留

感覺很久很久沒有在沙田停留，
因為......所以......
不過今日因工作關係去左瀝源的馮黃鳳亭拍 video！
一路去一路落住大雨，
好彩事先塞左把姐落個袋度，
如果唔係，一定變水鴨！
拍完片順路攞左份禮品，
回到 office 已經 5 點半。

無雙 OROCHI 魔王傳

一連3日都被魔王吸引著，
放假在家操PS2，
初步起清魔王的來龍去脈，
不過，成八十幾個武將同佢地d道具，
真係唔知幾時先可以打得晒出來！ @_@

樂施會：走出課室，認識貧窮2

今個禮拜比上個禮拜仲 hea，
連活動都沒有參與，
只係坐在响 counter 度，
學 Arthur 咁係咁玩 PDA！
享受在 EMB 工作的最後一天！ :P
(明天起就叫 EDB 了，都唔明點解係都要加多個D字，真係多D餘！)

其實一個 officer 去都得啦，
係都要帶多個，好威咩？

生日‧快閃

今日係本少爺既生日，(係少爺，唔係公公 >_<)
一衆同事為本少爺搞了一個難忘既生日午餐！(仲有兩位神秘"加"賓添！ @_@)
唔得閒來或者就唔到時間來的朋友仔唔緊要架，
我知你地有心就得架啦！
多謝晒各位，仲有份禮物！ \(^o^)/

e幾日係咁食係咁食，
食到腸胃好似有d唔妥，
結果晚上都係回家食返d清清地的食物就算！ -_-

嚴禁5:30pm後接聽公司電話，
違者家法處置！！ >_<！

史力加3

極度 lucky，
因為大部份 webpage 都唔駛改，
超額完成所有 update！ ^^

晚上已有慶祝生日的活動，
晚飯、哈根達斯、電影(史力加3) - 粵語版果然係傳神D！
之後仲食左d又貴又大粒又唔好食既士多啤梨，
下次一定唔會再買！ >_<

趕7.1

連續放左兩日大假，
今日返到公司就幾百樣野等住我搞，
電話就更加未停過，
搞到成日都只後改到十幾頁網頁，
仲有幾十頁未改，
以e個進度，
7.1一定 launch 唔到 D update上新 server，
到時都唔知點算！

舊曆生日

家人為我慶祝舊曆生日，
本來要出街食飯，
不過到左最後竟然係叫pizza返來食！
無奈！ -_-
不過無論點都好，
有人記得總好過無！ Thank You！

樂施會：走出課室，認識貧窮

今日星期六都要返工，
好彩都唔算遠 -- 北角樂施會。

全日都係 hea 下 hea 下，
還參與其中的活動 -- 小英與阿 Nick，
都無咁悶！
(不過樂施會要求學員全部唔准著鞋入課室，
搞到我全日都要赤腳在地上走動，對腳又累又痛！)

翠華餐廳≠合發餐廳≠港式餐廳 ?!

同事想食"翠華"的豬軟骨撈麵 ，
於是相約晚上到銅鑼灣"一嘗心願"。
事前在網上找了一些資料，
發現翠華餐廳、合發餐廳、港式餐廳係同一集團的，
於是就興高采烈的成行！

去到銅鑼灣，發覺翠華那邊唔知點解特別多人，
而隔離舖的合發就得烏蠅幾隻，
而且又見到有個staff由翠華那邊行過去合發，
心想可能係人地唔知佢地關係姐，
何況佢地個餐牌有九成相似，
所以就入左合發！

點知找來找去都找不到翠華的特價晚餐，
於是一問之下發覺佢地兩個餐廳係"唔通"的！
被"窘"了！！
不過"豬軟骨"同事還是嘗到佢要吃的！

沒有女皇及公主的日子(第9天) -- 長隆水上樂園2

昨天完成了我們的行程目的，
今天我們的角色來了個小轉變，
就是來做陪客 -- 等導遊領"人頭"好交數！

8:30A.M. 酒店自助早餐
--> 9:10A.M. 出發到第三"景點" : 馬應彪故居 (先施的創辦人)
--> 9:30A.M. 抵達了馬應彪故居並逗留了約15分鐘 (實在太無聊了)
--> 10:20A.M. 抵達第四"景點" : 農藝坊 (跟住又係大約45分鐘的"講座"同購買參藥時間！)
--> 11:20A.M. 抵達第五"景點" : 水雲嶺 (跟住又係大約45分鐘的"講座"同購買茶葉時間！)
--> 12:30P.M. 抵達第六"景點" : 有孔蟲雕塑公園 (又係無聊的15分鐘遊公園時間)
--> 1:00P.M. 午飯時間 (總統家常宴) (咪又係八餸一湯典型旅行團套餐！)
--> 2:15P.M. 抵達第七"景點" : 西子蘆薈園 (跟住又係大約45分鐘的"講座"同購買蘆薈用品時間！)
--> 3:15P.M. 抵達最後一個"景點" : 濠江鉅記手信店 (當然唔少得30分鐘的試食及購物時間啦！)
--> 4:00P.M. 抵達唔知什麼名稱的按摩店
　　　行程基本上已完結了，不過因為回港的船要7:30P.M.先有，所以導遊當然唔會放過這個機會，車了我們到一家按摩店 relax 一下咁話 wor，當然佢又唔知又抽起幾多巴仙啦！ 附近又無野行，又無野食，有被帶入黑店的感覺！ 不過你精我地都唔笨，各自 "relax" 左一個鐘之後，就 hea 了另一個鐘！
--> 6:30P.M. 抵達中山港碼頭
--> 7:40P.M. 出發回港
--> 9:10P.M. 回到香港中港城

吃過晚飯，回到家時已經11:00P.M.，女皇及公主已經在家"恭候"多時！ :P

總括來說，每人$500玩2天 (全包) 都算係幾抵，(可能係白老鼠團關係，自由行可能都唔得)，只係多左d無聊節目加插在內！不過一分錢一分貨，唔要求得咁多！ :P

沒有女皇及公主的日子(第8天) -- 長隆水上樂園1

參加左永安的長隆水上樂園兩天超值團 (ZWW02) ，
晨咁早就要出發，事關行程豐富，包你無時(想)停下來！

6:30A.M. 尖沙咀中港碼頭集合
--> 7:30A.M. 開船
--> 9:00A.M. 到達中山港
--> 9:20A.M. 抵達第一個"景點" : 龍井坊風情園
　　　導遊給了我們約一個小時"盡情"消費，包括有乘牛車，射箭，食BB鴒，鯪魚球，豆漿等！
　　　(不過團友們可能未習慣"零"團費這種旅遊模式，所以大家都有點怨言及不知所措！哈哈！)
--> 11:00A.M. 到達第二個"景點" : 蜂彩林
　　　一聽個名好明顯就知係同蜜蜂蜜糖有關啦！跟住又係大約45分鐘的"講座"同購物時間！
--> 12:30P.M. 午飯時間 (八寶冬瓜盅宴)
　　　"八寶" means 八個餸，"冬瓜盅"就係個湯，真係好典型的旅行團套餐！
--> 2:15P.M. 到達今次旅行的目的地 : 番禺長隆水上樂園 (6月13日開幕)
　　　未入去導遊先解釋一番樂園要注意的地方，原來入場票價係唔包括 locker 的租金 (￥15) 及按金的 (￥35)！ 另外，如果要水泡又要另外比錢的！ 真係識滾錢！
　　　入到去拿拿聲換衫 (因為只有3個小時玩)，點知佢仲拍緊d什麼宣傳片，搞到有兩個game排晒長龍！又有兩個game未開，真掃興！最後，又因為行雷閃電關係，樂園暫停了約半小時！結果，玩到最後一個game時已經是大約五點了，拿拿聲換衫出返去集合！
--> 5:45P.M. 自費晚餐 (被導遊騙了共$80大元來品嘗"典型旅行團套餐" >_<)
--> 7:30P.M. 長隆國際大馬戲"森林密碼"
　　　都算幾精彩 ^^！
--> 9:00P.M. 回程到中山海逸酒店 (聽說是6月6日開幕的，都算唔錯)
--> 10:00P.M. 抵達酒店
　　　成個鐘頭車程，坐到骨頭都散晒，已無心情和體力到酒店對面的市集遊覽！ 先來個熱水浴，不過d水慢到好似快無水咁，真係......唉！ 出到來休息左一陣，同室友有少許意見分歧，像小孩子般來個"枕頭大戰"(好彩唔係自己屋企！ :P)，玩累了就死晒去瞓覺！

咁就完成了一天 (其實係全團) 的行程！ ^^

沒有女皇及公主的日子(第7天) + 父親節

女皇及公主都不在，
結果沒有大事慶祝父親節，
只是叫了個pizza餐食飽就算！

沒有女皇及公主的日子(第6天)

屋企有部電腦個 hard disk 死左，
點都救唔返 (連 data 都......) x_x

全日努力安裝，update，安裝，update，......
終於 recover 返 9 成似，
不過唔知點解重裝後仲慢過以前，
明天要再 fine tune 一下先得！

歷史博物館學習日2

今日細r 無得出來，
唯有一支公搞掂個 workshop！

同上次一樣，成個早上都響演講室外，
不過今次就好少少，
走左去佢地個 terminal 度上o下網，
起碼時間都過得快少少！

中午，大偵探唔知係唔係約左人，
落住大雨，冒著遲到的危險，
都要外出午餐，
所以我又係一支公響 canteen 搞掂！


報團小插曲，
出生日期被打錯了，
明明睇住佢打時無錯架?!
點解出來唔係o個日架?! @_@
只好打電話上去更正！
好，萬事俱備，
只要到時唔下雨就OK了！ ^^

全方塊workshop - 添食篇6 ( = round 21), THE END?!

今日係最後一次 (不正年代) 嘅 slp workshop，
亦都係不正個位嘅 interview board，
不幸地比大偵探指左去 serve 個 interview board，
仲要比扮大佬當正阿四咁指來指去！ >_<

中午因下雨關係，
終於留在 centre 內食飯盒，
$18 細細盒，水都無杯，
又唔係好食過人，
真係諗清楚先再有下次！

放工趕頭趕命趕去旅行社報名交錢，
終於在 deadline 前趕到，
下星期一、二有著落了！ ^^

沒有女皇及公主的日子(第3天)

繼昨天大偵探公然在辦公時間打電話比保險姐姐長談之後，
今日又再相約保險姐姐上來 office 見面！

事源係佢早一排找了 x栢的保險姐姐上來傾佢d退休醫療保障，
都傾左2~3次了，一切都簽好晒，
點知比佢發覺左佢個 plan 之後出多左 d 優惠，
佢覺得唔抵，所以就打電話同人地理論！

人地都係 agent 尼姐，有優惠自己又袋唔落袋，
點解會有都唔比你wor，唔想做生意咩！
保險姐姐只好無可奈何地再次同佢簽過張新 contract！

講開又講，其實大偵探都幾怕死的，
除了經常驗身之外，仲買重醫療保險！
(人地醫療融資講緊每月$100都牙疼咁聲，
佢竟然買緊每月七百幾！)
仲要驚死人地唔會肯受咁，
將自己d病歷，如高血壓，照過幾多次超聲波...等，如實報告！
搞到好似好多病咁，連保險姐姐都唔知點同佢寫好！

果然真係越有錢越多病痛，
窮人身體係會強壯d！ :P


長隆水上樂園，
我就快來探你了！ \(^o^)/

沒有女皇及公主的日子(第2天)

一個字......趕！

早上發覺原來唔記得左燙衫，
拿拿聲燙住件著住先！
遲左出門口，上唔到班車，
搞到遲左成3個字先返到去！
之後就全朝偷懶 --> 轉片！ :P

食完午飯，去培正中學幫 nss 拍 video，
點知等極都無113！ (平時就鬼死咁多)
一係就唔黎，一黎就黎兩架，
e+ 係咪玩野先！ >_<
去到已經係2:45pm，
佢地已經等得唔耐煩，
四出打電話挖我！ :P

影完又未夠五點，
只好回 office 放底 d equipment 啦！

走o個時見住兩架巴士跟住走，
之後又等左鬼死咁耐都無車！
趕住返去買飯盒食架ma！ >_<
好彩最後都趕得切響人地收鋪前落order，
買了個平價飯盒做晚餐！

沒有女皇及公主的日子(第1天)

放假在家中，
好像沒有什麼事做過，
但係時間又唔知點解過得好快！

晚上聽到一個駭人的消息，
就係一架昂坪纜車甩鈎從五十幾米高處墜毀，
以致全車解體，
幸無人受傷！
咁危險，你叫人以後點敢坐你啊？！

(ref: http://news.sina.com.hk/cgi-bin/news/show_news.cgi?ct=headlines&type=headlines&date=2007-06-12&id=2399262)

Wii + 無飯家庭生活 + 炸彈

約左友人去打 Wii同睇相，
點知去到佢地3決1，
8個人打一部 Wii 又唔係辦法，
所以就免為其難的破介落場鄧腳一次！

我的牌技唔算高，
但係唔知係好彩定係佢地分左神 (睇人玩 Wii)，
到最後竟然都有收穫！ :P
睇怕以後佢地都唔會放過我！ -_-!!

看過啟德2期的資料，
睇黎同我無乜緣了！

食完飯返到屋企，
女皇及公主已乘車出發去緊機場，
踏上佢地埃及9天之旅，
無飯家庭生活又正式開始了！ -_-!!

回到家都未坐定，
一個久違了的TC同學打電話來，
仲放了一個大炸彈過來， (好彩仲有5個幾月先係)
仲有一個2天的重要任務交托過來！ (......汗！盡力而為吧！ @_@)
恭喜晒！ (不過我點都諗唔到你都......)


最後....你也走了

曲：殷文琦　詞：潘偉源
編：杜自持　唱：劉德華

凝淚蓋住了視覺
而思緒帶來了動盪
寂寞在舞動侵佔歡樂
懷疑她於身邊
徬徨將心寄託
然後再發覺　她早已是幻覺

明白妳讓我付託
憐惜我愛情已沒落
盡量地替代　給我歡樂
然而她的影子　仍無聲牽引我
無論妳再似　都不過是幻覺

前事至今並未忘記
如刀鋒心裡亂割
願妳抽身歸去吧
毋要我欠太多
門內看著妳伴那影兒
盪向雨聲中飄泊
在妳消失以後　更冷漠

克勤新歌 - 紙婚

今早要去"九育"為個鬼佬麥包拍video，
無啦啦就唔見左一個早上！ >_< (雖然我通常是用來瞓的 :P)


晚上，聽到克勤的一隻新歌 - 紙婚，
感覺唔錯，又易上口，
值得一聽！ (特別點比某人聽！ >_<)


紙婚　　

作曲：C.Y Kong
填詞：黃偉文
主唱：李克勤

何時建起了　幾道圍牆
這一頭家　本來非這樣
嘗試穿過　透明屏障
發覺你　人在心不在場
逐漸喪失　親密磁場
有盞紅燈　淒然的發亮
而你彷似正懷疑你
來年同行伴侶　並未達理想

*想扮成　無事故　歲月如常
但我知　其實你　不想
再對著我　抱著我　親密如常
去年還　承諾過　貧窮和病塌
都奉陪　陪著我　上路離場
但那些　其實紙一張
以愛情來　填滿的
用年華　維繫的
縱是銀或金或張白紙
依然完全沒保障*

明明約好了　開辦農場
要當兒孫　將來的偶像
來到今晚　變成惆悵
原來從前大計　薄弱像妄想

Repeat *

漏夜在結霜
想扮成　無事故　歲月如常
但我知　其實你　不想
再對著我　抱著我　親密如常
去年還　承諾過　貧窮和病塌
都奉陪　陪著我　上路離場
但那些　其實紙一張
愛到頭來　能強積
或無人　能累積
那是人類美麗的幻想
只能求　無力保養

凡事都有第一次

大偵探一唔響度我地就作反！ :P
下午叫左 pizza 返房食！
不過Cheesy Bites扭扭批就真係無乜咁特別，
比我就唔會再叫第2次。

晚上同友人上左山頂的Bubba Gump食飯，
原來佢地想同我做個有驚喜的生日party，
仲叫晒D waiter 圍住我唱生日歌tim，
簡直又驚又喜， (全餐廳d人都望實你)
真係多謝晒你地囉！



指紋算命
(Ref: http://www.min.com.tw/freefate/finger/index.asp)

屬性類型
求好心切型

個性分析
1. 認真.負責，是一位優秀的領袖級人物。
2. 說話圓融，有好口才。
3. 很有愛心，對於財務及家庭庭問題。
4. 個性保守固執。
5. 你是一個才藝洋華的人。

運勢解析
1. 勤勞，認真將使你的事業有好的發展。
2. 朋友都喜歡跟你相處，也深受主管的喜愛。
3. 勿太偏執，會導致朋友失和，失去工作。
4. 收斂你的脾氣，你將可以成為一個成功的人物。

婚姻解析
1. 男生要有保守的天性且對愛情負責。
2. 女生將全心全意對他喜愛的男生，而男生也會對他愛的人死心踏地。

你適合的職業
1. 政治家。
2. 公務員。
3. 音樂家.文化藝術家。
4. 美容.化妝業。
5. 藥品業。

健康上，應多注意的部位
1. 血液循環器官
2. 肝臟.胃腸.皮膚

流年運勢
1歲 平　21歲 平　41歲 平　61歲 平
2歲 平　22歲 吉　42歲 吉　62歲 吉
3歲 平　23歲 平　43歲 平　63歲 平
4歲 吉　24歲 吉　44歲 吉　64歲 吉
5歲 平　25歲 平　45歲 平　65歲 平
6歲 吉　26歲 吉　46歲 吉　66歲 吉
7歲 平　27歲 平　47歲 平　67歲 平
8歲 吉　28歲 吉　48歲 吉　68歲 吉
9歲 平　29歲 平　49歲 平　69歲 平
10歲 吉　30歲 吉　50歲 吉　70歲 平
11歲 平　31歲 平　51歲 平　71歲 平
12歲 吉　32歲 吉　52歲 吉　72歲 平
13歲 平　33歲 平　53歲 平　73歲 平
14歲 吉　34歲 吉　54歲 吉　74歲 平
15歲 平　35歲 平　55歲 平　75歲 平
16歲 吉　36歲 吉　56歲 吉　76歲 平
17歲 平　37歲 平　57歲 平　77歲 平
18歲 吉　38歲 吉　58歲 吉　78歲 平
19歲 平　39歲 平　59歲 平　79歲 平
20歲 吉　40歲 吉　60歲 吉　80歲 平

運勢結論
你很適合替朋友拉紅線，也是婚姻生活美滿快樂，人人稱羨的一對，不易發生婚外情，不要把錢看的太重，適時回饋給社會，你將會有意想不到的收穫。

全方塊workshop - 添食篇5 ( = round 20)

今日終於唔駛去 workshop，
留返嚮 office 發毛！ :P
(不過平時去到都係發毛時間多)

茅小姐今日 last day，
佢親自送餅過來，
本應該多謝佢 & 同佢傾返幾句，
可惜個電話講極都唔肯收線，
就係咁連最後一句 Bye Bye 都無講到 lu ......
(祝佢前程似錦，生活愉快啦！)

中午時分，
樂樂過開黎灣仔，
所以順便找我們食飯！

下午電話遙控 KTC 那邊幫手搞星期六的 function，
萬事俱備，只欠alan！ :P

晚上睇左 -- 特務戇J (Johnny English)，
雖然無"戇豆放大假"咁好笑，
不過也不失為一套好(笑)片！


(還餘1次)

減1加3, 激死!!

今日見過茅小姐的下一世，
當堂有如由天堂跌落地獄般，
成個13/F的平均年齡即刻上升！
(事後知道左下一世決定唔do，都放下心頭大石！ :P)

奭奭姐換左新 look，
電左個靚頭，成個唔認得！ 0_0
(不過都係以前個 look 順眼 D)

明天的workshop終於唔駛我去，
係細r獨當一面的時候了，great！ ^^
(不過我都費左一番唇舌先說服到佢地，
細r你比心機，唔好浪費我一番心血！)

去少一場workshop，
但係又多左3場video shooting，
真係想死！ >_<

放假，放假，放假......我要放假！

當代男女關係教材套

今日在網上surfing時，
找到一編幾特別的文章(講座課程內容)
(Ref: http://www.stephen-kg.com/1/freedownload/003.doc)


當代男女關係探究

當代男女在“男女關係”中，一般期望過高，以致容易出現“失落感”。本課程以社會科學的多角度方法，探究現代男女關係的種種問題，以引導學員自己在一段關係中找一個合適的“定位”。

第一講：總論

自有人類以來，兩性關係即展開。原始人集體交歡，羣婚的目的主要在於解決生理上的需要與及繁衍後代。然而，隨著人類文化的進步及社會的發展，男女關係漸漸變得複雜。在生理交合的過程中，由兩性平等一轉而變成“陽具中心”，再而以女性的“多次性高潮”為性愛的理想。在社會生產的過程中，亦由“男女分工”，轉而變成，男尊女卑，“男外”，“女內”，再到“各自為政”的局面。這若再加上生活模式，觀念及道德思維的變革，在當代要找出一個公認及大家支持的男女關係模式，簡直已變成“不可能”。

研究男女關係，一般可循下列的方法去探討：
(1) 人類學，歷史學 ─ 以研究古今各個民族在有關方面的行為及思想為目標；
(2) 社會學 ─ 以生產模式，權力關係，社會型態結構等作主題；
(3) 宗教學 ─ 以宗教目的及道德思維作考慮點；
(4) 心理學 ─ 以生理及心理反應去探討人類性愛行為；
(5) 未來學 ─ 以研究人類性愛模式的未來趨勢為思考對象。

另外，以下的六個因素，對當代男女關係亦有影響：
(1) 基督教的“一夫一妻制”文化模式，以一男一女的結合為理想。
(2) “性愛合一”及“靈慾一致”的性愛思維。
(3) 避孕方法的普及，令“性”與“生育”問題脫勾。
(4) 性病的流行。
(5) 不育主義及獨身主義的出現。
(6) 唯性(享樂)主義。


第二講：古今中外的愛情觀比較

人類歷史出現不少的愛情觀念，並引述如下：
一) 古代人類沒有所謂“愛情觀”，只有“求偶行為”，目的在交配及延續後化。
二) 文明持續發展，在古代中國漸次發展出以“兩情相悅”及“相互扶持”的“愛情觀”。這愛情觀的重點在於“關懷”及“照顧”，重“恩情”而輕“激情”。
三) 東西方在古代差不多的同一時間，均發展出一種“功利愛情觀”。以男女的婚姻去保障家族的利益及繁衍更優秀的下一代。
四) 古印度，以享受“性的歡愉”為“愛情”的最高表現。
五) 西方中世紀，出現“浪漫愛情觀”，以“精神之傾慕”為愛情最神聖之表現。
六) 基督教以“一男一女”為理想結合模式的愛情的(倫理)觀。
七) 近代的，“火花式(激情)愛情觀”，以“不在乎天長地久，祗在乎曾經擁有”為口號。
八) 亞洲近代的“以金權換肉體”式的愛情觀。
九) 日本人的“幸福生活愛情觀”以保障生活條件不會下降為首要觀念的愛情觀。
十) 時下年青人的“感覺主義”，以“有feel”為首要考慮。

此外，在古代希臘亦曾有所謂的“柏拉圖”(純精神性)的愛情觀“。而就愛情的進行過程而言，東西方均有“緣份”的觀念。


第三講：愛情力學

甲.“性無能”是一種病。同樣地“愛無能”也是一種現代都市人的帶。“愛無能”是一種“對愛情感到疑惑及不安，不敢去愛”的一種狀態。此中原因涉及愛情的多元力量的此消彼長。

乙. 影響愛情的因素：
1)性的驅動力；
2)道德及責任感；
3)宗教信仰；
4)經濟的壓力；
5)社會身分及角色；
6)年齡及性別；
7)社會的資訊及觀念(ie.社會的“色情資訊”普及)；
8)地區人口的性別比例(ie.男女的比例是否貧懸殊)；
9)鄰近地區的經濟發展(ie.有沒機會“包二奶”等的問題)；
10)法律條文有關規定(ie.婚姻法例的內容及規定)。

** 7 至10 項為宏觀的社會因素。

丙. 另外，一段愛情的發生亦牽涉多方面的組合，並說明如下：
1)何人(who) ─ 跟進在拍拖自己的表現及對方的要求是否都一樣？
2)何地(where) ─ 在異地會否特別容易發生戀情呢？環境對一段愛情有什麼影響？
3)何時(when) ─ 一段愛情在什麼年紀發生呢？不同年紀所追求的愛情有沒有分別？
4)何故(why) ─ 一段愛情為什麼發生呢？是因為“寂寞”？是因為“需要”？還是因為“緣份”？！
5)何事(what) ─ 一段愛情的本質是什麼呢？是“交易”？是“神的恩典”？
6)何如(how) ─ 一段愛情如何愛生？有什麼機緣巧合的地方呢？


第四講：性情‧男女

一) 男女對性愛及感情一直存在著分歧，下面以點列式說出他們的分別所在：

1) 男人重“新鮮感”；女人重“安全感”。
2) 男人重“性”；女人重“愛”。
3) 男人重“實際”；女人重“氣氛”。
4) 男人重“視覺”；女人重“感覺”。
5) 男人希望自己是對方的第一個男人；女人希望自己是對方的最後一個女人。
6) 男人希望自己女人的數目越多越好；女人希望自己男人的數目越少越好。
7) 男人把事業放在首位，戀愛只居生命的一部分；女人以戀愛，婚姻為其生命的最重要成分。
8) 男人用理性去處理感情，女人則用感情去引導理性。

二) 此外，兩性也有一些相同的重要，即：被愛、被尊重、被重視及被明白。

三) 男女性格/心理之具體象徵：

i. 戰鬥性 vs 生產性
ii. 直 vs 曲
iii. 抽象 vs 具體
vi. 硬 vs 軟
v. 工具性 vs 感情性
vi. 陽 vs 陰
vii. 英雄 vs 美人
viii.威猛 vs 柔弱

**男女說話的方式：清晰，直接 vs 不清晰，不直接，

四) 性愛的目的，在男人而言，是一種“征服”，是一種“發洩”；但在女人而言，則是一種“感受”，是一種“交流”。


第五講：當代男女關係的趨勢及暗湧

一. 當代男女關係的發展有以下的兩個趨勢：
1) 遲婚主義 ─ 隨著社會發展及生活水平提高，教育普及，當代男女的結婚年齡平均皆向後推遲；
2) 優生主義 ─ 以“少生，優生”及“貴精不貴多”為生育原則；

二).現代社會的男女關係，亦有以下的十多個暗湧：
1)不育主義 ─ 不贊成傳統結婚生子的說法；
2)獨身主義 ─ 重視個人空間反對婚姻；
3)婚外情數字的飇升；
4)女性婚外情數字的倍增；
5)離婚現象普遍；
6)早談戀愛及發生性行為；
7)“多角關係”及“不忠行為”普及；
8)“非處女情緒”(以“不是處女”為榮)；
9)唯獨主義(“一夜情”及“性愛至上”)；
10)虛擬性愛(網上性愛及i.c.q)；
11)分房婚姻、獨立同居模式；
12)良性離婚；
13)合約的婚姻(盛行於北美)；
14)婚姻合作伙伴關係(財政各自獨立，但分工清楚，例如：丈夫負責“供樓”，妻子負責日常雜項支出)；
15)婚姻非擴大化(不與對方親戚來往，不擺酒等)
16)“無飯”夫妻(太太不再負責家務)
17)“非子”媽媽(把兒子/女兒的撫養責任的絕大部分交予他人，如：親戚或工人手中)。


第六講：當代的性理論

一) 據一些未來學家估計，在廿一世紀出生的人士，一般會經歷三次以上的戀愛才會結婚；而且半數以上的人也會經歷兩段以上的婚姻。

二)大體而言，我們可從兩個角度去處理倫理關係的問題，說明如下：
1.自由─ 個人主義倫理取向─以“個人享樂”為行事時的最大考慮。認為行事者若能承擔事後效果的，便應果敢地行動。又認為任何事情，最重要的是各自己交待，不用考慮其他人的意見。
2.集體─ 社會主義倫理取向─以“集體利益”為行事時最大考慮。認為人是社會的一負，因此人的行為須向他人負責，不能只顧自己的享受。

另外，倫理考慮也要考慮：1)事前的“原則性”；及2)事後的“後果性”。也就是說，“原則性”行事考慮方法是根據一些事前已認定的“倫理原則”去行動；而“後果性”行事考慮方法是顧及“可預見的後果”去處事。

二) 性倫理的課題很廣，主要包括下列幾方面：
1. 婚姻 ─ 婚姻的見的為何？婚姻中雙方的責任為何？
2. 性愛 ─ 什麼形式的“性愛”，才不可接受呢？
3. 生育 ─ 為什麼生育？如何管理下一化呢？應否及如何採用“避孕”方法？
4. 離婚 ─ 應否離婚？在什麼情況下才應該離婚？如何離婚？

另外，婚前，婚外的性關係也有所謂的“遊戲規則”。總而言之，性倫理的重點在探索出一個適用於(並且有利於)整體人類生存，活動的指導性思維。而隨著基因工程及複製技術的普及，廿一世紀的男女關係將呈現出更複雜的現象。

獨樂樂...

留晌屋企涼冷氣就最舒服不過！ \(^o^)/

全日玩PS2 - Burnout Dominator，
裡面有首歌都唔錯，
係 Avril Lavigne(艾薇兒) 的 Girlfriend

Hey Hey You You
I don't like your girlfriend
No way No way
I think you need a new one
Hey Hey You You
I could be your girlfriend .......


跟住仲睇左"戇豆放大假(Mr Bean's Holiday)"，
對白唔多， (就算多都唔識聽...俄羅斯文同唔知係唔係的西班牙文?)
不過一樣笑到捧住個肚，
的確係解苦悶的良方！

暑假真係到了?!

今日酷熱天氣警告全日高掛著，
其實我也懶得出門，
不過友人們一早就約左入元朗食飯，
放飛機就不太好罷！

席間，大家談得興高采烈，
講講下就講到今年暑假的節目，
個個都話想去旅行，
更有人有錢到話去中東10天遊，澳洲30天自由遊！

可憐我端午節都仲未plan好，
D workshop 死極都唔斷氣！
究竟我的暑假幾時先到？

全方塊workshop - 添食篇4 ( = round 19)

全日順利到無人信！
老師要黎的一早黎晒，
唔黎的始終唔黎！ XD

早上將d工作全部給細r搞，
自己就偷閒的去左 library team度傾計同食tea。 :P
回來時又係無所事事，
就開始做點小手工同摺紙飛機玩下！ :P


作品一： 無題


作品二： Smiley Face


作品三： 毛毛蟲


作品四： 面譜


作品五： 汽水樽


作品六： 火箭


全家福 XD

下午大大原本會來視察一番，
但係結果都係無出現到！

晚上同 IT 組 d 舊同事去旺角食飯，
各人近況都很好，
大家又係興盡而歸。 :D

(還餘2次)

不吐不快

大偵探E一兩日好可能無乜野做，
唔係響度釣深海魚就係找人講人生大道理，
大有不吐不快之意！

其中有一段"道理"我就覺得最為反感！

話說魔警當年因一件小事被大大罵了一獲，
之後佢再被士巴拿同大偵探照多次肺，
差點就成為雙失青年！
之後因為士巴拿的離開及被大偵探的重用(1拖7，好野)，
魔警就沒有再被照肺了！

但係大偵探覺得魔警"成長"的功勞，
就係佢地的照肺功夫了得，
如果唔係佢地，
魔警係唔會醒覺咁話！
(這段說話我其實唔只聽過一次了!!)

嘩！唔好咁自大啦，聽到我想反胃！ >_<

另外，細r結果都係要去明天個workshop，
事關唔夠人搬野， :P
真係辛苦晒！

放假hea返日

食完午飯去左sogo換返件衫，
跟住去銀行重組返D account，
(鬼死咁多人，都唔知點解會有咁多人咁得閒！) :P
再去眼鏡88配返個新眼鏡，
唔算太貴，折完仲有折，
(多謝桑姑張coupon :D )
星期四有得攞lu！
(7年來，近視度數竟然沒有變化，
而且散光竟然唔見左 @_@！)
(仲有就係，一直以來我都以為我右手邊都發達d的，
原來唔係，我是左眼為主眼的！o_O)
跟住再去pk shopping，
買左百多元野，
攞到死死下！

"焦熱地獄"遊記

昨日(星期六)大廈早上九點幾開始無電，
(做電箱更換工程)
再加上「酷熱天氣警告」，
在家裡的每一秒都好似焗緊桑拿！

結果都係頂唔順出左街，
在銅鑼灣hea左一個下午，
再回到屋企附近的酒家吃個晚飯，
搞到10點幾先回家！

回到家裡，一片漆黑，
點起蠟燭，已經汗流浹背！
沖個凍水涼，只得一時的涼快！

沒電視，沒電腦，沒娛樂，
只有瞓覺一途可選！
可惜一上床，
D汗 ba ba 聲咁流，
完全瞓唔到，
眼光光睇住個天閃電，跟住落雨，
但完全都無涼快的感覺！

直到4點幾，
真係頂唔順先瞌左一陣，
但係7點幾又已經醒鬼左！ T_T

最後，九點幾終於有返電，
拿拿聲開返個風扇先，
條命仔終於可以得以延續！
簡直好似由地獄返返人間咁！

我部電腦個 cmos 竟然無左電要 reset 過，
真係未試過(用咁耐)， (以我自己用的電腦來講)
我諗都係時候諗諗換機了！

歷史博物館學習日

早上被放逐出演講室外，
企了個幾鐘，腳仔都軟晒！

午飯時原本要出去四出覓食，
發現原來博物館內部有個canteen，
價錢唔貴，又懶得行，
就入左去試下，
味道都OK啦！

明天大廈就會停電一整天，
(直到星期日早上9點)
無電既日子都唔知點過......@_@

Financial Planning + New Google Service

難得一日放假，
留响屋企入返晒D數，
同做返少少planning！
Morningstar 算係一隻唔錯既 tools！ :D

四處遊覽於Google既service，
原來除左有網上excel之外，
E+仲有網上word同notepad，
仲可以直接save做PDF檔添！
真係太好了！

終於知道RSS/Atom點用，
Web2.0原來都幾方便！

紅海

終於唔駛出workshop，
可以清返D email，
又係紅海一遍！
唔知幾時先有機會可以親身去紅海呢？

海洋公園學習日2

今日仍然都係落住好密的雨，
老天爺好似要為某些東西而哭泣著。

早上架車玩大遲到，
搞到大偵探急到跳舞！ :P

落車時細 r 個 bag 無啦啦斷帶，
搞到要手抱書包，狼狽不堪！

午飯時終於停左雨，
所以去左玩機動遊戲。 :P

首先行左去過山車處，
不過剛剛開出了，
所以就去左第2個game - 海盜船，
不過因為無人玩的關係，
所以又玩唔到！
再過去跳樓機玩啦，
又因為天氣關係唔開！
最後諗住事但玩D野就算啦，
(因為要開工啦)
去到翻天飛鷹，
見到剛剛關門，
諗住沖入去可以玩到啦，
點知個 staff 轉個頭就走去按左個制！
又無得玩！！ >_<

行返轉頭，見到過山車又有人玩，
拿拿聲沖去啦，
終於趕得上，有得玩啦！ :D
仲有一樣更神奇的就係，
明明最後一pair人上車，
竟然可以坐車頭位置？！
唔知係福定係禍，
我同細 r 同樣袋了個眼鏡入褲袋，
落車時， 細 r 發現佢個眼鏡竟然裂左， @_@'
與此同時，我發現其實我地已經過左集合時間，
拿拿聲又沖返去！ -_-!

下午，細 r 就好似盲左咁， :P
八百幾度應該係睇唔到D乜架喇！

回程架車又玩遲到，
不過好彩唔趕，
所以大偵探都無乜變臉！

夜晚本來想話到高登配返個眼鏡，
點知一睇見D價錢就走返出舖，
事事但但一個框都過千，
都係等發左達先再幫襯過！ :P

海洋公園學習日

仲記得上年同占士一齊去海洋公園搞workshop，
話咁快就一年喇！
今年所有野都變晒，
無熊貓，無海棠，無海豚，無阿bell......
唯一無變的就是，又係一個下雨天...... >_<

午飯時間同細r落左山去玩了個"威威至激之旅"，

雖然唔係3D，不過感覺唔錯，

起碼好玩過迪迪尼那個先！ :D

回程時聽到消息話今年公務員有望加薪約4~5%，

Ｏｈ！Ｇｒｅａｔ！ :D

(唔通運氣好轉返?!)

大R今日遲到早走，
仲要比大偵探見到晒，
更加比左好大個借口佢唔去服大R！

仲係信佢唔過?!

早上全部大大粒都出晒去，
非常清靜，
樂得返炒舊雜誌，
再將其棄之！ :P

點之後來佢地全部又返晒來，
spm 仲話我知一個(壞)消息，
就係workshop好似人手多過頭，
要再減多一個tim！
喂，logistic 來來去去都係得兩個人，
你地講野都3個人啦，
其中有兩個又唔會幫手的，
不如考慮cut左講野d人手先啦！

其實細r都好努力架啦，
點解佢地仲係信唔過佢呢！

午飯後，細r個 monitor 突然出白煙，
就係咁就去左lu，
真係黑仔！

放工約左Amy出來講份投資"保單"，
講完之後再套下佢同鄒氐的關係，
得出感覺好似只係普通朋友關係！
係我多疑？鄒氐的痴想？
定係一切都係一個騙局呢？

全方塊workshop - 添食篇3 ( = round 18)

又係順利的一天！
Lunch 去左樂富食飯，
都已經乘的士來回了，
還是趕頭趕命！
(還餘3次)

膽小鬼

由於膽小關係，
過早離場，
以致損失(羸少)了紅利！
果然賭博/投機項目真的不適合我！

炒股票好過返工?_?

唔怪之得d人話炒股票好過返工啦，
前後共11日，
得紅利為本金的18%，
不過由於本金太少，
所以......不直一提！

蜘蛛俠3

蜘蛛俠3沒有想像中咁好睇，
沒什麼驚喜，
只是大家餓片餓久了而已！

解放軍司令首次檢閱畢業警

(Ref1: http://news.sina.com.hk/cgi-bin/news/show_news.cgi?ct=headlines&type=headlines&date=2007-05-13&id=2382069)
(Ref2: http://hk.news.yahoo.com/070512/60/27ag9.html)

　　香港警察學院昨於黃竹坑舉行今年七一前最後一次結業會操，首度邀請解放軍駐港部隊司令員王繼堂中將檢閱會操儀式。王繼堂於會上表示，希望警隊日後能夠與解放軍部隊保持合作、加強交流，並親自祝賀今屆取得榮譽警棍的最佳見習督察女學員丘凱恩。

　　王繼堂司令員為大會致詞時，盛讚警隊是一支訓練有素的紀律部隊，面對各種新挑戰都懂得以沉着的態度應對，對普羅大眾更堅持「服務為本，精益求精」的理念。他亦祝願新畢業的學員，能夠於未來促進香港的繁榮和穩定，為締造市民的福祉做出更大貢獻。同時，他希望加強解放軍部隊與警方的進一步交流，共同服務香港，報效國家。

　　會後，王繼堂司令員與警務處處長鄧竟成，親自祝賀今屆取得榮譽警棍的最佳見習督察女學員丘凱恩。廿四歲的丘凱恩，於十五名見習督察學員中脫穎而出，取得最優秀的成績畢業。她在報讀警察學院前，曾於香港大學獲得社會學哲學碩士，惟她感到學術研究工作過於沉悶，反而認為執行警察職務，可以接觸社會上不同階層的人士，能夠學以致用，服務社會，其後毅然投考警隊。

　　然而丘凱恩於警察學院受訓時，在練習步操期間拉傷腳部韌帶，因此患上骨膜炎，不能參與強烈的體能活動，令她一度擔心會遭趕出警校。惟她表示，自己不斷以游泳、拉筋鍛煉體能，校內的教官及同學之間亦互相支持，「我哋唔會丟低某一個人」﹔加上母親經常叫她「頂住」，不斷鼓勵她面對傷患。

　　雖然丘凱恩受到精神上的困擾，仍然不想讓身邊的人失望，經過兩個月後，丘凱恩終於戰勝骨膜炎，並以優異的成績獲得榮譽警棍畢業。她表示，獲獎只是額外的獎賞，「但求問心無愧，也想別人認同自己」。


占士，雙喜臨門，恭喜晒 ^^
but，where are u? ^^↑

倒數開估 = 祝生日快樂 + 慶祝順利出冊

1. 祝你生日快樂 (新曆) :-)
2. 慶祝占兄順利出冊！

食食食

放假無無聊聊瞓到12點，
嘩......精神晒！ Good！ ^^

午餐罕有地下廚，
煎了個雙蛋公仔麵食，
感覺超好！

晚餐去了三藩市牛扖屋，
味道一般， (唔識享受)
3個人七舊幾水仲要食唔飽！
下次都要諗過先！

之後去左哈根達斯食左個 Happy Forever，
飽到行唔到！ :P

曾生肥到就快變仁爺啦！

農曆生日先同你講一次生日快樂先！ ^^

1...

心情極靚 ^^

早上無聊 hea下 hea下，
下午就去左荃灣聖十架搞workshop。
那裡地方唔算好，
不過最好的就係服務一流，
所有 road sign、登記位置都準備好晒，
去到都唔駛點做，
淨係入個ppt落個電腦度！
(但係就真係悶到爆，係咁放蚊...)
Break o個時仲有荼點供應tim！ Good!! ^^
完場又唔駛自己去收拾殘局！
建議應該多D使用學校資源，
互利互惠！！

之前學人投資(機?)股票，
今天竟破格上升，
不過未到理想位置，
都係再睇定D先！

全日都眼瞓到爆，
好彩明天放假休息！ :P

2...

K 完可以再 K

無幾耐之前先 K 完，
今日又再 K 過，
地點一樣--九場，
人數一樣--4個，
(照樣新歌唔識唱 ~_~)
不過價錢就唔一樣！
(上次 K Lunch 每人$40大元，
今次 K Dinner 生日免一個都每人$110，
無果盤、nuts都咁 xx 貴！)

今次e間係8-10人大房，
4個人坐簡直有空溜溜的感覺，
可以每人瞓住一張sofa尼唱，
再加上任唱唔嬲，
又有真人版 pk + 清潔服務，
結果都搞到十一點幾先走，
好彩都仲趕得切尾班車，
明天仲要返工架，
累......

3...

來自遠方的......流言

今早發現個blog又有人回覆， (喜)
一看之下，e......印度人...... @_@'
唔識架wor，點解佢識睇中文字同香港用語？
印度果然真係多奇人奇事！

下午，又走左去九龍塘搞Workshop，
有過上星期一的經驗，
今次搞起上來就順利好多，
再加上人數比上次少，
簡直就好似食生棻咁！ Good！
可以準時走人，更加 Good！ ^^

4...

天機算

搞事的招財麗麗相繼去世，
唔知係有什麼玄機呢？

大偵探被"知會"轉會，
即刻發晒茅，係咁攞假，
來個"假，我已經批了，你唔可以唔比我放"！
都唔知點解佢個個同事都夾唔來！
佢天機算盡，諗住仲有3幾個月，
點知......人算不如天算！

北京石景山，一個神奇的地方，
雜百家之大成，但又自創獨家之特色，
一個字，強！

5...

多得「招財麗麗」唔少?! + 「衝喜」

其實秘密基地被人發現，
招財麗麗只係其中的導火線，
(但係點解佢會知道係"招財麗麗"的呢? :P)
最主要係"谷歌"的強大，
我之前都有試過，
真係想找乜就有乜！
(相關新聞)

另外，泰王講到"衝喜"，
照我睇要佢地主人家主動承認，先算有效！
因為，我地好多時都會自動對號入座，
誤會了他人的意思！
就好似個倒數咁，
我分明就係釣佢出來的，
因為普通人係應該見唔到的(唔覺眼)！
當然，主人家唔想承認也沒有什麼大不了的，
就當係我地錯誤地"對號入座"罷！ ^^

7...

平靜的一天

永安日總是給人一種平靜的感覺，
全日都係hea下hea下，
又可以同大家一齊食飯！ ^^
收工前竟然同阿sa一齊玩pda，
結果被佢找到部 pda wireless出街的方法，
(其實係我一直唔發現要在network setting改d野)
果然，40個係唔同d！

「中招」？係呀，係你呀！ 嘩哈哈......

8...

全方塊workshop - 添食篇2 ( = round 17)

順順利利，又完一場！ ^^
只係大大無厘頭响午飯時間出現，
仲要找不正開 lunch meeting！
(阻鬼住晒我地食飯 >_<)
開足成個 lunch，
你唔食人地都要食架，
真係苦了不正！
到開場佢又自動消失了！
D 野係唔係咁趕啊？
明天回 office 先再講唔得嗎？

9...

長線投資?!

放左工約左個好兄弟出銅鑼灣見面，
我為的其實是想一睹他GF的面貌，
而他為的當然是幫助他GF啦！
事關他GF是財務策劃顧問，
是利用又好，自願又好，
總之身邊的親戚朋友都不會放過！
出來之前其實大家已經知道大家的目的，
(話晒都係十幾廿年的兄弟，當然無乜野唔講得！)
所以大家都比較自然些。

佢GF唔算是一個大美人(略為脂粉味重了點)，
不過也不失為順眼類型，
只係眼光就差了點.......... :P
而且聽講話係事業型女性，
談婚論嫁的事可以遲得就遲，
睇來這位兄弟這次投資應該係長線的了，
短期利息應該就係人身自由！ GOOD！ ^^

10...

5.1 唱K + 行街

聰少主張“正正經經”的飯局，
最終變左做 lunch K，
仲要去到九龍城廣場咁遠唱！
講開又講，九場裝修左又好似幾好，
起碼人流多左好多先！
不過多人的結果就係要準時收工！ ~_~
跟住再去左九龍城裡面找泰國出產的蚊怕水同去食豆腐花！
然後仲同泰王去左旺角做金魚叔叔tim！ ^^！

11...

好幫手 + 秘密

今日又走左去九龍塘開Workshop，
其實我都唔知去到要做乜，
總之又有我份就一定！ @_@
之前的準備工作好彩有泰王、桑姑同k小姐幫手，
如果唔係都幾大獲，
真係辛苦晒！ ^^

下午回office時，
泰王講左我知一個(已經confirm)的秘密，
雖然係有D吃驚，
不過其實一早就估到(知道)，
所以都真的替他高興！ \(^o^)/

12...

大休2天

成個星期都未停過，
好彩星期六日無乜野搞，
可以靜靜地休息返2日，
不過亦惹來一些不滿的聲音！

米埔之行 (2)

今日又走左去米埔，
行程同上次差唔多，
不過就比上次晒/熱得多了！
再加上今次無乜雀睇，
所以d老師一入雀屋無耐就走返出來！ :P

仲有今次細s 都有出席 (學習？)，
不過由頭到尾都無幫過手，
只係做一個旁觀者！
我睇佢都係無心戀戰多了！

大偵探真係越來越cheap了，
繼昨日唔跟車回office之後，
今日又再次唔跟車，
佢話要比細s做下！
佢仲要cheap到搭左某位老師的私家車去元朗，
唔怪之得佢一直極力主張唔帶咁多野啦！

PS: 原來米埔接待處出面係有間士多的，
仲有餐蛋麵食，下次去就唔駛帶咁多野lu，
不過唔知下次會係幾時呢？ @_@

黑仔日

1. 臨瞓前發現個聖鬥士星矢巨蟹座鎖匙扣爛左；
2. 唔知醒起身；
3. 做埋 workman 搬貨上上落落；
4. 午餐倒瀉左，仲要上身添；
5. 本來可以直接响 KTC 解散，不過都係要搬野返灣仔；

團隊精神?!

連續3日都係安排緊 workshop/seminar 事前事後的資料，
今日就特別忙，
事關明天的大型 seminar 資料到中午前還未 finalize！

午飯後全力做影帝，
細 r 就幫 spm 搞其他 logistic 及 聯絡事宜，
而其他人都要落水，真係辛苦晒！

係唯獨那位老人家沒有幫忙！
仲要唔知係攞景定贈慶，
响人地最忙的時候 (也就是放工的時候)，
打我個手提電話來說：「我走啦，你有無鎖匙？」
我頂你個肺，一 d 團隊精神都無，
仲可以好安心咁走去放工！ >_<

其實都無人叫我幫手，
我都大可以準時走人，
不過我就係好管閒事，
事事睇唔過眼，同衰心軟，
所以有親大獲野次次梗有我份！ @_@

人地話 e+ d 細路一蟹不如一蟹，
我覺得也不盡言，
起碼我覺的佢地 d 團隊精神/分享精神，
比起那些成熟穩重的老人家強得多了！

「種籽」計畫

今日心情極差，
極唔想返工，
本來想著得"四正d"出去，
諗下諗下，為表不滿，
都係求其一件 T-shirt 牛仔褲算了！

去到會場，
眾人好像對我的衣著有意見，
不過又不方便表達。
係，我係知道的，
當我失去理智時，
有時係會做一些任性的事，
請各位多多包涵！ :P

好彩一切順順利利，
無驚無險，又到12點，
下午又唔駛過銅鑼灣工作，
所以就出左黃金行下。

忘記一提的係，
大偵探之前又話 claim 又話唔 claim，
昨天又話我知叫我去 claim。

喂，你諗清楚未架？

米埔之行 (1)

今日去米埔搞 workshop，
好多同事朋友都好羨慕，
其實都唔係想像中咁好玩，
因為去到係有野要做的！

晨咁早 (7:15am) 就要返到 office 集合(做咕哩)，
然後再乘的士去九龍塘的理想酒店......與老師集合，
旅遊巴轉左車又唔通知，
老師自己去米埔(有d唔去)又唔通知，
次次都總係有d阻滯，
再加上大偵探唔想比人知佢個手提電話的no.，
所以打電話聯絡事宜就落在我同細 r 身上！

舟車勞頓，坐左成個鐘車終於去到米埔 (9:20am)，
大家休息左10分鐘左右就開始 workshop 的 presentation。
其間最驚險的就是其中一位嘉賓的超大 ppt (330mb) 開極都開唔到，
要即時上網取回上年o個個檔案，
其他的都是超悶人的理論和解說。

12:40pm，終於放飯了，
因為米埔附近是沒有食的東西賣的，
所以所有人都自備左午餐，各自修行！
(好彩 7-11 是24小時的，如果唔係......要食雀屎喇)

1:30pm，下午的活動又開始了，
先來兩小時的生態遊，
(好彩有樹蔭，如果唔係一定變黑人)
再來小手工製作及 roundup，
已經是 4:20pm 了，
拿拿聲行返出停車場找那架旅遊巴出返市區。

返到 office 已經係 6:00pm 了，
見到新買的"小魚兒"就玩左一陣，
再 check 下 mail，準備明天的工作就已經 7:00pm 了！
(係，無錯，明天星期六都仲要返工！) X_X


以下全部用 Canon Digital IXUS 900 Ti 所拍攝的：






(好可愛的 LEGO 熊貓捐款箱 :D)


(一群黑翅長腳鷸)


(大白鷺)


(小白鷺與黑翅長腳鷸)


(又係一群黑翅長腳鷸)


(大白與小白)


(不知名山菇)

全方塊workshop - 添食篇1 ( = round 16)

大大同不正早上都有去 workshop，
仲有講有笑，果然d EQ, IQ, AQ, .... 乜Q 都好高！

細 r 下午要去覆診，
所以下午就得返我一個人睇檔！
好彩一切順利，萬事大吉！

大偵探被告知唔可以自己換門鎖，
為免麻煩，他願意自己出錢而唔再 claim 返，
真係偉大！ (如果最初唔自己搞就無事啦！)

做到氣咳

今日繼續殺毒，
殺完又再出現第二隻毒，
都唔知個 server 係唔係又响度派毒！

傷風已演變為咳嗽，
都唔知係做到氣咳定係病到咳！ X_X

已經多野做到死，
下午仲要比人拎爆個門鎖，
差d出唔到個門口，
最後仲要自己安拆個門鎖！ ~_~

後來得知不正同大大早上開會，
(當時spm也在場)，
他們竟然罕有地擦出火花，
搞到不正要打信提出一個月通知提早離職，
信是上交了，
不過......，
最後大大 say sorry，事件也就不了了之！

願望成真 = 理想結局?

早上起身，發覺自己中左招，
竟然傷風流鼻水，
too bad!! @_@

返到office，
電話繼續响到爛，
聽唔掂，唔理喇，
離開自己個位，繼續四出殺毒！

下午幫spm搬屋，
成個下午就無左，
最後仲有蛋禚食！ :P

晚上再次玩美少女夢工廠4，
終於是魔法士與劍士之決擇，
結果發現是劍士(力量型)勝了魔法士(智慧型)！
"願望"係達成了，
可是同心目中的結局差了一大節，
更加有 bad ending 的感覺！ ~_~

新同事

今日又多一位新同事，
什麼？ boss？ 一來就做 boss？

一切都未準備好，
枱未有，櫈未有，電腦未有，電話未有，
但是工作就先來了！ :P

事關我早上幫手解毒時，
竟被"諾媽"徵召做臨時 technician，
去了 St. Paul's Convent School 睇場，
所以我就將手頭上的工作就分給了其他同事！ :P
(出左去都好，起碼唔駛聽到個响到爛的電話)
辛苦了他們！唔該晒！ :D

在途中，起碼有兩次聽到"諾媽"提起佢兩位 AA 的比較，
睇尼佢係有點偏重信任於"成熟"的那位，
而"年青"的那位就事事處於不被信任的情況，可憐！

不過，能者就一定會做到死的，
所以"不被信任"可能是一件好事都未定！ :D



無意中得知「茅小姐」的私人部落，
有興趣就問我 / 泰王拿罷！



事件解決了，原來是一場誤會，
不過那句依然生效，
You will pay for the next dinner！ :P

Shock x3

1. 你竟然用Ｘ智Ｘ對你的方式來對我，
　你好野！李老薇！
　「好！I'll remember this. You will pay！」

2. 小魚兒竟然自動浦返出來找我！奇跡，奇跡！
　上兩次上office竟然找我不在的時間出現，
　我以為我不會再見到/聽到他了！
　(雖然這次也只是為了工事)

3. 早前取得一隻久違多年前的遊戲「美少女夢工廠4」，
　今天取出來試玩，
　什麼製作多年，
　什麼強大聲優陣容，
　什麼天廣直人的人物設定......
　一切都係廢話！
　我只用了差不多3小時就爆了機！
　而且仲要係從前很難做到的"嫁給皇子"，
　真是...... (又有可能512的真是公主命)
　我會再玩多一次，
　重溫當年外出打怪的激烈，
　不竟我覺得女孩子穿著起魔法袍/中古戰鬥服都幾吸引！ :P

13號真係黑色星期五？！

放了多天假後，
今天重返工作間，
人事依舊，
可是面目全非！

"四方城"面積不大，
燈光不好，空氣更加不好，
長時間工作人都會痴線，
祝佢地幾位好運！

一早返到office位都未坐低，
大偵探就叫救命，
我以為佢又亂上網搞到中左毒啦，
點知大S跟著就打電話來，
又係電腦中毒！

諗住打電話上 helpdesk call 佢地落尼搞啦，
打極都無人聽！ 點做野架！

跟住.......我個電話、房間就"熱鬧"非常，
個個知我返左來就向我求救， @_@
大佬啊，比D時間我睇下發生了什麼事先好唔好！

原來，在星期三那天，
部份 officer 開機時已發現有點古怪，
在 login 個 novell server 時，
多了一個 DOS prompt，要手動關閉。
之後更有 officer 打電話上 helpdesk 說明情況！
可惜的是，那班收了錢又唔做野的人，
只是叫個 officer 嘗試重新開機就算了，
完全不負責任！

情況當然只能越來越壞啦！

到了星期四，佢地好似知死了，
終於在午飯時將個 server 作了一次 recover 的動作，
可是 officer D 機又點算呢？
睇尼就係你死你事！！
究竟，用咁多錢買D乜野 service 返來？

就係咁，全日無時停過，
研究怎樣將隻 w32.looked.bk! gen 洗走！
最可惡的是，就算救返部機，
很多 software 都要重新安裝！
簡直就係浪費時間！

無日安寧

樓上裝修，樓下拆屋，
日日係咁嘈，
放幾日假都無日安寧！ >_<

自我空間 (AT 力場)

昨天回程在隧道巴士上，
有位"活在自我空間"的人士坐在上層車頭位置，
他簡直視旁人如無物，
當正自己在架駛電單車般，
巴士左轉佢就左偏，
巴士右轉佢就右偏，
嚇得無人敢坐在他附近！

當時我身後有一位小朋友及他的父母，
小朋友天真的認為"那位人兄"是傻子，
他父親告訴他"那位人兄"只是活在自我空間，
更告訴他只要不打擾、不破壞'那位人兄"的自我空間，
"那位人兄"是不可怕的！

其實諗深一層，
我地唔知幾時開始，
各自擁有自己的"自我空間"，
(在 EVA 來說就是 AT 力場)，
將自己層層保護著。
要解開這個力場，
睇怕只能找到一位"適任架駛者"！

你找到了那位"適任架駛者"未？

廣州長隆遊記3 - 舟車勞累

兩天經驗所得，就算是市內也不要用行的，
所以吃過 brunch 後，就乘車到一得路閒逛。
不知不覺就已經是兩點幾，
又是乘車到流花車站再乘旅遊巴士回深圳。
一直都是塞車塞車又塞車，廣州、深圳也是，
結果要成六點幾先在深圳下車，認真辛苦！

hea下hea下過了關，在上水吃過晚飯及糖水後，
已經是十點左右！
仲有一條長長的火車軌，及海底隧道，
回到家已經是十一點幾，
好似乜都無做過咁，但係就咁就一日喇！


後記：
廣州食野好平 (唔包麥記同KFC)，
交通費就唔少野 (因為去邊都要乘車，實在太遠了)，
仲要留鬆點時間在交通上 (因為隨時隨地都可能塞車)！
百多元的三星酒店都住得過 (係就係唔就腳一D)！ :D

廣州長隆遊記2 - (沒有你)未能盡興

吃過早餐後，乘地鐵到長隆歡樂世界。
估唔到幾個站的地鐵車程都要差不多50分鐘！
出了地鐵站後，找到接駁巴士，
等了十多分鐘，終於出發了！
兩分鐘後，車上大部份的乘客都大叫著，跟著下車，
唔係呀 ma！ 咁快就到了樂園南門的入口！！
真係有點被騙的感覺！ (雖然只是2元)
(再一次証明手上的資料不可盡信)

本來一心想話玩完樂園再去睇大馬戲，
不過可能係復活節多旅行團的關係，
大馬戲竟然被人包了場！

算，就省返一點錢！

全園熱玩的機動遊戲及表演都差不多玩過一次，
係唯獨跳樓機無玩到，
事關佢日光日白走去維修，
夜馬馬先開返，
唔敢用條命仔教飛，
都係留返在香港海洋公園的跳樓機上聽下人地心事仲好！ :P

廣州長隆遊記1 - 出師不利

早上11點幾已過了關，諗住順順利利可以好快到廣州落腳，
點知(深廣)火車嚴重誤點，暫停發售車票，未知幾時再有火車時間！
所以諗住退而求其次改乘巴士喇，
點知一樣要大排長龍，人龍有成十多圈，
排左成個幾鐘先上到巴士！ @_@

去到廣州(廣原客運站)已經係三點幾，
(當時唔知自己在那裡) X_X
人生路不熟，不禁慌了起來，
只好找一架會去目的地附近的巴士就上！

好采可以出到市中心的上九路，
順便行行上下九及吃點小吃(午餐)，
再沿著方向尋找酒店。

我的心目中，一個地鐵站的距離應該是十至二十分鐘的距離，
所以一直行啊行啊，十分鐘，二十分鐘，三十分鐘，四十分鐘，
終於找到了 -- 下一站陳家祠！ -_-

到了陳家祠廣場，找來找去都找不到酒店，
只見一幅爛地，唔係 ma，唔好玩啦，
再去問下人，先知道個酒店不在這附近！
(完全被那不成比例的地圖玩死!!)
再行多二十分鐘，終於發現酒店了！

辦完手續上到房間，成個人散晒！

hea左一陣，越抖越累，
都係出街行下同找食！

無目的的向前走著，
四處的店舖開始關門！ (6:30pm左右) @o@
想話向江邊的酒吧街進發，
點知行來行去都找不到。
又累又餓，結果又係 kfc ........ (無奈)
食完野有返d體力，再出發，
原來酒吧街就在前面不遠處！ :)

不過去到都無入到去，
只係在出面的江邊行了一陣，
吃了點冷風和雨粉，
就乘車回去了。
回酒店前，再買了一個2元的干抄油河吃，
味道還可接受，又有盒又有木筷子，
最緊要係份量夠，吃得飽，簡直就係抵！

第一天就是這樣辛苦的行過了。